途中經過一間賣 Pasta 嘅小店，有多種款式任君選擇。
去到鬥獸場，排隊嘅人無想像中咁多，好快就去到售票處買飛。只係入閘嗰陣，三部入閘機有一部死死哋，當個個都去晒另外兩部嗰陣，我張飛一拍，入到，之後嘅人亦都魚貫而入。
個鬥獸場其實無乜嘢睇，可能真係要 Join 入面嘅 Guide Tour 先可以搵到啲寶藏，因為有人講解之餘，亦都可以入去地庫參觀，不過時間所限，無 Join 到。風景就週圍都差不多，只係以唔同角度影住個無地面嘅鬥獸場內圍。
其實鬥獸場仲係一個博物館嚟，係擺放咗唔少展品，有心睇嘅話可能都可以响睇半日。
不過時間不早，團友想去願望池，出去再等齊人出發。
去到願望池，見都幾多人排隊，又決定去食 Lunch 先。去到一間聲稱正宗嘅意大利餐𢌖，因為之前都食咗少少嘢，又唔太想再食啲澱粉類嘅食物，反正食過意大利簿餅同意大利粉，不妨食埋個意大利芝士蛋糕。
當然，絕對比唔上人家嘅蘑菇煙肉蛋薄餅咁豐富
不過反正無人食麵包，可以掃埋佢。
其實，唔理佢係咪正宗意太利餐𢌖，味道服務都唔錯，團友無不讚不絕口。
食完 Lunch, 大家就去排隊睇許願池，丕過就大修中，無乜嘢好睇
之後大家都話去食 Gelato, 我想去萬神殿，於是就離隊獨自出發了。
其實，萬神殿只係小學嘅時候聽 Miss 講過，話當時嘅羅馬人好鐘意拜神，但又驚拜漏咗唔知邊個而得罪神祇，所以就起咗呢座萬神殿。响第一日 Walking Tour 經過嘅時候見到 Pantheon, 本來都無乜特別，但因為喜歡拆字，以 Pan- 做 Prefix 有眾、泛之意，Theo 神嘅意思，先醒起有呢件事，於是為咗完滿小學聽過嘅事情，嚟到呢度。依家入面就只不過係教堂，只為一神而服務。
入面除咗係教堂，仲係擺放先皇嘅地方
其實都無乜特別，係時候返酒店等車去機場
呢幾日行咗好多路，唔想再行，用 Google Map 搵地鐵站，唔使半個鐘就到酒店。因為班機嘅時間都幾麻煩吓，於是就買咗隻熱狗加薯條，跟住發現同團友隻蕉相映成趣。
時間差不多，車到咗，就去機場。入閘，等飛機，班機 Delay 咗一個鐘，打亂咗個行程，因為太夜，已經無地上鐵，要响另一個地下鐵站落車，再轉巴士。返到屋企，都已經零晨一點。好彩請多咗日假，第二朝唔駛返。
No comments:
Post a Comment