HKTV 短評

電視劇嚟講，歌舞劇响亞洲並不常見，青春歌舞劇就更加少之有少。HKTV 新劇《童話戀曲201314》，本來以為係普通青春愛情劇，但係第三集開始嚟料，開始有多返啲歌聽吓，加少少舞咁 (真係得少少)。而個劇情係話要拍歌舞劇嘅電影，相信會有越嚟越多嘅表演。

HKTV 拍咗好多劇，之前幾套都係 Heavy 嘢，係應該好似美劇咁一個禮拜一集，一日一集會追得幾辛苦 (所以《選戰》係釣癮但其實係啱啱好)。呢一套好輕鬆，有時間嘅話，一日追幾集都唔係問題。

我記得，王生講過佢想 Explore 唔同劇種同拍攝手法 (《選戰》嚟講似乎後製都落足功夫)，係觀眾有更多嘅選擇。我覺得暫時嚟講都幾成功吓，比起發咗新牌嗰兩間乜都無做過好千千萬萬倍。

By the way, 我期待緊另一套《4年B班》，應該都係輕鬆向。