人生之旅 - Day 51

噚晚 Download 咗隻 HxH 嚟玩，經過一堆唔明嘅日文之後，抽到考試官、基路亞嘅啊哥、同埋基路亞嘅啊哥...


還好，反正基路亞嘅啊哥唔弱，但如果可以嘅話，我想換其中一個做希索加多啲。打咗幾關，攪到三點先瞓，部機又好熱，似乎不宜久打，瞓!

朝早起得晏咗少少，今日天氣好洗衫掠衫就無咗一個朝早。今日唔想出街，於是就整理吓過到嚟之後去過嘅地方，好似都唔少咁。


但係比起成個倫敦，實在唔多。以藍色係 City of London, 綠色係 Central London, 橙色係 Greater London 嚟計，去嘅地方都係集中响 Central London, 而且都係偏响西面，最遠就係去到機場咁大把。東面除咗 Columbia Street 嘅花市就無去過。而 London 以外，亦只係因為見工而到訪過 Crawley.


整理完，因為係星期五，又係時候睇日劇同動畫，咁就過咗悠閒嘅一日。