冬懂凍

一早起身，Facebook 俾「我的天文台」洗版。我印象中，細個嘅時候農曆新年都係差唔多嘅溫度，似乎和暖嘅氣候，令到寒冷嘅天氣變得特別。

亦因為咁，噚日開始，就有好多人去大帽山睇結霜... 結霜嘅嘢，打開雪櫃個冰格咪有囉，上大帽山睇個景又唔係特別靚，要睇靚嘅都係去外國睇啦! 跟住出事喇，山上進入零下嘅溫度，落雨變冰，就算係高高手，都未必可以駕御到冰地，呢一刻為此都未有意外發生，係奇蹟。

欺山莫欺水，其實山，亦都唔係咁好蝦。