講古系列 11: 柴灣、小西灣、西灣河

香港有好多地方，都係填海填返嚟，差不多有個灣字嘅地方都真係一個海灣，當中包括柴灣同小西灣。


相傳當年柴灣附近盛產木材，可當柴燒，所以海灣因而得名。而柴灣亦有西灣呢個別稱，聽聞係因為呢兩個字响客家語嘅發音相近，翻譯員手文之誤而產生。睇返 1893 年嘅文件，柴灣的確係有 Sywan 同 Chaiwan 兩個譯音。而柴灣東面嘅小柴灣，就變咗小西灣了。


致於西灣河，有說話係柴灣西面附近嘅河，但香港東區當年嘅河實在太多，說起上嚟有少少牽強。再查得深入啲，根據《東區風物志》:

西灣河是鰂魚涌黃角嘴與筲箕灣之間的一條小村落，昔日有一條小河由柏架山流經今天的太安街。村落位於小河之西，小河亦將筲箕灣區分為東西兩部分，因村落位於筲箕灣區西面，故名為西灣河。

再睇返1845年地圖，今日西灣河地鐵站附近的確有條河，河嘅西面亦有條村落，似為正解。