溫水煮蛙 1

溫水煮蛙講緊身邊嘅事慢慢改變，到有一日變成危險時已經太遲。現實中，溫水煮蛙嘅時候，當水到達某一個溫度，青蛙係會逃生，並唔會活生生煮熟而唔知發生乜事。呢個系列嘅重點，係將生活上見到嘅改變記低，以作日後參考。

香口膠:
一向有食香口膠嘅習慣，去開萬寧買益達一排10片裝嘅香口膠，只係 $6.5, 比百佳嘅 $6.9 平。新年開始，賣 $4.5, 之後食開嘅薄荷味忽然無貨，開始買其他味。呢排，全線萬寧缺貨。依我記得屈臣氏係無賣開，好奇走入去睇吓，真係有得賣，重要係 $6.9, 似乎我估得無錯。

大概係李生嘅集團知萬寧賣平過佢，俾益逹壓力唔再响萬寧賣。萬寧要清貨，唯有以低價出售。