天方夜譚

影，係各忍村入面嘅領袖，換言之，黑影，係黑忍忍村入面嘅領袖。今次黑影出現，一定係想襲擊副主席，而且要黑影親自出手，一定係 S 級任務。所以全港市民其實都誤會咗一哥所指嘅黑影，其實唔係乜嘢靈異事件，而係外國勢力所策動，要對副主席不利嘅行兇者。

至於點解黑影變咗記者，一定係黑影俾人發現咗之後，用變身術變出嚟，而個會夾住警察隻手嘅攝影機，其實係忍具之一。咁就解釋到一部普通攝影機點解都可以夾到手，其實當中可能有乜差池，萬一發動咗忍具，就可能連手都無埋。

所以，發現黑影嘅警察其實係立咗大功，同黑影糾纏後，成功阻止黑影襲擊副主席，下年回歸紀念日一定要頒個金英勇勳章過佢。