放咗工後,去電腦商場逛一逛,相買一部 Blu-ray + LightScribe Writer. 電腦城無,298又無,打道回府。
返到屋企,打開 YouTube, 台灣金鐘獎直播中,睇吓有乜料到好。一開條 Link, 劉謙剛剛開始變魔術,係最拿手嘅近鏡魔術,紙牌穿透密封水樽、手錶穿過纏繞住電線膠布嘅手指、拆開膠布後變成可以吹脹嘅波、最後一個預言,技驚四座。
除咗個預言魔術行咗少少,其他嘅表演手法都近乎奇蹟級,一流呀! 咁都俾我撞正睇到,係奇蹟中嘅奇蹟!
Search This Blog
Saturday, October 27, 2012
Wednesday, October 24, 2012
Flawed Survey
上最期收到個電話調查,得一條問題。
問: 你支唔支持最低工資加 10%?
答: 即係幾多錢?
問: 即係一個鐘三十蚊
答: 咁如果我想話要高啲又或者低啲呢?
問: 咁先生你支唔支持最低工資加 10%?
答: 唔好意思,我答你唔到
假設我想加多啲,如果我答唔支持,我嘅意見會唔會俾有心人去扭曲,變咗係社會大部份人都唔知持加最低工資嘅其中之一?
假設我覺得加得太多又或者根本唔贊成最低工資,如果我答唔支持,我嘅意見會唔會俾有心人去扭曲,變咗係社會大部份人都話加得少嘅其中之一?
我希望呢個唔係施政部問做嘅調查,如果係嘅話,真係唔難解釋政府嘅政策同民意有咁大落差。無足夠嘅 Context 俾調查目標去做判斷回答問題,係扭曲民意嘅最佳方法。
你同意政府需要更多土地去起樓嗎?
你同意警隊需要更多裝備去對付暴亂嗎?
你同意立法會需要急市民所急,通過政府民生議案嗎?
你又會點答?
問: 你支唔支持最低工資加 10%?
答: 即係幾多錢?
問: 即係一個鐘三十蚊
答: 咁如果我想話要高啲又或者低啲呢?
問: 咁先生你支唔支持最低工資加 10%?
答: 唔好意思,我答你唔到
假設我想加多啲,如果我答唔支持,我嘅意見會唔會俾有心人去扭曲,變咗係社會大部份人都唔知持加最低工資嘅其中之一?
假設我覺得加得太多又或者根本唔贊成最低工資,如果我答唔支持,我嘅意見會唔會俾有心人去扭曲,變咗係社會大部份人都話加得少嘅其中之一?
我希望呢個唔係施政部問做嘅調查,如果係嘅話,真係唔難解釋政府嘅政策同民意有咁大落差。無足夠嘅 Context 俾調查目標去做判斷回答問題,係扭曲民意嘅最佳方法。
你同意政府需要更多土地去起樓嗎?
你同意警隊需要更多裝備去對付暴亂嗎?
你同意立法會需要急市民所急,通過政府民生議案嗎?
你又會點答?
Tuesday, October 23, 2012
短評 Love Never Dies
作為 The Phantom of the Opera 嘅延續篇,故事同舞台效果唔錯。但作為音樂劇同作者嘅功力,音樂實在唔夠吸引。以 Phantom 或者 Les Misérables 為例,都有起碼一首第一次聽就印象深刻嘅樂章。但 Love Never Dies 似乎响度俾演員飊吓高音,就無以為繼。
值得一讚嘅係個細路,咁啱佢聽嘅章節都好聽,加上清脆嘅童聲,唔錯!
總括响講, Phantom 迷可以一睇,鐘意睇悲劇嘅都可以睇,鐘意華麗舞台嘅睇下無妨,為聽音樂嘅就可免。
值得一讚嘅係個細路,咁啱佢聽嘅章節都好聽,加上清脆嘅童聲,唔錯!
總括响講, Phantom 迷可以一睇,鐘意睇悲劇嘅都可以睇,鐘意華麗舞台嘅睇下無妨,為聽音樂嘅就可免。
Tuesday, October 16, 2012
每日一字 15
龍 - 音隆
龖 - 音踏 意雙龍 或 龍飛之貌
龘 - 音踏 同龖 意龍飛之貌
𪚥 - 音摺 同讋 意多言
龖 - 音踏 意雙龍 或 龍飛之貌
龘 - 音踏 同龖 意龍飛之貌
𪚥 - 音摺 同讋 意多言
Tuesday, October 9, 2012
It's sick, dude!
我真係唔係好識欣賞咩叫「江南」Style, 原來呢個世界已經進化到跳白癡舞可以跳到名成利就。一樣係其貌不揚,努力向上嗰啲藝人,又或者 Cheerleaders, 同埋做體操、國標舞呢啲人,佢哋可以點? 係咪要有一百個 PSY 同一千個孔慶翔响呢個娛樂圈度大家先開心?
究竟「江南」Style 除咗用嚟俾人學嚟攪笑之外,有乜咁好睇?
究竟「江南」Style 除咗用嚟俾人學嚟攪笑之外,有乜咁好睇?
Monday, October 8, 2012
劇終
國教指引撒回,反國教大聯盟收貨,又有其他人唔收貨。
我哋成日話,TVB 啲劇,結局成日爛尾。但所謂戲如人生,一件事爛尾,係何其容易嘅事。好多事都不能盡如人意,要知道反國教唔係大聯盟嘅專利。如果真係咁多人唔收貨嘅,不如就去組織一個新反國教團體。有人講過:「為相同而團結,不為團結而相同」,請大家用自己响呢個運動學到嘅獨立思考而行動。人民力量假設係唔收貨嘅,就請執行選舉承諾,做該做嘅事。一個政治團體,無理由要睇學生團體頭去做事。
其實由政府總部嘅發言同傳媒嘅訪問,都可以知道家長學生們只係想過返啲普通嘅生活,係燒到埋身,先企出嚟。再睇返撒離政府總部前,佢哋嘅三點要求:
我只係希望,國民教育呢一科,可以好似八萬五咁,唔提一段時間嘅話,就可以唔存在。
我哋成日話,TVB 啲劇,結局成日爛尾。但所謂戲如人生,一件事爛尾,係何其容易嘅事。好多事都不能盡如人意,要知道反國教唔係大聯盟嘅專利。如果真係咁多人唔收貨嘅,不如就去組織一個新反國教團體。有人講過:「為相同而團結,不為團結而相同」,請大家用自己响呢個運動學到嘅獨立思考而行動。人民力量假設係唔收貨嘅,就請執行選舉承諾,做該做嘅事。一個政治團體,無理由要睇學生團體頭去做事。
其實由政府總部嘅發言同傳媒嘅訪問,都可以知道家長學生們只係想過返啲普通嘅生活,係燒到埋身,先企出嚟。再睇返撒離政府總部前,佢哋嘅三點要求:
- 沒有時限性
- 不獨立成科
- 撤回指引
我只係希望,國民教育呢一科,可以好似八萬五咁,唔提一段時間嘅話,就可以唔存在。
待客之道
做完 Gym, 見到有兩個遊客 (一男一女) 踎咗响度,拎住本書手指指,本書係日文嚟,似乎好無助。本來行過就算,但係踎响度喎,應該係好攰吓,返轉頭問一問都好。
用英文問佢哋使唔使幫忙,個男仔話唔使,但個女仔話要。原來佢哋想入間中菜館食嘢 (似乎係旅遊書介紹),但見到入面烏燈黑火咁,就問間中菜館有無開門。我都唔太知,但以常識嚟講,未夠五點,應該係落場時間,叫佢哋六七點再嚟過。
跟住個男仔同女仔講佢幾句,個女仔就問邊度可以兌港紙。OK, 原來個男仔話唔使幫忙,係因為驚溝通唔嚟,咁就唔係問題啦,因為我都驚,但女仔嘅英文係可以令人明白嘅。不過找換店嘅路程响地理位置嚟講,要講出嚟有少少難度,不如送佛送到西,就要佢哋跟我嚟。
雖然唔遠,但都要過幾個街口同馬路,其間同個女仔閒談咗幾句。似乎個女仔都對唔同地方嘅語言有興趣,問香港人係咪講香港話呀,又嘗試用普通話講「我是日本人」咁。
到咗找換店,指俾佢哋睇呢個匯價,臨走嘅時候,個女仔叫我留一留步,搵咗個100円嘅銀仔俾我做紀念。講咗聲多謝,加多句 Sayonara, 心情舒暢地返屋企。
或者,假設唔係剛做完 Gym 成身汗,我諗我會做一做導遊,帶佢哋遊吓上環。
用英文問佢哋使唔使幫忙,個男仔話唔使,但個女仔話要。原來佢哋想入間中菜館食嘢 (似乎係旅遊書介紹),但見到入面烏燈黑火咁,就問間中菜館有無開門。我都唔太知,但以常識嚟講,未夠五點,應該係落場時間,叫佢哋六七點再嚟過。
跟住個男仔同女仔講佢幾句,個女仔就問邊度可以兌港紙。OK, 原來個男仔話唔使幫忙,係因為驚溝通唔嚟,咁就唔係問題啦,因為我都驚,但女仔嘅英文係可以令人明白嘅。不過找換店嘅路程响地理位置嚟講,要講出嚟有少少難度,不如送佛送到西,就要佢哋跟我嚟。
雖然唔遠,但都要過幾個街口同馬路,其間同個女仔閒談咗幾句。似乎個女仔都對唔同地方嘅語言有興趣,問香港人係咪講香港話呀,又嘗試用普通話講「我是日本人」咁。
到咗找換店,指俾佢哋睇呢個匯價,臨走嘅時候,個女仔叫我留一留步,搵咗個100円嘅銀仔俾我做紀念。講咗聲多謝,加多句 Sayonara, 心情舒暢地返屋企。
或者,假設唔係剛做完 Gym 成身汗,我諗我會做一做導遊,帶佢哋遊吓上環。
Tuesday, October 2, 2012
誠品自有黃金屋
唔知點解,去誠品叫做朝聖...
今日有少少時間,去探一探路,睇吓有咩好睇。八樓,一入去就係放嘅係 Arts 同 Architecture 嘅書,唔... 咁多人嘅,乜香港人對 Arts 咁有興趣?
九樓同樣地多人,不過最驚喜嘅係,竟然有心理學嘅書賣,有認知心理學、行為心理學、老人心理學,連超自然心理學都有?! 我講緊嘅係接近教科書,可以响大學用嚟做參考嗰啲,唔係乜嘢厚黑學、FBI 讀心術或者心靈雞湯喎! 而且係有人真係拎上手睇!
十樓主要係賣雜貨(或者精品),行去雜誌區,果然無令我失望,有本 Psychology Today! 之前响機場買過一本嚟睇,諗住訂但又驚唔係期期好睇,所以不了了之。似乎之後可以去呢度𥄫完再買。
除咗多人咗啲,我俾5粒星。
今日有少少時間,去探一探路,睇吓有咩好睇。八樓,一入去就係放嘅係 Arts 同 Architecture 嘅書,唔... 咁多人嘅,乜香港人對 Arts 咁有興趣?
九樓同樣地多人,不過最驚喜嘅係,竟然有心理學嘅書賣,有認知心理學、行為心理學、老人心理學,連超自然心理學都有?! 我講緊嘅係接近教科書,可以响大學用嚟做參考嗰啲,唔係乜嘢厚黑學、FBI 讀心術或者心靈雞湯喎! 而且係有人真係拎上手睇!
十樓主要係賣雜貨(或者精品),行去雜誌區,果然無令我失望,有本 Psychology Today! 之前响機場買過一本嚟睇,諗住訂但又驚唔係期期好睇,所以不了了之。似乎之後可以去呢度𥄫完再買。
除咗多人咗啲,我俾5粒星。
Monday, October 1, 2012
Bit vs. Atom
十幾年前已經係一個數碼人,十年前有第一部 PDA, 到今時今日嘅 Smart Phone, 習慣都係無乜變。唔會睇書,只會玩 Game, 重要係普通嘅 Board Game (Tetris, Reversi 之類), 貪佢唔駛有連續性,隨時停得。
可能人老,開始覺得對住個細 Mon 會攰,所以拎番幾年前買咗嘅扭計骰嚟玩。
買嗰陣有張紙仔教點玩,但都幾年前嘅事,已經唔記得點玩。上網搵返個心法,唔... 好似唔係好似之前嘅玩法。算啦! 砌到就得。一個唔會有紀錄同唔會有輸贏嘅遊戲,都係用嚟打法時間用啫。更何況,我覺得响地鐵扭下扭下,比起住部電話篤吓篤吓更似個人。
可能人老,開始覺得對住個細 Mon 會攰,所以拎番幾年前買咗嘅扭計骰嚟玩。
買嗰陣有張紙仔教點玩,但都幾年前嘅事,已經唔記得點玩。上網搵返個心法,唔... 好似唔係好似之前嘅玩法。算啦! 砌到就得。一個唔會有紀錄同唔會有輸贏嘅遊戲,都係用嚟打法時間用啫。更何況,我覺得响地鐵扭下扭下,比起住部電話篤吓篤吓更似個人。
Subscribe to:
Posts (Atom)
Popular Posts
-
Last Thursday, I tried to call one of the lost classmates. I didn't contact with him since I left Hong Kong. When I came back, all peopl...
-
前幾日,睇到呢篇文 嬲爆!電車司機哭訴,竟被斥奴隸! 今日搵返出嚟嘅時候,見到另一篇謬論,先回: 1。歐、美各國發達或不發達民主國家。出糧時,最少4 % 扣去供EI unemployment insurance 失業保險,最少3 % pension 退休金,如非管理層,最...
-
These few weeks are bad weeks. I met a girl on April 2. She was a nice girl. Not my cup of tea, however. By the way, she was a member of dir...
-
Having lived in Mainland China for 7 years, I bring a different perspective to this argument. I have traveled to Hong Kong numerous times ov...
-
有條茂利講過「與病毒共存,只會共赴黃泉」,要繼續清零。但當繼香港國際馬拉松後,國際龍舟邀請賽亦移師泰國,一連失去兩個大型運動項目,不同界別都叫政府審視防疫政策。 呢兩日開始吹話要今個月就入境0+7, Now, let's thinking about what it me...
-
如果你問我,正生搬去屋企附近有無問題,我無所謂。反而明報今日一則副刊,令我有更深切嘅反思: 共同分擔不受歡迎設施 對於有梅窩人不滿偏偏選了他們的社區,陳健民說,社會有多類型的設施需要大家承擔,只要不是過於集中一個地區,就有道德責任接受,就算富裕如數碼港 的富豪區,也有此責任。美國...
-
個市一跌就去跌到去短線支持位,唔好以為係趁低吸納嘅時機,所謂「關前莫擺陣」,呢 D 位一樣可升亦可跌,升可以慢慢升,但再跌落去都唔係人咁笨。 PS - Jan 12: 咁都俾我講中,今日又跌 182.97 點。唔通聽日彈一彈,下星期又跌過? 即係今個月期指係玩跌? 目標係 50 ...
-
帶定頭盔先,呢篇文只能用有限嘅資訊同常識,外加少少陰謀論去講俾依家唔得閒嘅警察朋友知。 首先警力不足,一場咁和平嘅示威,係唔需要太大量警察,衝並唔係民眾想做嘅事,只係响邊界守住唔好比佢擴散就已經交到差。每每用幾百警力去佈防一個點,多多都唔夠。但資源掉配嘅嘢,真係零資訊,要問就...
-
對於顏色配搭同計設美學嘅認識,我大慨小學之後就無學過,記得當年有位美術老師李Sir, 份功課係叫我哋設計一個 Logo, 咩 Logo 都得,教嗰陣話一個成功嘅 Logo, 就係簡單,珠江橋牌成條珠江橋放入去,係反面教材云云。 而成功嘅 Logo 都係簡簡單單,例如無人會...
-
經驗值錢嘅地方就係當其他人攪嚟攪去都唔係好攪得掂嗰陣,就係小弟出手嘅時候。 下等 programmer 只會抄,上網見啱駛就用,完全零思考。 中級 programmer 只管用,為求行到就得。 上乘 programmer 會了解,將知識靈活地融匯貫通。 論寫 program, 小...