G.I. Joe

師弟請睇戲，都好，原來係首映，OK. 放工即刻飛去九龍灣食咗少少嘢等睇戲。張飛寫八點三開場，八點半 VIP 區先開始滿，八點八熄燈播 Trailer, 睇足兩個鐘，十點九散水。

G.I. Joe 基本上只係對個名有印象，都係正派同反派嘅軍隊打嚟打去。所以，都係抱住去睇一套戲嘅心情。套戲以劇情為主，鐘意諗嘢嘅人應該會覺得好睇。無乜嘢特別嘅電腦特技，見到發泡膠搭嘅境，可能場地問題，音效太大聲，麻麻地。

P.S.: 師弟同自己嘅習性差不多，嗌同一樣嘅飯，飲同一樣餐飲，原來同一間小學、中學、大學出嚟嘅人可以咁似。