上年，因為一個大環境，加兩個人，加一套電影，計劃咗今年要做嘅事。本來係九月後先啟動，因為一個意外提前咗一個月。計劃啟動之後，做咗好多事，好似個人方面，學跳舞啦、去旅行啦、行畫廊啦、睇表演啦、同女生交流吓咁。公司方面，開始加入班後生嘅同事嘅活動、再度執起相機去記錄底大家嘅笑容、準備培訓計劃。
上年，出多咗街，剩係同同事們食飯睇戲唱K 嘅次數, 都已經多過之前三四年嘅總和，睇落好似無以前咁自閉，但其實我無講多咗嘢。以前覺得人微言輕，唔想浪費口水，依家覺得自己份量太重，講咗出嚟會影響得太多人。所以，到最後，自己都係一個聆聽者。我諗要搵一個可以口到我把金口嘅人，要係一個同自己有對等關係嘅人先得。
今年，要做嘅事就係去實行上年嘅計劃，要聯絡適當嘅人、重新整理個人履歷、調整流動資金咁。最後一項尤其重要，作為一個為期最少一年嘅作戰，最忌糧水不足，所謂「三軍未動 糧草先行」，資金方面係重中之重。
至於公司個培訓計劃，事關調整新人質素，最後實行成點，好睇管理層點去投資一位新人，我都唔太控制到。
I am ready for 2014!
No comments:
Post a Comment