人生之旅 - Day -9

臨走前最後一個 Project, 幫靚仔魔術師拍片參加比賽。入到赤柱，靚仔魔術師介紹咗要玩嘅魔術，跟住就搵咗間酒吧坐，靚待機會。第一次，俾人請咗食檸檬，坐多陣儲多少少勇氣，再搵咗一家人嚟玩 Time Travel.


簽名、撕牌、還原，一家大細都睇得嘖嘖稱奇。表演完之後閒談咗一陣，原來係開 Art Gallery, 重要係响屋企附近嘅添! 真係有咁啱得咁蹺。

靚仔魔術師似乎要回一回啲法力，又再傾多陣計咁，跟住就趁隔籬枱嘅一對德國遊客埋單未走，就捉咗佢哋嚟表演。


表演完畢，雨亦都停咗，係時候離開。一邊食芝士薯條，一邊約師弟出嚟食飯，再玩多一個魔術，就出返市區。去到銅鑼灣，週圍摷嘢食，最後走到去 Sogo 後面，等師弟出現，咁啱有個派傳單嘅嬸嬸同師弟搭訕，師弟問有無九折云云，嬸嬸話有，於是就跟咗上去間日本餐𢌖度。日本餐𢌖無乜人，嘢食亦無乜特別，好啱傾計吹水。差唔八點過少少，師弟要去打波的說，閃!

人生之旅 - Day -10

睇啱咗個 Apartment 要落 Deposit, 一心諗住星期六攪，點知一出到中環，見到好多菲律賓人，銀行無開？！噢！唔記得係清明添… 打道回府。

午飯過後，因為星期日要去幫手影魔術，於是就去灣仔買件秘密武器。之前買咗個 IDW 嘅手機腳架 Adapter, 其實之前見過人哋嘅玩法，就係將佢於响放响部相機上面，一邊影相一邊影 Video.


買完嘢，就去差唔多時間落西環，經過中環街市，睇前係俾人拆緊嘅三聯書店，唔係嘛? 究竟真係裝修定執笠呢? 唔去考究，亦都無緣見證。

落到西環，响麥記買咗杯飛雪坐咗陣，去巴士站會合，同友人一起買餸。上到去，小昭瞓醒之後，有少少怕醜。但沖涼嗰陣係咁嗌住昭成叔叔，真係幾攪笑。玩樂、吃飯、再玩樂，小朋友嘅生活真係簡單。吃飯途中，小昭念咗首王之渙嘅《登鸛雀樓》俾我，夠晒應境:

白日依山盡， 黃河入海流。
欲窮千里目， 更上一層樓。

玩到咁上下，係時候瞓覺，拍過照，留過念，來回地由睡房出入，真係好得意。同友人傾多陣，飲多碗腐竹糖水，要走了。

本來見日頭有太陽，以為可以影星，都準備好晒添。點知夜晚太大霧，可惜...

人生之旅 - Day -11

是日 Last Day, 要見另一個客，除咗幫佢 Troubleshooting 之餘，亦都去度別。攪咗一個朝早，到最後都係蠢事一樁，因為成村人等開飯，要飛的返公司。開完 Lunch Party, 再執多少少嘢，就先搬返屋企，順道去買餅。返到公司之後，開始瘋狂影相，有單人相，有主題相，師弟做攝影師，高炒炒到 CCTV 嘅效果，真係經典。入夜，為 BizTalk Training 嘅 Assignment 作出了最後指導，種子種好了，祈望著茁壯地成長。享受著徒弟仔嘅拿手按摩，一邊同大家傾住計，好想永遠留住呢個時刻。

唔講唔覺呢套 Keyboard + Mouse + Mousepad 由我入嚟跟到今天，個 Mousepad 係私人嘅，但走嗰陣唔記得拎。個 Keyboard Drawer 嘅故仔之前都講過，會俾 Snoopy 仔拎去研究。


拖到最後，要走了，揹住最後兩袋離開，放返屋企之後換件 Casual 少少嘅服飾，再度出去食飯。今次食飯嘅對象係對我有知遇之恩嘅人，暢談咗一個夜晚，由公司到個人，由現在到未來，十幾年嘅合作，一切一切都建基於信任。

人生之旅 - Day -12

根據 Murphy's Law, 所有事情可以變差嘅都會响最差嘅情況下發生，星期四嘅朝早，睇一睇個鞋底，原來穿咗大個窿，怪不知得落雨會入水。


返到公司，就突然忙起上嚟，好彩都唔係乜嘢大嘅問題。呢日要去探一位亦客亦友嘅人，對佢嘅感覺好親切，暢談完一個午餐，再去 Office 度同其他識嘅人道別。其實呢個客都幾特別，如果話公司係我第二個家，MS 會係我第三個家，呢個客就係我第四個家。

返到公司，再發多陣功，就夠鐘去做 Sports Massage, 收到教練指示，話要做兩個鐘喎... 一個攞命嘅舉動，做完兩個鐘，個小腿酸到好似抽筋咁。不過依據經驗，第二日就會無事。返到屋企，先知道靚仔魔術師响 Lunch time 嚟過探我，有少少失落添...

呢日就係多事...

人生之旅 - Day -13

執嘢第三日，開始執之前，公仔們要入盒，嚟個最後留影


又搵到啲寶物，真係越執越唔捨得。公司由西環搬到上環，由一個單位變成一層，到依家變成兩層。公司大咗，個 Title 亦都大咗。


最後拎咗5大袋嘢返屋企


返到屋企之後，開始搵 Apartment, Budget 都係800磅一個月左右，之前都搵咗唔少個晚上，不過都係啲偏遠少少嘅 Studio 咁。今次撞咗上 Craigslist, 竟然有驚喜，重要係有唔少選擇都係生活機能唔錯嘅添，附近有地鐵站、超級市場、同埋 Gym Room 咁，啱晒我呢個懶得揸車嘅人。Email 咗兩間嘅業主，都係已經搬咗去第二個城市，都係話要証明我有錢俾先會過嚟 Show 間屋俾我睇。似乎有排攪，不過其中一間有兩間房，又有晒所有家俬電器咁，又包埋水電媒網，比另一間貴百鬆啲磅，但都係800磅一個月，啱晒 Budget. 只係個業主煩咗少少啫... 搵到屋後，有少少開心到瞓唔著，希望順順利利。

Gotta Catch Them All

Pokemon 係大學年代迷上嘅產物，主要係玩 N64 嘅 Super Smash Bros. 注意到套卡通，最主要因為係 Pikachu's Vacation, 一堆 Pokemon 自己講嘢，完全無人話，但又睇得明，都咪話唔犀利。

4月1號愚人節，Google 同任天堂合作，响 Google Map 度搵 Pokemon.

主角


水草火三寶


最有性格嘅 Charizard


識講嘢嘅貓 (唔係 Talking Tom Cat)


三隻唔知做乜嘅 Pokemon, 兩隻係 Misty 嘅，一隻係 Jessie 嘅


睇咗咁耐未見過佢出場嘅 Porygon


懶鬼一隻


玩 Super Smash Bros. 嘅時候，唔知呢條友做乜會攪到對手瞓覺，睇完套卡通後，先發現佢係咪霸。


三隻未見過但係感覺幾靚嘅 Pokemon


一開始，只係响 Pokemon Lab 附近搵，跟住諗吓其他大城市搵唔搵到，再睇吓唔同嘅 Google Office. 到最後，就知道 Pokemon 嘅分佈規則: 名勝。最後靠自己完成101隻


再用埋張貓紙完成佢 (BTW, 隻 Game 好食電，叉極都叉唔到上去)


101隻，得出嘅結論係，我去得唔夠多旅遊...

人生之旅 - Day -15

清理 Office, 執咗好多嘢出嚟，句括呢兩年响工作上收到嘅利是


一啲 n 年前嘅 report


為咗做成 Partner 嘅其中一個 Certify Process


未做 Microsoft 嘢之前嘅一啲 Analysis


一啲偉大嘅工程


同埋網上搵到嘅 Reference


第一個 Project


十年前嘅聖誕咭


第一次出 Trip 嘅 Project


當年未有 Google Map


曾經用過嘅筆記簿，但係用到第三本已經變成數碼化了，當年原來都好仔細咁畫嘢


如今紙同筆，只係無聊時嘅塗鴉


原來好多年前上海嗰邊已經做緊 Azure Media Service 做緊嘅嘢