生命之道

生命有其法則，簡單嚟講，當細胞分裂嘅速度快過細胞死亡嘅速度，就係成長嘅階段，反之就係死亡嘅階段。當身體受傷，細胞分裂嘅速度就會加快。一個社會，其實可以當一個生物看待，一場運動亦然。

關帝廟，原本亦只係由一幅畫開始，跟住到一尊關公像，亦請來土地公，開埋光，再變成關帝廟。清咗一道鐵馬，一個鐵馬陣就會出現，當你滿以為清晒所有鐵馬陣，一個更大嘅水泥竹棚陣又會出現。

要消滅一場運動，其實只需要唔刺激佢，等到人少嘅時候，一次過 KO 就最快手。唔使太耐，一個月攪掂。就好似一個人唔去做運動，慢慢會變得唔健康，突然一個心臟病，咁就夠鐘。

唔識去消磨運動參與者嘅意志，係咁發動咩民間團體同江湖社團加埋警察係咁拆路障滋事打交撩交嗌咁，係管治者時日無多，定係點呢? 不過多得管治者嘅無道，我亦少擔心呢場運動會步向終結了。