一切按計劃進行，重可以加插安排機票，覆少少 Email 咁，機本上十二點返到嚟，就收到 Email 話新工嘅 Contract 終於寄出，終於唔使再諗呢件事。是日午餐係噚日响超級市場買嘅即食楊州炒飯，味道還可以。
執完嘢時間尚早，於是就早咗少少出發，沿途經過農場，見窗口算乾淨，影咗幾幅相
火車唔係開得太快，最快都唔過 140km/h, 不過車程唔長，唔使一個鐘就到
到咗之後，發覺有少少出事，就係無任何英文指示，其實係可以靠估嘅，不過到最後都係搵咗 Google 大神去 Confirm.
出到去，想買電車嘅車飛，Information 話可以上車買。第一次上錯車，要搭返回頭車。買飛嘅時候，只係有一個鐘頭嘅飛，無全日車飛賣，要買嘅話，要去地鐵站買，算，反正一陣出嚟會再經過地鐵站。
响草地上面鋪路軌，都幾奇趣
到站，要由3號行到去83號，不過只係5分鐘啫
放低行李，問咗個 Host 少少嘢，就再度出發去 Cube House. 因為唔係大城市，所以好多舖頭好早就會收，於是去咗市中心嘅超級市場補給咗先。
本來唔想食快餐，但係似乎附近就只有中國菜同連鎖快餐，一係就要行到好遠。但係肚實在太餓，於是就嚟個我的最愛。
食完嘢，有氣有力，行過嚟
附近嘅舊碼頭
遇到一個本地人，介紹咗草呢回事，的確，嚟到荷蘭之後，聞到好多燒草嘅味，令我諗起响大學住宿舍嗰陣，成日聞到嘅味，不過當時搵唔到邊個食，到依家仲係個迷。
人拍
自拍
最後一拍
因為之前張係一個鐘頭嘅飛，所以都應該已經 Expire 咗，想買張兩日嘅飛，點知係得一半係英文，好彩有職員响車站度，可以問佢點買。
走過入去地鐵，但係似乎班次好疏，都係搭返電車
等車嗰陣，見到其實附近啲建築都幾得意
呢度電車車身同香港一樣，有廣告
但係就同香港唔同，個電車站大到好似輕鐵站咁
未返房之前，順便响附近行吓
點解雞脾餐同半隻雞餐嘅價錢可以一樣?
黃昏
房其實 OK, 但係間屋就真係麻麻。順便問咗句，原來呢度啲洗手間同沖涼房係興分開，洗手間仲係通常樓下，睡房响樓上，都真係唔係太慣。
一隻叫 Eddie 嘅貓
就咁過咗稍為普通嘅一日。
No comments:
Post a Comment