話說個酒店房個窗口向東,個太陽一出嚟,間房就幾光吓。不過我唔係光醒,我係熱醒,無錯,又係個暖氣出事。
反正起咗身,又剛剛好日出,於是就影咗幾幅日出照。
由於太熱,想瞓都無得瞓,一於就食個 Early Breakfast.
呢個已經唔記得係乜嚟,又者跟本唔知係乜嚟,類似一啲粉絲嘅物體上面加咗一啲唔知生定熟嘅嘢,好似唔太啱胃口
介紹返,細路仔可以用呢啲餐具
拎咗啲簡單少少嘅嘢,張咭紙係用嚟覇位用,可能好多人一個人上嚟,走開咗侍應又唔知收唔收好,於是就整咗張咭紙俾客人
呢啲係用嚟放面豉湯嘅碗
加多碗粥同海苔,重有一杯酸奶。碗白粥加海苔好好味,酸奶就唔太識欣賞,下次都係食返啲西式乳酪
當你食完,反轉張咭紙,就可以收走嘅碗碗碟碟
有少少時間,就响接待處影吓人啲哋相展
返上樓上嘅 Lobby, 今日無雲,可以見到山下嘅城鎮,應該係富山市
執好行裝,响紀念品店買咗件衫,再去郵局買郵票。無開? 5月1號先開??? 返酒店問接待員哥哥邊度可以寄明信片,好彩佢哋都寄到,但有一張好似長咗少少又寄唔到,叫我去紀念品店買郵票,但紀念品店又話無,我又返酒店,今次接待員妹妹話可以幫手寄... 是但啦,反正寄到就得,閃呀!
落山第一程,搭無軌電車,有好幾架車一齊開,我呢架就已經 Full 晒
因為單線單程行車,想爬都爬唔到頭,直至中間一段路同對頭車相遇,傻啦,都係爬唔到頭
過咗條隧道,就係大觀峰,其實無乜特別,就係一個瞭望台睇山景,影咗幾幅相就可以走人
跟手就排隊搭吊車
好好彩地係第一個排隊,有無敵山景睇,呢架吊車最特別嘅地方,就係中間無任何支柱,一條鋼䌫就完成,聽聞係用直昇機幫手起。
落到嚟黑部平
未入室內之前,可以睇吓呢啲鋼䌫
黑部平嘛,都係睇山,不過角度唔同
只係影咗張到此一遊就走人
再落山,就係黑部水壩嘅位置
重有十分鐘
又係平行四邊形嘅䌫車
今次唔係第一個排隊,但反正都無風景,司機角度都係一個唔錯嘅拍攝角度
到喇!
終於有機會影到成架車,不過俾人鬧話唔應該留响度咁耐...
呢度應該係水壩嘅底部,陰陰涼涼的
要行去下一站,就係响水壩上面行大約15分鐘,當然唔計影相嘅時間
呢棵樹好特別
嚟返幅全景先
再加張到此一遊
頭先就係由另一邊過嚟
跟手上瞭望台,好高,好大風,有少少驚俾風吹落街
唔記得換超廣角鏡頭,不過影住先
上到去瞭望台,有水飲,係黑部之太陽嘅唔知乜嘢水,試咗一啖,唔覺有乜特別
都有千五米嘅高度
我幾鐘意部 Sony A6000 嘅全景功能,換咗鏡後,風景盡收眼底,
又係 Lunch 嘅時間,但係呢度只有簡餐供應,好𠾍咁嗌咗個炒麵
之後又搭另一架無軌電車去扇沢
啊! 呢度有餐廳呀! 不過我已經唔想再食得太豐富
要等多半個鐘,先有去長野嘅高速巴士
於是又睇吓有乜嘢好食,好想食軟雪糕,但係已經賣晒,得返雪糕杯,最後只係買咗個肉包
呢個飲水機,水源來自頭先架無軌電車行過嘅隧道入面嘅破碎帶嘅溶雪水
臨上車之前,都係買咗個雪糕杯食
日本起屋嘅方法怪,門口唔係對正大馬路,而係斜斜哋咁,有少少不規則嘅違和感
經過一個鐘嘅車程,原本已經要到長野火車站,但係塞車,塞咗响同一個地方成半個鐘,唔知坐唔坐到班新幹線
好彩新幹線開車前10分鐘左右到長野火車站,於是就落車飛奔去車站,再搵票務員幫手買車飛,入閘,安全!
呢個旅程,好似計劃過要買火車站嘅便當,但係好似次次入閘之前都已經食飽咗咁
火車就到了
返到東京嘅上野站,一個好大嘅車站,因為出錯咗出口,失咗個 Orientation, 搵咗一段時間,先去到間酒店。之前响富山寄過嘅行李,亦都已經响酒店房等緊我。放低重重嘅背囊,一身鬆晒,係時候開餐喇!
求其响附近搵咗間餐廳,只係問咗句 English? 個待應唔識,但係老闆識,就問吓佢有乜嘢好介紹,佢話天丼有菜有蝦,反正最後一晚,就食好少少,於是就嗌咗份天丼。跟住嚟咗知後,先意識到係天婦羅炸蝦!
對於食我係無要求,但係一路食,一路同老闆同老闆娘吹水,個感覺好溫䁔。
食完嘢,已經入夜,又係夜攝時後
見到軟雪糕,二話不說買咗嚟食,好正呀!
防水嘅皮鞋,香港夏天啱著,不過我個行李無位了...
行完一轉,又返酒店,去到酒店附近一間便利店,睇吓聽日食咩早餐,竟然俾我見到傳聞中嘅炒麵三文治包! 不過感覺會食得好 le hea, 最後都無買到嚟食。
Search This Blog
Subscribe to:
Post Comments (Atom)
Popular Posts
-
前幾日,睇到呢篇文 嬲爆!電車司機哭訴,竟被斥奴隸! 今日搵返出嚟嘅時候,見到另一篇謬論,先回: 1。歐、美各國發達或不發達民主國家。出糧時,最少4 % 扣去供EI unemployment insurance 失業保險,最少3 % pension 退休金,如非管理層,最...
-
These few weeks are bad weeks. I met a girl on April 2. She was a nice girl. Not my cup of tea, however. By the way, she was a member of dir...
-
响新聞度聽到政府官員响立法會講休「恬」空間,惡夢... 正字人去咗邊?
-
如果你問我,正生搬去屋企附近有無問題,我無所謂。反而明報今日一則副刊,令我有更深切嘅反思: 共同分擔不受歡迎設施 對於有梅窩人不滿偏偏選了他們的社區,陳健民說,社會有多類型的設施需要大家承擔,只要不是過於集中一個地區,就有道德責任接受,就算富裕如數碼港 的富豪區,也有此責任。美國...
-
個市一跌就去跌到去短線支持位,唔好以為係趁低吸納嘅時機,所謂「關前莫擺陣」,呢 D 位一樣可升亦可跌,升可以慢慢升,但再跌落去都唔係人咁笨。 PS - Jan 12: 咁都俾我講中,今日又跌 182.97 點。唔通聽日彈一彈,下星期又跌過? 即係今個月期指係玩跌? 目標係 50 ...
-
友人說: 唔明...其實香港人憑咩一步到位2年後去直選特苜? 由英國港督時代, 港督都唔係我地選架啦..以前唔嘈,依家先來嘈要選? 選舉係 *與生俱來* 嘅權利,點解唔係回歸 Day 1 就可以選特首? 殖民地時代係 *寄人蘺下* ,但回歸後 *港人治港* ,重要受中央氣? ...
-
帶定頭盔先,呢篇文只能用有限嘅資訊同常識,外加少少陰謀論去講俾依家唔得閒嘅警察朋友知。 首先警力不足,一場咁和平嘅示威,係唔需要太大量警察,衝並唔係民眾想做嘅事,只係响邊界守住唔好比佢擴散就已經交到差。每每用幾百警力去佈防一個點,多多都唔夠。但資源掉配嘅嘢,真係零資訊,要問就...
-
7776@0.41 142.8 = 買入時現貨價 144.76 = Breakeven point 145.6 = 買出時現貨價 116% = 盈利 馬後炮: 6 月 7 日 - 無聊睇輪,有意外發現,決定第二日跌就買入。 6 月 8 日 - 真係跌咗,決定出一個低價買,買到就買...
-
一年前,post 過一個關於幼稚園同學嘅文章,噚晚終於得到回應。 除咗小學買餸時碰過一兩次面,都真係廿幾年無聯絡。原來,大家都响上環工作,今日出嚟食咗個 lunch, 雖然好耐無見,但大家都有一種莫名嘅歡喜。廿幾年嚟無講嘅嘢,今日都講咗唔少,交換近況後,友情再度出發。
-
因為各種意外,影唔到熄燈嗰吓。 熄燈前 熄燈後 但係,其實除咗大廈外牆,好似無乜家庭熄燈。 另,今晚帶咗部行咗 CHDK 嘅相機,試一試 60 秒曝光影維多利亞港。點知,熄咗燈都係爆光,一片白色。另一樣唔太掂嘅,係個 focus, 點影都係 out 晒 focus...
No comments:
Post a Comment