瓜田不納履 李下不正冠

友人問:

真心問一句, 特首可否有富商朋友?
是否不可以有朋友款待, 又該怎樣申報?

富商朋友可以有，但款待就咪啦! 咁咪申報都慳返囉! 搭遊艇兩個人先俾嗰五舊水，TurboJet 貴賓廂一位都差唔多二千蚊啦! 係，你係做左四十幾年事，係識得好多朋友，但好多賭客都係做咗幾十年嘢喎，又唔見個個都識得有私人遊艇嘅順便接埋返香港?

有權，就係有多事唔可以做。權力使人腐化，從政幾十年，咪就係腐化咗幾十年囉! 信你嗰個都傻啦!如果政治家到今時今日都覺得佢無錯過，唔明點解一般人話佢錯。咁只可以話，佢同市民嘅落差係天與地嘅分別，就算無做過，但同社會脫節，根本唔配做特首。