石生石太新婚,嚟歐洲渡蜜月,於是就約佢哋食個 Lunch. 本來想早機去晚機返,但時間太倉促,盤算過後,決定留一晚。張機票本身唔貴,但啲程同手續費係張機票本身嘅二倍,究竟定價係咪亂嚟? 訂酒店嗰陣,原本要 89 Euro 一晚,但手㾗將人數字改成一個人,竟然俾我 Chok 到間 58 嘅單人房,Lucky!
星期五決定五點鐘放工,雖然遲咗幾分鐘出公司門口,但亦都加快咗腳步,响預定到達機場。落車出閘嗰陣,咦? 只係兩鎊八? 乜 Terminal 3 落車平過 Terminal 5 咁多? Check-in 嗰陣問咗有無飛機餐,無嘅話就 Check-in 之後搵食。其實原本出發前買咗包餅乾,但最決定食個 Proper 少少嘅晚飯,於是就買咗個三明治餐,通常啲三明治都係用兩塊麵包夾好再切成兩件三明治,但呢個餐有三件文治,對於我嚟講,都已食得好飽。加埋個餐入面嘅小食,係一個以為係乳咯嘅物體,但一打開,原來係用飯加奶類製品造出嚟嘅甜品,重要幾大碗吓,所以呢晚爆曬 Quota.
食完甜品,指示牌亦都 Show 咗登機閘口嘅號碼,都有啲距離,於是就起行。經過自動售賣機,賣水賣食物嗰啲都無乜特別,但與到一個賣雪糕嘅,都係第一次見
登上飛機,走上跑道,飛上倫敦上空,渡過英倫海峽,橫過斯德哥爾摩
經過兩三個鐘嘅航程,終於降落赫爾辛基。因為唔想錯過班機場巴士,於是就急急腳咁走。去到入境大堂,個出口封咗,正在猶疑之際,個 Officer 招手,示意叫我過去。呵,原來要 Show 咗個 Passport 過佢睇,佢再開閘俾我出去。
出咗閘,重有十分鐘,去咗便利店買少少生果,再上車。好彩趕得切,因為之後嗰班車係要再過多40分鐘先出現。
30分鐘後到達中央車站,行咗10分鐘嘅路程去酒店,用咗少少時間搵酒店嘅門口。不過因為已經係深夜,唔使等直接就 Check-in 到,重免費 Upgrade 咗做雙人房。一開房門,迎接我嘅係一隻好得意嘅雪豹
間房都幾大,雖然只係過夜,我諗如果係响度 Stay 兩三日都真係幾爽
不過呢,响淋浴室直接望到出面有少少奇怪,雖然唔係第一次見
By the way, 對拖鞋都幾靚,唔係薄痴痴嗰隻,有少少厚度,唔錯
瞓咗六個鐘,梳洗後落樓下食早餐,石氏伉儷已經响度,都傾咗差不多兩個鐘。食完早餐,本來係各自各行程,但係原來大家嘅目的地一樣,於是就化身成電燈膽,一齊遊一遊景點。
要去嘅地方叫 Suomenlinna (中譯芬蘭堡), 座落於赫爾辛基南面嘅防禦城堡。幾年前嚟嘅時候,因為個天响兩三點已經黑晒,只係兜咗個圈就離開,今次趁呢個機會補原返。
經過陌生但熟悉嘅街道,有見過嘅地方,有未見過嘅地方。例如呢啲响碼頭停車場嘅龜狀擺設
上到島上面,原來有好多嘢都忘記咗,不過原來自己影相嘅角度同幾年前無乜大分別
vs. vs.
vs.
呢張係因為記得而專登影嘅
vs.
Anyway, 炮台位於島嘅最南端,望出去就係「菠蘿嘅海」
城堡內部
行出去 King's Gate, 上面寫住「後人們,憑你自己的實力站在這裡,不要依靠外國人的幫助。」,似乎芬蘭人好早就知道外國勢力係靠唔住。
返回起點,早為呢度影多幾幅相
行到近出口,見到窗台上有啲擺設,分明係俾遊客影相,咁我就唔客氣了
坐船回程,發現彩虹勇士號
返上岸,去咗碼頭附近嘅餐廳食午飯。呢度嘅 Bruch, 都好長時間吓
三點左右,係時候出發,返去中央車站,問咗一位巴士司機架機場巴士响邊度搭,答咗一次,怕我哋唔清楚,再講多次俾我哋聽,呢度啲人真係好熱心去幫其他人。去到巴士站附近,見到有人拖喼,轉個角就見到機場巴士,同石生石太道別之後,就上巴士。上到巴士,先發現原來巴士內附設 Wifi, 不用白不用,因為雖然有 Roaming, 但係速度係 2G, 非常之唔理想。
到咗機場,時間尚早,週圍行吓,見到有個小展覽,啲相影得唔錯
座低咗之後打咗陣機,時間又差不多,飲埋最後一啖水,入閘。
見到呢個牌,令我諗起以前啲遊戲秘技
登機閘口都幾遠吓,途中經過姆明專門店,不過我就唔太好
呢個幾攪笑,傳聞北歐有種特產叫臭魚,顧名思義,就係好鬼死臭,呢個廣告,就係取其臭名遠播嘅名字嚟開玩笑。
就返到倫敦,正值日落,俾我呢個夕陽控影相
見到對新人,又為四年前嘅景點補原,是次旅程完滿結束。
Search This Blog
Subscribe to:
Post Comments (Atom)
Popular Posts
-
前幾日,睇到呢篇文 嬲爆!電車司機哭訴,竟被斥奴隸! 今日搵返出嚟嘅時候,見到另一篇謬論,先回: 1。歐、美各國發達或不發達民主國家。出糧時,最少4 % 扣去供EI unemployment insurance 失業保險,最少3 % pension 退休金,如非管理層,最...
-
想當年响學校遇到一個非常之伯父嘅老師,見佢第一眼已經覺得佢好惡,求神拜佛希望佢唔好教我。當然,天主教學校對神神佛佛一慨不理,中三嗰年,就係佢教 Physics. 佢係湯 Sir, 湯應祥老師,係眾學生口中嘅蘋果佬。 蘋果佬嘅來源有兩種說法,有一說係似前學校門口有檔生果攤,學生...
-
給佔中三子和泛民議員的一封公開信 (美國)尹浩鏐 我是一個旅居美國快50 年的老華僑,原本不必為香港的前途擔憂,但我又不能不擔憂,因為那裡住著600萬我的親人同胞,不能眼看著他們被少數有心人帶入死胡同而不發一聲,我人微言輕,我的話你們不一定會聴得入耳,但我若不把心裡話吐出...
-
警察唔俾元旦遊行擺街站,話街站阻塞通道,令遊行隊伍無發暢順完成云云。 咁多年嚟,我都只係聽過警察唔開行車線,又或者警察攔住遊行隊伍唔俾過馬路,又或者要參與集會嘅人兜到無雷公咁遠入會場,攪到入又入唔到,出又出到好似便秘咁,行到天黑都未行完。 用咁多心機去攪小動作,不如用個腦...
-
Ten days ago, it was my 26th birthday. My colleagues have throw a small party at lunch. I also got a gift from a friend of mine in the eveni...
-
資方嘅劇本係咁嘅,先執咗高寶,其他外判商以加兩成人工「挖角」,再出廣告、聲明、霍生口誅筆伐。 霍生話: 呢件事一路就係用文革方式的手法,來整咗我同事(嚴磊輝)個大頭相,又整李生(李嘉誠)幅大頭相,用文革方式來做... 乜嚴生唔係管 HIT 咋咩? 點講,HIT 都只係 ...
-
終於到咗最後一日,要 Check-out 了,臨走前,睇一睇個 Gallery, 都幾 Cozy. Check-out 好,時間尚早,可以去多一個地方。於是就放好行李响酒店,搭巴士去美術館。多得大神指點,响後門入。 返返去正門入口,好寧靜嘅美術館,但來一張成層...
-
小奧,認識的嗎? 連番留言,困惑得很。昨夜,我找到你了,應該不認識的,但感謝你的留言。而我感興趣的,並不是你是誰,而是你怎麼找到我的部落格。再找回第一次的留言,已經是兩年前的正生事件,是從此就對部落格有興趣嗎? 還是,是更早已經留意? 是那一篇而開始留意的呢? 瑣事一宗,但假...
-
Everything seems going smoothly. I can work as a valuable part-time in the company about half of the day each day. So, starting from next mo...
-
A few mon, I have encountered a quite disturbing problem (see below). Until recently, I found that this problem can be solved by a interesti...
No comments:
Post a Comment