萬丈高樓由地起

話說 Facebook 度出現咗一條小學生嘅題目:

   AB
-  CD
-----
   EF
+  GH
-----
  PPP

有人寫 Code 去計答案出嚟。趁假期得閒，貪得意玩埋一份。屋企唔想開 Visual Studio, 就走咗去 https://dotnetfiddle.net/.

因為多過一個答案，Brute force 難免，問題只係點樣解決得靚啲。觀察所得，係 AB-CD=EF 同 EF+GH=PPP 嘅解法一樣，Divide and Conquer, 即係解到 EF+GH=PPP, 就基本上解咗題。所以得出第一個版本係咁:


好快就可以意識到，只係 j 嘅計法唔同，加上

x.Add(n / 10);
x.Add(n % 10);

呢兩句太過累贅，於是就變成咁:


之後就見到擺入 HashSet 嗰嘅數字，只係作為 Validation 嘅準備，可以 Refactor 成一個 IsValid 嘅 Delegate; 然後再將 AddDigits() 簡化為 CountDigits():


睇住個 Calc(), 覺得 value 不大，因為只係一個 Loop 入面有個 if, 於是就直接將佢 Inline 入個 Main() 度; CountDigits() 用 LINQ 一句 KO 埋:


最後，想用最少嘅 Code 做嘢; 掉走埋 CountDigits(); 改返 ab, cd, ef, gh, ppp 做 variable 名; 執走第一個 if; fix 埋 p = 1 呢個已知數:


再貪玩少少，用 LINQ 代替兩個 Loop:


或者好多人會覺得寫一大段 Code 去解決一條小學生嘅題目係無聊，唔夠 Cost Effective. 但係每個 Software Engineer, 都要有解決問題嘅熱誠。呢個 Exercise, 由一開始 Divide and Conquer 嘅想法，Refactor 成一條 LINQ 攪掂，係完全意想不到。可能做唔到傳說中嘅 Python 咁5行攪掂 (到呢一刻都未搵到個傳說响邊)，但其實 C# 一啲都唔失禮。Ceremony vs Essence 嚟講，C# 都算係咁 (斜視 Java 中)。

大慨，呢個世界上有多過一個方法去解決問題，而大家都想搵最好嘅方法，最好可以係最快、最少 Code, 最 readable, 最 reusable, 最 maintainable 等等，無絕對標準的 (最快都重要分寫得快同行得快)，响各方面達致平衡，就係 Software Engineering 引人入勝嘅地方。

既然平時返工要趕 Project 無時間要左抄右抄，放假有時間偶爾寫吓完全屬於自己認為最好嘅 Code, 何樂而不為?

P.S. 有無人識將呢句 Fluent style 嘅 LINQ 變成 Query style: new int[]{ef, gh, ab, cd}.SelectMany(o => new int[]{ o / 10, o % 10}).Distinct().Where(o => o != 1)

雜記 8

好精彩嘅一個星期，發生咗好多事，協作為幾份 Proposal, 跟住一份獨力製作嘅 Proposal, 返嚟咁耐第一次獨挑大樑，慶幸嘅係壓力大，但成功感亦大，之後就係上個客度 Present, 應該有六七成把握。

星期三又做過一個差啲死嘅 Demo, 開會前30分鐘被告知 Server 死咗，好彩得電腦之神嘅眷顧，响做 Demo 前五分鐘就好似完全無咗件事咁。跟手就由機場去石門見另一個客，本來以為打甩咗一件麻煩事，點知又有另一件麻煩事上身，500部 Server, 究竟可以點 Mon?

今日本來又想做 YouTube Live Broadcast, 但試完啲嘢之後，發覺唔 Work, 只好放棄。跟住部機又鬼死咁慢，啲 Demo 做得子唔順，令到成個 Workshop 唔係咁靚。

今晚見完客開完會，諗住去响附近食少少嘢，見到杜丹樓，二話不說就衝咗入去。點知俾我撞到舊同事，傾咗一陣近況，雖然唔係入室弟子，但知道對方安好，係一件好事，好懷念當年一齊做事嘅日子。

呢兩晚都上咗15樓拗水吹，咁啱徒弟仔都响度，對於兩個知識控嚟講，一傾就傾到無雷公咁遠，真係好正! 不過就好似阻咗徒弟仔做嘢添...

今晚返到屋企，香港對卡塔爾場波已經過咗30分鐘，已經入咗一球。最後雖然係二比一輸咗，但已經踢得好好喇!

同徒弟仔吹水嘅時候，佢題到重播嘅《鹿鼎記》，話入面啲廣東話好唔同喎，於是求其搵咗一集嚟睇。其實又唔係太唔同，係多咗啲四字詞，亦文縐縐咗啲，但當年嘅人，呢個 tone 係好普通。今時今日，都應該唔會有人咁講嘢。啊唔係，有一個，場波輸咗嗰陣，鍾志光講咗句「江東子弟多才俊，捲土重來未可知。」大慨就係呢種感覺。

因為呢幾日都太夜瞓嘅關係，成個四日無做 Gym 喇! 而呢一刻係零晨四點，唔知聽日做唔做到呢?

十萬個冷笑話，終於俾我洗咗，但時間都好似唔係好夠洗。

呢個復活節，要玩 Node.js!

下個禮拜，進入新嘅工作模式。

炫舞場

話說有一日，見到有一場街舞表演 Show, 於是就問徒弟仔有無興趣去睇吓。場 Show 揀位嗰陣，都幾爆吓，得返啲邊邊位咁濟，好彩有一行後少少嘅坐得返中間少少，於是就買咗飛。

地點係葵青劇院，係徒弟仔地頭，於是星期五放工之後，就搭車過去。响附近嘅商場食咗少少嘢，飲咗杯冰涼嘅西瓜汁，就入去劇場。


其實與其話係街舞表演，不如就係一場以跳舞為主題嘅話劇。除咗街舞，重有 Beatbox, 現代舞、芭雷舞、大媽舞，再將夢想、親情、友情、香港情懷共冶一爐，感覺唔錯。

呢一場之後有個分享會，對表演藝術識條春嘅我竟然問到問題，重係第一個問添! 因為本來以為只係得剛強嘅街舞，但係又有其他柔性嘅舞蹈出現，就不禁想知點樣排入去。不過因為第一次參予呢啲分享會，問得唔係太清唽，呢場重要係錄影㗎! 今次真係失禮晒...

分享會之後，先留意到原來會場外有花籃同劇照。


跟住就見到啲人排住隊同各位演員影相。


走出表演場館，本來各自返歸，跟住徒弟仔話可以食燒夜，又有少少餓，於是又返返去商場食嘢。無意中見到類似裝腸粉嘅碟，其他地方又可以唔太吸引，於是就坐低咗，叫咗碟腸粉，徒弟仔就嗌咗個燒賣，點知... 啊姐聽錯咗，將腸粉同燒賣撈賣一齊... 呢次都真係分甘同味。

食飽飽，返去地鐵站，因為月台唔一樣，真係要分道揚鑣，跟住又好傻仔咁用手機影對方。然後，就無然後了，我部機突然無電... 呢次應該係第二次，希望捱到出 Z6.

人工智能

AlphaGO 同圍棋高手對決，當你知道箇中原理，你可能會崩潰。

動漫迷一定記得响《全職獵人》入面，會長同蟻王對決嘅一幕。會長千手觀音嘅招式，縱使有無限嘅可能性，但因為每一個人都有自己嘅 Preference, 而將可能性大大降低。而蟻王最後就睇穿咗會長嘅 Pattern, 會長意識到不敵蟻王，最後就只可以出大招攬炒。

AI 嘅其中一個範疇就係搵出最 Optimal 嘅 Solution, 而搵嘢嚟講, 相信無人會反對 Google 係首屈一指。AlphaGO 其實就係去搵 Pattern, 再搵出最有機會取勝嘅棋法。聽說圍棋講求棋手個性、棋型、平衡呢啲，電腦唔會玩呢套囉! 只要 AlphaGO 搵出對方嘅 Pattern, 再勁嘅高手，到最後就只會輸。

唔好為人類輸咗而失落，因為人追求各方面嘅完美，電腦追求解決問題。即係你叫電腦去解決一個道德問題，例如:

有一群小朋友在外面玩，而那個地方有兩條鐵軌，一條還在使用，一條已經停用。只有一個小朋友選擇在停用的鐵軌上玩，其他的小朋友全都在仍在使用的鐵軌上玩﹔很不巧的，火車來了（而且理所當然的往上面有很多小孩的，仍在使用的鐵軌上行駛），而你正站在鐵軌的切換器旁，因此你能讓火車轉往停用的鐵軌，這樣的話你就可以救了大多數的小朋友，但是那名在停用鐵軌上的小朋友將被犧牲，你會怎麼辦？

電腦無辦法去自我衡量各種價值嘅比重，我哋只可以輸入自己嘅價值觀去得出計算結果。就算叫電腦由人類歷史中搵出 Pattern, 咁樣，輸入唔同嘅歷史時段或者事件，都會左右得出嘅計算結果，或者佢只可能得出大部份人會認同嘅結果，佢可能搵唔到路軌問題一個皆大歡喜嘅結局。

其實 AI 唔需要所有嘢都係最 Top, 佢只要比平常人做出更好嘅決策就得，而現實生活中，好多做投資嘅基金同銀行，都係用電腦計完一大餐之後就做買賣。落一個買盤或者賣盤或者無乜嘢，但試想像，如果人類嘅所有決策，到最後都係依電腦計算出嚟嘅結果去做，咁究竟係電腦幫緊人，定係人類變成電腦嘅奴隸? 當人類意識到嘅時候，就接受唔到被電腦「統治」，跟住就想反抗，咁科幻小說入面人機大戰嘅情節，就變得好 Make Sense 了。

希望

我唔係教徒，但响一間天主教嘅中學，因為係天主教學校，所以有宗教堂。記得有一日，神父話天主有信、望、愛三德，當中嘅望係希望，人無咗希望就乜都無。

因為呢排多學生輕生，不少人寫文叫人唔好死，見到有一句係咁嘅「做人是一定要捱一些屎，但屎，一定會過。」令我諗起一個長壽嘅真實故事。

話說有個地方，啲人好長命，有記者採訪其中一個老人家，問佢咁長命開唔開心。個答案係唔開心，仲叫個記者可唔可以幫手了解佢嘅生命。點解呢? 因為鄉下地方太窮，可以食嘅就只有粟米，而老人家，食咗百幾年，換著係你，咁長命，你會開心嗎?

食粟米都想死，何況係捱屎? 要捱幾耐呢? 假如有一日你覺得自己一世都要捱屎，你係咪又會繼續捱落去?

學生見到今日嘅社會，覺得一世都要捱屎，睇唔到前景，失去咗希望，就正如神父所講「人無咗希望就乜都無」。

社交媒體發達，大家鐘意就發文、轉發、Like and Share. Facebook 出咗反應彈之後，嗰位得六百八十九票嘅特首可以爆嬲嘅，究竟香港人捱咗幾多屎? 又要捱多幾耐?

做啲可以改變社會嘅事，做啲令社會有希望嘅事，人類社會係為下一代而建設，唔做幫兇去建立一個摧毁下一代嘅社會，一個要成日捱屎嘅社會。