歐遊四國之旅 - 雪 畫 夜

呢日嘅目的係去 City Park 影一影各音樂家嘅雕像，不過又係大雪，要再度捨棄全景鏡同相機。雖然剩係帶相機，但係考慮到大雪嘅情況完全唔啱影相，於是就去咗 Imperial Treasury 睇吓啲皇室用品咁。

Imperial Treasury 入面好黑，又唔俾用閃光燈，似乎唔係咁啱影相


入面都係啲皇冠、權杖、同斗篷咁


令我諗起... 香港小姐...


都有幾個靚嘅擺設嘅


不過好快就行完，咁就十幾 Euro, 唔太值得。仲係落緊雪，好彩係博物館區，唔使入去博物館，啲建築物嘅外觀都可以欣賞吓。


搭地鐵去 City Park, 時間不早，去咗地鐵站附近嘅 Cafe, 嗌咗個 Bagel, 加杯熱朱古力，又再出發。


入到 City Park, 搵各音樂家嘅雕像，發現石像還好，但銅像就全部黑嗎嗎，效果不佳。


唯有搵其他嘢玩吓，隨手執咗支樹枝，開始响地上面寫名。無意中發現一個玩發，話說寫完一個人名之後，覺得唔太靚，於是就原地擦咗佢再寫個，效果唔錯。


天寒地凍，畫得都差唔多，再去睇貝多芬，唔... 都係唔得


再去最後一個雕像，要行10分鐘左右，行行吓肚痛，唔通係個 Bagel 出事? 但最後都忍咗。終於到咗布拉姆斯像，不過雖然係石像，但天色太暗，一樣唔得。


呢日似乎唔係影相嘅日子，返酒店先。肚又再痛，去咗地鐵入面嘅洗手間，鬆晒!

响酒店房小休幾個鐘後，出去食晚餐，因為打算影夜景，所以食得豐富咗少少，夜晚係阿拉斯加魚柳配時菜加串燒蝦，沙律另上。


等天黑齊，又無落雪，帶腳架去影夜景，去返部份呢兩日去過嘅地方，呢幾日最靚嘅相都係呢啲。


心滿意足，是日行程完滿結束。