有太陽、有藍天，比起噚日嘅較果好好多
個湖景亦都唔錯
部份結咗冰，湖面好幾硬，見到有人踩上去影相，不過我就唔夠膽咁做
竟然搵得返噚寫嘅字
去完 City Park, 就去貝多芬廣場，原來轉個角就係，噚日重走去搭電車添
嚟咗三日，今日終於影到幅似樣嘅相
再去睇埋布拉姆斯，原來之後有間教堂，都幾有特色
再去地鐵站準備去下一個景點，撞到呢個分唔到前後嘅雕像。
本來想去美泉宫，但係行錯路
兜返轉頭，美泉宮公園外遇到良辰美景
美泉宮公園都唔差，不過公園內好大，行得幾多路吓
行到另一個入口，設有 Christmas Market
反正係 Lunch time, 買咗碗 Pasta, 不過天氣太凍，原本熱辣辣嘅 Pasta, 好快凍晒
食完碗 Pasta 之後，好似唔係好夠，於是就買多個甜品
食飽週圍行，行到去美泉宮後面，好大個空地，似乎可以上山丘睇睇
山丘上有個結咗冰嘅水池，週邊建築物都幾特別，但係太遠，無走過去
不過另一邊俯瞰成個維也納都係一個唔錯嘅景色
落返去地面，又再影靚景
其實只係行咗成個花園嘅四份一，不過太陽已經落山，對腳亦都攰，都係時候要走。
返到酒店，問咗 Reception 邊度有 Memo 紙賣，哈! 原來轉角就係文具舖，一於食晚餐嗰陣順道買埋。
到晚飯時間，週圍行吓，睇吓有咩食，見到啲做到好似壽司嘅三文治，不過唔想食凍嘢，Skip 咗。
到最後去咗間餐廳，嗌咗個吉列雞扒，不過塊雞扒都幾大塊，唔係太食得晒
返到酒店房之後，起咗個貼 Memo 紙响連儂牆嘅草圖，之後就執好行李，準備第二朝去布拉格嘅旅程。
No comments:
Post a Comment