Search This Blog

Monday, September 29, 2014

貢獻嘅人越多 犧牲嘅人越少

可能你見到黃絲帶藍絲帶,會覺得社會好分裂,但你有權唔去 Take Side. 每個人都應該有獨思考同表達嘅權利,唔去 Take Side, 作為對社會嘅關心社,唔使要識政治,可以只需要多聽多睇多講,即係接收唔同嘅資訊,再同人討論。

今日嘅情況係為將來解決問題:
想像吓下一代繼續要同大陸人爭床位奶粉學位,畢業之後要同你一齊住實用面積得5乘嘅豪宅,死咗連庵位都無得你擺

有人提議一個普及而平等嘅選舉:
唔係話普選係萬應靈丹,但自己揀嘅心咁命抵,唔得嘅夠鐘即刻換其他人又得,彈劾過即刻落台選另一個上又得。你揀完一輪先到我揀,條氣咪又一樣好似依家咁唔順!

所以有人話政棍及學生攪事,就請佢哋答咗點樣解決將來嘅問題先。政棍就唔再題,但對學生嚟講,呢啲係佢哋要面對嘅事,行出嚟爭取無可口非的。

有位朋友父親退休前係警察,講咗一句好有智慧嘅說話:「犯法當然唔好,政府好咩?無可能」

不論到最後你係邊度嘅陣型,做你覺得正確嘅事,做你將來唔會後悔嘅事,做你可以做嘅事:
如果你係警察,職責所在,維持治安係重要,但示威者唔係你嘅仇人,佢哋爭取到嘅事你哋都有份,除非你真心想香港慢慢變成大陸咁,Otherwise 都係嗰句,鬆手少少。

如果你係公務員,千祈唔好辭職,香港係靠一套 Running System 運作,到首問、責局長、同埋僭建嘅副局長同政治助理因唔知乜嘢事辭職或者失踪嘅時候,香港要靠你哋。

如果你係老闆,反正員工返咗工都心不在焉,效率亦不高,你識計數嘅知乜嘢係 Cost Effectiveness, 唔使我教了。

如果你係打工仔,一個長期作戰,理論上你有十日有薪年假,你隔日請又或者請半晝,已經可以捱到二十個工作天。貢獻年假換取一個普選,比起一個用錢買嘅旅行,邊個抵諗啲你自己揸主意啦!

如果你係家長,要賺錢養家唔可以上街,但其實你有更長遠更漫長嘅任務: 教好下一代。教懂佢哋明辨是非,認真思考。家教身教,點都好過俾學校教,國文教育同普通話教中艾科已經做緊,未來嘅社會變成點就靠你點教。朋友嘅朋友嘅留言:
有下一代的妳應該明白,現在是為學生和孩子爭取!今日放棄,明日他們就會問為何當年有機會你們為何不爭取?幾多好的教育都不及教懂下一代什麼是大義。

最後,請記得為乜嘢而出嚟,今次係爭取緊嘅一個公平制度,唔係某數字特首落咗台就 OK.

P.S. 我諗好多人聽過我話香港要亂一次先得,其中一個原因為我相信香港人:
香港人的適應力係非常強。
第一次:嘩!催涙彈呀!
第二次:哦~催涙彈呀。
第三次:挑~催涙彈咋?
習慣了,散後又聚,驅散不了的~
以香港人嘅習性,亂咗之後,好快可以浴火重生。港蛙醒來,賴一賴床發個脾氣,又可以紮紮跳呼吸自由嘅空氣。暫時事情仲係响好嘅方面發展,呢一刻,我依然相信著。

No comments:

Popular Posts