Bit vs. Atom

十幾年前已經係一個數碼人，十年前有第一部 PDA, 到今時今日嘅 Smart Phone, 習慣都係無乜變。唔會睇書，只會玩 Game, 重要係普通嘅 Board Game (Tetris, Reversi 之類), 貪佢唔駛有連續性，隨時停得。

可能人老，開始覺得對住個細 Mon 會攰，所以拎番幾年前買咗嘅扭計骰嚟玩。

買嗰陣有張紙仔教點玩，但都幾年前嘅事，已經唔記得點玩。上網搵返個心法，唔... 好似唔係好似之前嘅玩法。算啦! 砌到就得。一個唔會有紀錄同唔會有輸贏嘅遊戲，都係用嚟打法時間用啫。更何況，我覺得响地鐵扭下扭下，比起住部電話篤吓篤吓更似個人。