因為夏天，個天要11點先全黑，影咗一個鐘左右，睇完一套日劇，再 Download 埋 DeepSkyStacker, 跟住，原來要最好要攪埋啲咩 Dark Frame, Bias Frame, 同 Flat Frame, 攪埋都差唔多成零晨1點。之後，就交俾 DeepSkyStacker 做嘢，似乎有排攪，於是就同時攪埋 Geotagging.
話說之前 Upgrade 咗部手機去 Kitkat, 個相機嘅 Geotagging 熄咗，所以過到嚟嘅相全部都唔知响邊度影。Download 返個 GeoSetter, 抄返啲相落電腦慢慢攪。攪到3點，依家先 Finalize 個 Image, 重有半個鐘，唔得，個天就嚟光，要瞓。依家先得返4個鐘係個天全黑，睇嚟影埋今次可能要3至4個月得先再影到星，相機基本上又可以放假了。
今日慣性地响差唔多9點起身，就即係開部腦睇吓結果，點知係灰白色。
睇嚟要用 Photoshop Tune 一 Tune, 用咗幾個方法攪，都唔太滿意。可能因為近地平線嘅地方多雲，攪到好光。
跟住再花幾少少時間，效果尚算合格
Photo Stacking 嘅效果好理想，除咗多星之外，仲係第一次影到星雲。Zoom 到 100%, 其他星係好清楚嘅一點，星雲真係星雲，唔係 Align 錯變 Blur
因為都用咗幾個方法攪，其中一個方法雖然偏光，但係幾靚，Crop 低咗佢可以做 Wallpaper. 至於點做返出嚟，已經唔記得咗 Lu.
咁就攪咗成朝，未食早餐添，反正就11點，食碗 Cereal 頂住先，應該頂到晏晝。
反正影咗一堆相，於是就一雞兩味，做埋 Time Lapse, 睇就睇唔到咁多星，但起碼見到北斗七星响度轉其實都 OK.
食完晏，睇法網，祖高域對拿度，兩個鐘左右完場。雖然兩個我都無乜好感，但我想祖高域贏，可惜唔得。
法網完畢，可以專心做 Geotagging, 攪咗兩個幾三個鐘，終於攪掂。個天亦都差不多黑齊，但似乎係會多雲，今晚可以安心瞓覺了。
P.S.: 其實 DeepSkyStacker 有幾個唔同 Stacking 嘅 Algorithm, 但係試完之後都唔夠 Default 靚。
.jpg)
No comments:
Post a Comment