今日去見一位老朋友,約咗11點半左右去代代木食 Lunch. 東京鐵路系統比倫敦覆雜,雖然有大神嘅相助,但大神講英文,站名係漢字,對於我呢個識睇唔識讀嘅人,大神都愛莫能助。
走出酒店,有少少涼,加上大風,不得不披上外套。差不多走到地下鐵站,一個响紐約見過嘅標誌,不禁註足,影相留念。
有少少迷失,搵個路人問,但係似乎路人都唔知。唯有再細仔觀察,原來地下鐵嘅入口就响附近
到咗代代目,走出車站,原來重有行一段路先到相約嘅地點,好彩出咗出口之後只需要直行,唔係嘅話又唔知要兜幾耐先兜到。
是咁的,我响來都唔係幾食魚,但係呢個魚餐係一流,魚近乎無骨 (一條咁大把),亦都一啲腥都無,比起之前响北歐食嘅魚,實在係好食。跟住亦都見到食咗會變超人嘅酸梅乾,貪得意一嘢放咗入口想變超人。嘩! 好酸,真係好酸,難怪可以酸到變超人。
呢次午聚係非常難得嘅一次,難得在友人响百忙之中抽空,好感動呀! 祝前程似錦!
食完午飯,準備去吉卜力博物館。响火車站見到個廣告,個牡羊座好搶眼,以為係星矢啲 Friend, 原來係東京國立博物館嘅展覧宣傳
吉卜力博物館無鐵路直到,落咗火車後重要走過一個公園。
同好多公園一樣,有一條山林蔭道。但係感覺無英國嘅公園咁可觀,可能係因為英國嗰隻只係種單一嘅樹,而呢度就有喬木、灌木不同樹種放晒一齊。
兜咗少少路,差不多到喇! 不過,沿路嘅指示牌,都話要預約買飛,死喇! 唔記得咗呢件事添! 反正都到咗,咁就唯有响外圍影吓相,之後就走人
再搭火車,今次目的地係秋葉原
秋葉原係動漫迷嘅朝聖地,剩係一座,都已經高過信和
而且,內建提款機,預咗你要大出血
獵人產品,香港真係唔多見,呢度剩係格仔鋪嘅藏區已經不少
呢啲好明顯係 Translation Server Error 啲 Friend
剩係要儲齊一個角色嘅產品都已經可以買到你窮
One Piece 雖然係大路,但啲 Figure 超靚
重有大量星矢供應
除咗動漫,軍事模型同火車模型都佔咗一層。
當然亦不少得玩咭人,啲學生放咗學就過嚟玩咭,玩得不亦樂乎
行咗兩個幾鐘,先行完一個商場,時間亦不早,係時候入拉麵鋪,一祭五臟廟
日落西山,係時候去下一個景點
這是傳聞中嘅女僕餐廳嗎? 可是老子很忙,無緣相見了
大神話可以坐呢條線喎
個隧道入面,都竟有 Showroom
最後,都係搵唔到條鐵路線,行咗好耐好耐,去到淺草橋車站,但原來淺草橋除咗火車站,重有地下鐵,相隔好幾個街口,又要再行
千辛萬苦,終於嚟到晴空塔,因為响地下鐵基本上都係企,加上之前行過嘅路,好攰,休息一吓,拉一拉筋。坐晴空塔好高,支 Kit 鏡影嚟影去都影唔到想要嘅嘢,係時候出大招,12mm 超廣角鏡,成個晴空塔入鐘再加週邊建築無難度。
搵人幫手影都唔係難事
去到塔底,再睇吓支鐘嘅能耐,又係成座塔入鏡。究竟有無景係支鏡影唔到呢?
唔理,排隊上塔,排咗大半個鐘,終於買到飛
其實主要目標都係東京鐵塔週邊嘅夜景
除咗影夜景,行行吓竟然有 Show 睇,都幾攪笑,完咗 Show 重可以同啲演員影相
話說惜日一幅江戶鳥瞰圖,正正就係晴空塔見到嘅風景
呢個玻璃地板,一望落去就係地面,好彩係夜晚,個景係靚嘅,日頭嘅話我諗都幾得人驚
究竟每晚對住東京夜景工作嘅人,心情係點嘅呢?
返到嚟新宿
好似有少少肚餓,麵包鋪做緊特價,好邪惡嘅包呀! 唔得,我唔可以輸俾佢,閃!
但係對住充滿肉汁嘅餃子,我決定儆惡懲奸
老闆,一碟餃子! (一早買好飛仔了)
我要消滅晒你哋!
唔好睇啲餃子燶燶哋,入面啲肉汁真係好正! 食飽係,又係時候返酒店休息,養足精神俾第二日嘅行程。
Search This Blog
Subscribe to:
Post Comments (Atom)
Popular Posts
-
話說古有新安八景,香港有二,一為杯渡禪蹤,二為鰲洋甘瀑。熙時年間嘅《新安縣志》曰:「鰲洋甘瀑在七都大洋中。有石高十丈,四面鹹潮。中有甘泉飛瀑,若自天而下。」 鰲洋甘瀑今位於南區薄扶林瀑布灣,搭車去華富邨行一陣就到。 香港開埠前,英國外科醫生及博物學家 Clarke Abe...
-
有一日,見到公司外面嘅廣告牌,本來無乜為意發生乜事,無影到相,直至見到呢毎廣告 呢幾日個廣告出現返 事緣幾個月前英國嘅機場委員會話2030年英國東南部需要起一個新跑道去應付新增嘅客流,並且提議咗三個 Options ( BBC ): A third runway ...
-
一場地震,看到中國人面對天災的不同面。 1. 解放軍 - 為人民服務: 拯救及開路消耗大量體力,但部隊吃的只是粥、饅頭和蕃薯等粗糧。 「特殊情況要特殊對待。在這個環境裡,有這個已經不錯了」 2. 商家 - 好大戲功 + 貪: 3. 乞丐 - 略盡綿力: 最震撼的在這裡!! 這是街...
-
香港同英國都為高樓價苦惱,見到報紙話可以八折買樓嘅時候,好明顯係標題黨,細節係最重要。先睇睇 衛報 點講先: The Conservative plans spell out that housebuilders can afford to sell the homes at ...
-
前幾日,睇到呢篇文 嬲爆!電車司機哭訴,竟被斥奴隸! 今日搵返出嚟嘅時候,見到另一篇謬論,先回: 1。歐、美各國發達或不發達民主國家。出糧時,最少4 % 扣去供EI unemployment insurance 失業保險,最少3 % pension 退休金,如非管理層,最...
-
1997 年 8 月中,我去咗美國 2001 年 8 月中,我返嚟香港 依家,係我離開香港十週年暨回歸香港六週年... 亦係亞洲金融風暴十週年暨美國九一一恐佈襲擊六週年。 人生好多巧合,要長期離開一個地方而一個月內就會發生某些國際大事,呢個係我其中一個巧合。
-
沈教授嘅一篇响明報嘅文章,最後都要幽明光社一默,令人會心微笑。 假如被綁的是其他國民…… 2007年8月5日 【咫尺地球】23名南韓義工在阿富汗被塔利班份子綁架,南韓外交的軟、硬實力備受正面考驗,各方人等紛紛自動請纓獻策調解,人質依然未放,還死了兩人。假如被綁架的是其他國民,...
-
老闆突然話考慮同我出部 blackberry, 有少少心寒...
No comments:
Post a Comment