今日唔使做 Gym, 決定去 Science Museum. 份工因為個 Manager 重同 Finance 嗰邊糾纏緊,我決定唔再待機,所以出發之前,Apply 咗幾份工。出發之前,多口問咗句新嚟嘅住客一唔一齊去,於是就要等埋佢先出發到。
原來以為 Science Museum 同香港嘅科學館差唔多,但原來好唔同。簡單嚟講,香港嘅科學館以技術角度出發,Science Museum 以歷史角度出發。
一入去就係 Rocket Science
再入少少,似乎係一個大雜燴,講科技嘅發展
有蒸氣機
又有DNA
火箭
電腦
同埋其他日常用品
對於我嚟講,亮點當然係電腦
超級電腦,更加係超級亮點
睇完啲線,好懷疑 Work 唔 Work...
必要嘅合照
話說造價係當年嘅八百萬磅,所以唔爭在洗多少少錢做外形設計。因為係 Cray 設計同製作,所以如果由上面望返落去,係個 C 字嚟。
由地下上一樓,呢一層講時間
所以有好多同時間有關嘅展品
除咗來佬嘢,重有日本嘢
成幅牆都係鐘,呢度只係牆嘅其中一部份
除咗牆之外, 櫃都有好多鐘
除咗鐘,重有錶,其實係有現代錶,都無理由影日常見到嘅嘢... 呢度只係其中一個櫃
呢個櫃我最鐘意,因為係會郁㗎!
呢開時間廊嘅時候,有個 Booth 叫 My Space... 反正未玩過網上面嘅 MySpace, 响度玩吓都好。其實係砌自己嘅恆星,Yeah, I am hot!
上完天,過隔籬落返地,說農務的,都係啲鎌刀之類,無乜興趣,牆上面嘅畫反而幾得意
上到去二樓,講科技。如果你見到 DNA 同 Haemoglobin 就以為係生物科技,咁你就俾佢呃咗
因為科技之本,離不開數學,所以好多計數機
而計數機,乃電腦之本,我承認,呢一刻,我瘋了。見到呢部 Minicomputer 之後,我明點解依家啲 Workstation 叫 Microcomputer 了。講真,比起頭先見到嗰部 Supercomputer, 相隔咗十年後,呢部機一啲都唔 Mini.
靠牆邊有個講電腦發展史嘅櫃,相中人物我諗中學讀過 Computer Studies 嘅人都應該見過
但係我剩係記得呢個,話說呢前幾日有電腦可以响佢嘅測驗合格的說。
响成個電腦史入面,唔難發現係好多女性操作電腦
直至電腦可以儲低 Program 嚟行
睇完相,再睇實物
响 G 世代,見到呢部 K 世代嘅機,重要賣得咁貴,真係情何以堪
呢個經典,一部用嚟專門 Generate Random Number 嘅電腦,用嚟抽獎用...
跟住見到嘅嘢似乎係電腦嘅前身,Difference Engine 同 Analytical Engine, 今次真係唔知係乜嘢嚟
但 Punch Card 都知係乜嚟嘅
同埋我識佢係 Ada 小姐,但我唔識以佢命名嘅 Ada
跟住就見到唔係蘋果造嘅 MAC 機,我成日諗,點解依家啲電腦叫 Digital Computer, 但原來真係有 Analog Computer (汗 -_-!)
跟住嗰啲就開始同電腦嘅關係疏遠少少,偏向返數學嘅展品
例如啲用嚟畫 Curve 嘅機器
同埋啲好好手工嘅 Model
睇完電腦,走去另一端
講電子嘢,最有興趣都係呢部 Synthesizer, 好可惜已經唔再 Work
再上多一層,就係愛與夢飛行
無限嘅引掣
加無限嘅飛機,唔知《衝上雲霄》點解無嚟攞境呢?
控制塔內部
747嘅 Cross section
出到去,係俾細路玩嘅機動遊戲,可以360度任你操作嘅機艙
又上完天,再落返地,重要落到去地庫添,講家庭電器
In case 有人唔知 CD 係咩原理
估吓呢個係乜?
其實係錄影機嘅磁頭,不過未見過嘅,證明你後生
重有啲奇怪嘅物件
行完返歸,食完嘢去買嘢,買完嘢去睇一間 Studio Apartment, 近地鐵部嘅,但距離 Gym 又太遠,唔太得。
今晚好好天無乜雲,決定影星。因為上次影到星雲,今次諗住 Zoom 近嘅影。
點知原來 Zoom 完之後 Out of focus, 影唔到星雲了... 瞓!!!
Search This Blog
Subscribe to:
Post Comments (Atom)
Popular Posts
-
有說,要參加功能組別搶位,得到 20 席立法會議席監督政府施政,避免政府再度提交廿三條等法案。但如果睇返基本法同三份之二多數相關嘅條文: 第四十九條 香港特別行政區行政長官如認為立法會通過的法案不符合香港特別行政區的整體利益,可在三個月內將法案發回立法會重議,立法會如以不少於全體...
-
原來有好多嘢,冥冥中有安排。上星期去 Yahoo 睇吓星矢有乜嘢好買,點知,見到一件似曾相識貨品叫「聖鬥士星矢 聖衣Figure景品 全套6盒」。再睇真 D, 咦?! 呢件咪 Forever Blue 景品! 標價 $599, 係一個 fair price. 只係擔心會唔會有人爭...
-
RMVB, 一個又愛又恨嘅格式,大部份大陸翻釋影片 (日劇、動畫), 都係用 RMVB 嚟儲。唯一致命傷,就係外國大部份都係用緊 avi 或 mpeg (mpeg1,2,4) 格式,出品嘅 PMP, 電子相框,都係唔識播 rmvb. 識用電腦嘅人或者都 OK. 但係,個 LCD ...
-
字裏行間,就可以見到香港良心同民主之父嘅分別。 新聞穚 10月19日 陳方安生:恢復立法會的尊嚴和權威 雖然我身在外地,但仍密切關注香港發生的大事。我曾經是地區直選產生的立法會議員,看到10月15日行政長官宣讀施政報告過程中,某些直選議員的行為,我實在震驚。假如他們以為藉著這種不...
-
細細個嗰陣,我係一個好瘦弱嘅人,所以好鐘意睇大力水手,好好奇乜嘢係大力菜,點解可以令人咁大力。差唔多時候,就睇到呢條片嘅粵語版: 嗰陣時嘅譯名叫強壯先生,唔知係咪因為呢條片嘅緣故,開始鐘意食蛋,亦開始研究點煮蛋。呢件事無耐前同人提過,之後就响書局見到有全套卡通賣,但我似乎只...
-
响美女與野獸入面,提到 Belle 係一個 Funny Girl. 响真人版中譯咗做「趣怪」。睇返 字典 ,Funny 可以解「趣」,亦可以解「怪」: Causing laughter or amusement; humorous. Difficult to exp...
-
專業,係需要知識。可惜做 Software 嘅,好多都唔係本科生,而係半途出家,响香港難以走上專業之路。就好似讀醫咁,係應該有成套嘅知識要讀,而唔係求其讀咗幾個 course 就話係醫生。 呢幾個禮拜不斷地做面試,發覺有唔同嘅人想入呢一行,有 D 係讀商科,考咗幾張 vend...
-
做 Data 相關嘅人都知,Data 有價,有 Data 就可以搵到不同嘅 Pattern, 由呢啲 Pattern, 就可以起個 Model 去做唔同嘢。 微信支付、支付宝紛紛登陸香港,以各式優惠作招徠吸客。當然,信用咭公司一早就掌握咗大家嘅消費模式,但用得信用咭嘅大都係大額...
-
香港有大陸做靠山,其實要將特區顧照做到去美國免簽證都幾難。 In order to be designated to participate in the Visa Waiver Program, countries must meet certain legislatively...
No comments:
Post a Comment