洗 Keyboard

放假第一日，第一件事係執一執張枱。唔知幾耐無執過，發現有錢、一堆無電嘅電池、櫃樋有一張以為唔見咗嘅相、一疊新年收到嘅利是封、幾封宣傳信、同埋垃圾。一個朝早都未執完，因為俾個 keyboard 拉開咗。

本來諗住好簡單咁吹 D 塵出嚟，但越吹越有，越吹越大舊，越吹越核突，於是決定拆開後面洗前面。攪咗半個鐘再風乾，一個乾淨嘅 keyboard 重回枱面。之後先發覺，原來個 keyboard 係有一個防水功能，即係响上面倒瀉水係無問題，有幾個排水孔將水排出。

至於張枱，搵日再執過。