搵屋

今日星期接好多電話去睇屋，因為放工嘅時候已經六點，班經紀都唔太想收得太夜，於是就一次過約晒星期六睇。其實星期五撞到同事嗰陣，佢哋都話可以慢慢睇，只係再唔搬出去，就違背咗嚟英國嘅其中一個目的。

第一間，座落於地鐵站同 Gym 嘅中間，位置剛剛好，只係睇落舊咗啲。
第二間，近地鐵站少少，包水同䁔氣，而且價錢相宜，暫時嘅首選。
第三間，兩房單位，去地鐵站要行十分鐘，有點兒遠，但同第一間價錢唔差太遠，都幾大間吓添。
第四間，直情响地鐵站對面，但洗衣機唔响屋入面，離 Gym 亦都要十分鐘路程，除咗上網之外全包。
第五間，離地鐵兩分鐘路程，一個兩層嘅單位，睡房同洗手間响樓上，睇落幾過癮，但感覺上好睇唔好住。

第二間睇完之後已經打咗俾經紀，但點都要星期一先可以繼續，希望朝早可以有答案。