今日各自活動，唔駛咁太早起身，可以瞓到八點左右。梳洗、食過早餐、整埋行李、check-out. 九點鐘架車嚟接我同 roommate, 去到 skydive center 攪埋 D paper work, 去機場、著好裝備、上機、响萬四呎同空欣賞風景。過咗無耐，機槍門打開，寒風刺骨，我係第二個跳。背後嘅教練話只需要擺對腳出機槍，其他事佢會攪掂。果然，佢猛然一推，就翻騰咗一個圈，太陽、雲海盡收眼廉。身體感受住刺骨嘅寒風，亦承受住無重狀態嘅壓力，兩件事加埋，竟然係身心舒暢。穿過雲層，降傘打開，寒風漸退，望見一幅一幅嘅蔗田，又係另一種豁然嘅感覺。之後緩緩下降，落到地面，不禁有少少失落。
返到酒店，拎返行李去 check-in 另一間 apartment. 房間境色怡人。對住個無敵大海境寫 blog, 簡直係人生一大樂事。午餐，係一款好似 Maxican wrap 嘅 Kabab, 無乜驚喜，只係一個簡餐。之後 Roommate 話要瞓多陣，我就繼續寫我嘅 blog.
三點鐘，我去玩 bungy jump, roommate 個我嘅 spectator. 架車有少少遲，三點四先出現。去到目的地，填好 form, 睇住其他人跳，感覺唔係太恐佈。但當一步一步上到塔頂，除咗有怡人嘅風景，亦都令人有少少膽脅。著好安全裝備，對住鏡頭 say hi, 唔得，鬆開扶手，再 say 多次 hi, 跳~~~~~~ 好恐佈，腦充血，個人唔係太舒服，雖然 50 米唔高亦都唔需要太多時間，但係感覺比起 skydive 實在差太多。不過人生嘅其中一個目標終於達到，拎到件只係跳過 bungy jump 嘅人先有嘅 T-Shirt. 不過無下次，感覺實在難受。跳完之後，再上塔上影相，可以輕鬆返一陣，落返塔底，有個女仔叫極都唔肯跳，最後，用咗十幾分鐘，終於俾工作人員說服，睇返 DVD, 大家都流露咗開心嘅神情。
呢個假期最刺激嘅一日已經完結，聽日再去完成人生嘅另一個目標：大堡礁
Subscribe to:
Post Comments (Atom)
Popular Posts
-
兩年前，梁禮勤响七月尾做埋最後一日嘅一切從音樂開始，離開咗商台。今年，又係七月尾，劉偉恆最埋最後一日嘅我恆我素，亦離開咗。亨恆勤從此成為絕響。其實只係今日無無聊用 google 想睇睇梁禮勤嘅近況，無耐，搵到嘅反而係劉偉恆離開商台嘅結果。 當年，剛剛由美國返嚟，有一晚無無聊聊聽到...
-
香港，係搵錢嘅地方，攪政治，對不起，不論政府有幾不堪，都一樣坐响度推極都推唔郁。 當年，五十萬人上街，就係大家睇到無普選嘅後果，但今天，政府一樣管治無道，上街的人不過五萬。人有三種，先知先覺，後知後覺，不知不覺。香港人多數係第三類，唔見棺材，殺到埋身，都唔流眼淚。 香港人令我失望...
-
師弟請睇戲，都好，原來係首映，OK. 放工即刻飛去九龍灣食咗少少嘢等睇戲。張飛寫八點三開場，八點半 VIP 區先開始滿，八點八熄燈播 Trailer, 睇足兩個鐘，十點九散水。 G.I. Joe 基本上只係對個名有印象，都係正派同反派嘅軍隊打嚟打去。所以，都係抱住去睇一套戲嘅心情...
-
Communiation - 溝通 Community - 社區 Communism - 共產主義 三個唔同嘅字但字根都係嚟至於拉丁文 communis. Communis 可以再拆成 com- 同埋 unus. Com- 解「一齊」而 unus 解 「一」。 Communica...
-
追緊《家族遊戲》，一套幾黑暗嘅日劇，但下面嘅一段說話，其實都幾啱香港。 明明離我們最近也是最重要的近代史 為甚麼只在第三學期就匆匆結束 事發還不足一百年的首相暗殺事件 在教科書上只有區區數行描寫 他是在作樣的背景下 又是因為怎樣的主張才被殺的... -
曾任權話國家廿年嚟嘅繁榮倡盛同改變，造福今日嘅香港。即係話香港人係靠六四先有今日，亦即係話香港人無用要靠北京政府接濟。
-
讀幼稚園嘅時候，我係讀托兒所嘅，一早起身返學到下晝六點幾先放學嗰隻。有一個好朋友叫張浩昌，友誼唔記得點建立，但係感情都幾好吓。好記得有一次二人三足比賽，我同佢一人一步，無數甚麼一、二、一、二之類，好輕鬆咁行吓行，就一齊衝線，拎到第一名。有乜獎，唔記得，不過個過程係最印象深刻嘅。唔...
-
返咗嚟香港成個禮拜，但係個心依然掛住藍天白雲青山綠水嘅澳洲，今次放假實在太舒服! 呢個，係咪假後症候群嘅其中一個病癥?
-
好耐無睇過日劇，呢一齣，正!
-
原來要去澳洲做嘢唔係太難，係時候考慮吓係咪要轉換環境。
No comments:
Post a Comment