Check-in 之後打咗一陣機，食緊個番茄時，見到噚日同枱食飯嘅兩個女仔，打咗個招呼，日本女仔可能留多幾日，臨別影咗張相就走咗，意大利女仔同我傾咗陣計就去咗入閘。一切準備好，我都要入閘，但一等再等，無人嗌入閘，唔通要 delay?! 的確，咁就無端端 delay 咗 45 分鐘先起機。
到咗 Zurich, 未知邊度入閘，求其入一個等。半個鐘後，嘩! 乜要去到咁遠... 要搭無人駕駛例車去另一邊。又等一輪夠鐘上機，上到機，無嚟嗰陣咁爆，我隔籬個婆婆仲走去第二個位坐，掂! 食完個餐，竟然可以一氣呵成瞓到五個鐘，實在是太好了! 之後再斷斷續續瞓多三個鐘，又夠鐘起身食嘢。
食嘢之前發咗一個怪夢，就係 somehow 架機要停响其他機場，點知架機降落後壞咗，話唔知邊個邊個無熄電子儀器。我心諗，好似無人廣播過話架機要降落，有人開 mp3 聽歌之後瞓著唔奇，我竟然走去同空姐理論，無得怪任何人之類。到最後，我係收到罰款單，被其他人勸籲後雙方都冷靜，空姐話只係一時之氣，會取消罰款，我都提咗 D 建議，之後就醒咗。
食完嘢，婆婆返返嚟坐，我本來想睇埋套戲，但睇完之前，就已經要準備降落，被迫腰斬。婆婆開咗窗，我就睇吓雲境，真係好靚，可以唔可以影相。
落咗機，見到落暇，感覺好舒服，為旅程變得更圓滿地結束!
No comments:
Post a Comment