今日行程無乜特別,只係去睇小便嘅童像同埋 Grand Place, 之後再去 Royal Museums. 輕鬆嘅行程造就咗懶洋洋嘅朝早,11點左右先出門,難得今日陰天,又有成廿度,可以唔使著褸,又唔使戴帽。
去搵童像途中,見到間泰國嘢,竟然叫「大鑊」,唔知有無廣東人幫襯過?
Avenue de Stalingrad, 就好似 SimCity 入面嘅 Avenue 咁,種晒樹响度
似日文,但係又好似唔係,好全職獵人 Feel
經過墳水池
唔知啲塗鴉係點畫上去咁高嘅地方...
本來剩係相影 Graffiti, 點知隔籬嗰間係 Art Gallery 嚟
到咗童像嘅位置,不過童像著咗衫,好似好怪咁,影完相,閃得!
對面有間外牆幾得意嘅二手店
行上少少就見到呢幅塗鴉
搵 Grand Place 嘅時候遇到嘅建築物
雖然有 Google Map, 但係因為個指南針好似失失哋靈,成日指咗去唔知邊道,所以迷失咗一段路,最後決定剩係要個地圖,睇返街牌算數。
幾分鐘嘅路程攪咗十幾分鐘,一到咗就見到有馬操,都算有啲嘢睇
馬操完畢,就影埋啲建築物
又要搵人幫手影吓相,有啲又影唔到個頂,有啲又背光,有啲又影到個人好細粒,搵到同路人無乜分別
跟住,太陽出來了,亦都搵到一個揸單反嘅人,終於影到幅啱心水
又見到 Godiva
跟住又行入去另一間朱古力點,試食咗幾塊,好普通,無乜特別,不過個朱古力墳泉就幾得意
去 Royal Museums 途中,見到個多士,好似幾吸引咁,於是就坐底咗,不過又要孤高杉璃幫幫手
有得食,By the way, 呢度芬達的顏色無香港咁橙
食飽之後,繼續上路,又有幾間 Gallery
Google Map 叫我兜大圈,但明明呢度就似樣,於是就直行上去
經過呢個花園
係咪呢度呢?
原來係教堂
原來响斜對面,遠方又有個大型建築物,响住宿嘅地方都見到,一陣可以行過去睇睇
原來 Royal Museums 入面係有幾間藝術館,一間8蚊,同一日睇晒咁多間13蚊,但係以經驗嚟講,睇一間都已經好攰,所以都係俾8蚊算。
藝術館入面唔再俾影相,所以响入場之前影咗啲
點解呢度興用隧道做出入口
雖然只係用咗個半鐘,但係都已經好攰。出到嚟,似乎剛剛落完雨。暫時唔使開遮,就繼續向大型建築物出發。
中途遇到聖母教堂
同埋一個花園
入面有墳水池
就嚟到
原來叫 Palace of Justice
起响山邊,差不多見到成個城市
柱嘅後方
只係4點左右,玩迷失又似乎太遲,不如就去坐地鐵,去返噚日去過嗰啲站度影月台
去到呢度,上錯咗總站車,架車無動能,無人,指示燈又無埋,開唔到門。要等架車出返月台先出得返嚟,好彩唔使等好耐啫,不過就熱咗啲。
有部份都有意思,例如呢個係講全球暖化
有啲就普通啲
呢個我估係未砌完啩
呢個應該係講生活
呢個就係 Atomium 嗰個站
其他站
坐地鐵返到嚟,買咗支噚日見到嘅 Snickers 嚟飲,嘩! 都幾難飲架喎... 唔通要雪吓先?
返到嚟睇吓新聞咁,一望出露台,又落雨,雖然係返咗嚟,但係晚飯都要出去食...
搵食其間,見到呢間舖頭,呢個時代 Print 嘢已經唔再局限响紙張上面
見到呢間外觀唔錯,就入咗嚟食,一問之下,有英文 Menu, 今晚唔使 Google 出馬,但係啲比利時菜一係唔啱食,一係就無供應,唯有點 Pasta 了。
是日晚餐
個意粉太多,亦都無乜味,食唔晒,浪費咗添...
回程途中,有個幾得意嘅外牆,又撞到今朝架車嘅舖頭
難得又見到雨後陽光
旅程完結,明日回程。支 Snicker 嘛,雪凍咗一樣咁難飲,一睇個成份,原來難飲嘅原因係因為入面有唔太識欣賞嘅花生,怪不知得咁難入口。
Search This Blog
Subscribe to:
Post Comments (Atom)
Popular Posts
-
前幾日,睇到呢篇文 嬲爆!電車司機哭訴,竟被斥奴隸! 今日搵返出嚟嘅時候,見到另一篇謬論,先回: 1。歐、美各國發達或不發達民主國家。出糧時,最少4 % 扣去供EI unemployment insurance 失業保險,最少3 % pension 退休金,如非管理層,最...
-
想當年响學校遇到一個非常之伯父嘅老師,見佢第一眼已經覺得佢好惡,求神拜佛希望佢唔好教我。當然,天主教學校對神神佛佛一慨不理,中三嗰年,就係佢教 Physics. 佢係湯 Sir, 湯應祥老師,係眾學生口中嘅蘋果佬。 蘋果佬嘅來源有兩種說法,有一說係似前學校門口有檔生果攤,學生...
-
警察唔俾元旦遊行擺街站,話街站阻塞通道,令遊行隊伍無發暢順完成云云。 咁多年嚟,我都只係聽過警察唔開行車線,又或者警察攔住遊行隊伍唔俾過馬路,又或者要參與集會嘅人兜到無雷公咁遠入會場,攪到入又入唔到,出又出到好似便秘咁,行到天黑都未行完。 用咁多心機去攪小動作,不如用個腦...
-
Ten days ago, it was my 26th birthday. My colleagues have throw a small party at lunch. I also got a gift from a friend of mine in the eveni...
-
中電 2011年: 4.9% 2012年: 5.9% 合共: 11.1% 港燈 2011年: 6.3% 2012年: 3.9% 合共: 10.0% 大老山隧道 11.1% 九巴 2011年: 3.6% 2012年: 8.5%? 合共: 12.4%?...
-
香港嘅社會運動,到最後散水嘅時候,都話會將運動「遍地開花」。但之後就只會隨住時間而忘記,又或者係每年一兩次嘅集會先再講起。 真正嘅片地開花,就只可以由教育體制、宣傳著手。政府要推國民教育又或者係每晚新聞前嘅國歌,就係要愛國愛黨嘅情操遍地開花。政府只要定好政策,拎到撥款,就可以...
-
咁就一個月,之前寫咗個 program 仔去做 backup facebook 嘅 content. 跟住發現咗一個功能,反正一個月可以做個月結。因為 Like 係最簡易嘅動作,就用 Like 嚟做個小分析。 呢個走勢圖入面,大家重記唔記得每個高峰點發生過乜事? 頭10...
-
資方嘅劇本係咁嘅,先執咗高寶,其他外判商以加兩成人工「挖角」,再出廣告、聲明、霍生口誅筆伐。 霍生話: 呢件事一路就係用文革方式的手法,來整咗我同事(嚴磊輝)個大頭相,又整李生(李嘉誠)幅大頭相,用文革方式來做... 乜嚴生唔係管 HIT 咋咩? 點講,HIT 都只係 ...
-
終於到咗最後一日,要 Check-out 了,臨走前,睇一睇個 Gallery, 都幾 Cozy. Check-out 好,時間尚早,可以去多一個地方。於是就放好行李响酒店,搭巴士去美術館。多得大神指點,响後門入。 返返去正門入口,好寧靜嘅美術館,但來一張成層...
No comments:
Post a Comment