入咗閘後，去咗大家樂，買咗個荷葉飯餐，一支水，重有錢剩，就買多杯 Yogurt, 重有5蚊剩，但係無計較得咁多，太多嘢食唔晒就無謂。個荷葉飯啲蝦米就略嫌咸咗啲
上機等起飛，又有少少 Delay, 食過飛機餐，有啲未睇過嘅戲，揀咗套 Snoppy 睇，The Hunger Game 大結局返程先睇。睇完套戲，瞌咗一陣，咦! 差不多到，太好了。大神話已經响新宿?! 吓，但飛機話响 Osaka?!
等咗一陣，問咗空姐發生乜事，原來因為天氣太差，空管緊，唔知幾時起飛。可以做嘅就只有等。於是就睇住個日落，由天光等到天黑。
一個鐘左右，飛機加好油，又可以起飛。起飛前查過，重可以响新宿搭巴士去富士山區河口湖。飛機降落後，就一支箭咁，希望以最快嘅速度出閘。但係見到長長嘅人龍，就發現只係一個幻想，可以做嘅就係搵吓今晚 Book 唔 Book 到酒店房瞓。
好好彩地，响新宿火車站附近有一間之前响 TripAdvisor 睇過又唔錯嘅酒店重有房，價錢唔貴，就好快手咁 Book 咗。
等咗一個鐘左右，終於過到關，巴士雖然未開，但唔知點解話已經唔開去新宿，唯有搭火車
之後，就好大鄉里咁，唔識買火車飛，好彩有靚女票務員姐姐幫手，成功地第一次買火車飛 -_-!
要响日暮里轉車，成日聽住 Nippori 嘅發音，成日覺得唔知邊度聽過。原來同意大利城市 Napoli 撞尾嗰兩個音節。
等轉車，因為已經十一點幾，飛機餐都已經消化晒，好肚餓，好彩响飛機度拎咗兩包 Nuts 頂一頂，暫時頂得住。
轉完車，去到新宿，好大嘅車站，唔識路去酒店。問當路人，攪咗一輪，指到大慨位置，去到附近，因為太夜，條街無人，大神又剩係得英文地址，就唯有靠對眼週圍睇吓邊度有酒店嘅物體。好好彩地，好快搵到間酒店。
Check-in 好後，房間不太細，Anyway 只係瞓一晚，都無乜要求
於好行李後，終於可以搵食，响火車站行出嚟嗰陣見到有麥記，所以唔驚無嘢食。去到酒店又見到便利店就响咗近，正考慮入唔入去買杯麵之際，行過馬路後，有間拉麵店重開緊，賣相不俗。唯一難題係，唔識用部機，剛好有人經過，就指手劃腳地問題買飛，總算買到了
等嗌號碼，賣相同出面嘅標本差唔多，可能因為太餓，加上個人對食嘢無要求，味道感覺上唔錯。
最後飲湯之際，感覺到有少少出前一丁麻油味嘅味道，原來係味精作怪。Anyway, 食飽之後，就返酒店休息，第二日要去富士山區。
No comments:
Post a Comment