人生之旅 - Day -9

臨走前最後一個 Project, 幫靚仔魔術師拍片參加比賽。入到赤柱，靚仔魔術師介紹咗要玩嘅魔術，跟住就搵咗間酒吧坐，靚待機會。第一次，俾人請咗食檸檬，坐多陣儲多少少勇氣，再搵咗一家人嚟玩 Time Travel.


簽名、撕牌、還原，一家大細都睇得嘖嘖稱奇。表演完之後閒談咗一陣，原來係開 Art Gallery, 重要係响屋企附近嘅添! 真係有咁啱得咁蹺。

靚仔魔術師似乎要回一回啲法力，又再傾多陣計咁，跟住就趁隔籬枱嘅一對德國遊客埋單未走，就捉咗佢哋嚟表演。


表演完畢，雨亦都停咗，係時候離開。一邊食芝士薯條，一邊約師弟出嚟食飯，再玩多一個魔術，就出返市區。去到銅鑼灣，週圍摷嘢食，最後走到去 Sogo 後面，等師弟出現，咁啱有個派傳單嘅嬸嬸同師弟搭訕，師弟問有無九折云云，嬸嬸話有，於是就跟咗上去間日本餐𢌖度。日本餐𢌖無乜人，嘢食亦無乜特別，好啱傾計吹水。差唔八點過少少，師弟要去打波的說，閃!