荷比之旅 - 風車

其實嚟鹿特丹，係因為荷蘭嘅風車。响 Wikitravel 度咁啱俾我搵到原來呢度有風車陣，重要係世界自然遺產，於是就擺咗一日响度。個風車陣叫 Kinderdijk, 响鹿特丹嘅西南面，要搭巴士先去到。

一朝早起咗身，食咗個好健康嘅乳酪早餐，就出咗去。本來擔心天氣唔係太好，再睇一次，無話落雨喇喎，Good. 話時話，部機竟然會知我第二日去布魯塞爾，睇嚟 Google 都知我唔少嘢。


去風車陣之前，就去附近嘅超級市場買咗 Lunch 先，但有少少意想不到嘅係，竟然無三文治嘅 Lunch Pack. 有少少頭痕，因為沙律做 Lunch Pack 嘅話，係需要有餐具，好彩週圍逛嘅時候，見到有生果 Snack 入面有支叉，買埋佢，但咁就攪咗大半個鐘。

搭電車去到巴士站，等咗差唔多十分鐘先有車，過路費為12個大洋，真係好過去搶。

車上面唔係 RoadShow, 係話你知下幾個站係乜同埋幾時會到。

原途... 無乜風光的說，係個迴旋處啲花種得幾靚


風車陣慨覧


入口處見無乜人，又夠對秤，影咗佢先


其實隨便影都可以做明信片

搵到唔錯嘅景，搵到唔錯嘅人幫手影

雖然無落雨，但個天陰陰哋，攪到背光


條橋上面都差不多睇晒所有車


其實，呢度除咗風車之外，仲係一個農莊嚟


行到去一個風車度

啲風車發發聲，都幾得人驚，不其然想像緊萬一有人伸個頭入去會發生乜事


有紀念幣玩


玩完係時候開餐


點知，啲雀又想過嚟開餐，睇嚟呢度搵食艱難


乜風車原來要上鏈?


其實個沙律入面係有一包我唔食嘅芝士，本來都驚食壞佢哋，但係諗真啲，成份其實係純脂肪，係獲取能量嘅最好方法，反正佢哋食啲蟲都係蛋白質同脂肪，應該無事。所以先開俾佢哋食，無謂浪費食物。




餵飽自己又餵完雀，都係時候開始今日嚟呢度嘅目的，影 Time Lapse.


成個 Trip 最重最大舊就係部 AutoMate, 但鬼叫佢做到我想要嘅較果


Set 好嘢無聊，一於自拍玩吓


出太陽，啲相係唔同啲

重新最過啲相佢


搵唔到人，唯有自拍

等咗10分鐘，終於有人經過條橋


繼續重新影過啲相




原來去到差唔多零晨都有巴士返鹿特丹，係咪可以考慮夜遊呢?


有時間，影咗巴士站嘅前面同後面


嚟嗰陣見到，返去嗰程準備好，呢個甫士，令我諗起《功夫小少》嘅金雞獨立


去超級市場補少少糧，如果要膠袋，盛惠一毫九


响附近搵食，嗌咗個 Pizza


食完之後，就返房寫嘢同執嘢，準備聽日嘅旅程。