街頭戰

金鐘、銅鑼灣、旺角响佔領運動其實缺一不可。我唔識乜嘢孫子兵法，但係以現有嘅資訊，加少少邏輯，可以推斷到每區所扮顯緊嘅角色。

响網絡世界度，資訊保安公司有時會架設一啲 Honeypot 嘅 Server, 專門俾人 Hack 入去。呢啲 Server, 因為太易 Hack, 往往成為攻擊目標。用途有二，一來可以 Study 到現實中嘅 Hacker 用緊乜嘢方法去攻擊，二來因為大部份攻擊都去呢啲 Server 度, 所以真正嘅 Server 可以正常運作。大家記得全民投票嘅時候嘅圖嗎? 其實都係呢啲 Honeypot 嚟。而旺角就因為環境同歷史因素，人流比較複雜，就造就咗一個 Honeypot 嚟度，係成日俾人攻擊，但只要守得到，可保香港島安全。


金鐘好明顯係主場，銅鑼灣係後備。任何一邊有事，民眾都可以走去另一邊。响網絡世界，可以好簡單咁講，其實就係一個 High Availability 嘅 Cluster, 仲係 Active-Active 嗰隻。如果兩邊都出事嘅話，旺角仲係一個 Disaster Recovery 嘅地方，只要有地方眾得到人，個運動就可以持續。只要夠人多，就可以佔上風。成套 Setup, 除非三邊都發動攻擊，否則係無得輸。而三邊都發動攻擊，係近乎無可能，因為一定要有非警察嘅人一齊攻，而警察係要派人去應付 (對唔對付到就唔知) 呢啲人，最後會此消彼長。

所以，無論如何，邊個嗌响任何一個地方撒，就一定係敵人。安全緊要，但心理質素更重要，邊有咁好死要一早通知你清場，要清嘅話，一定係一最少嘅時候清。只要因為害怕清場而走，咁就會自我實現個預言。