通天奇兵

好耐無睇過戲，今日可以日少少收工，食完飯，又唔想返屋企住，去睇睇有無七點半睇。七點八開戲，有半個鐘頭剩，週圍行嚇。原來 IFC 有個平台對海，幾靚嚇，吹嚇海風，幾舒服。行嚇行嚇，入場。

《通天奇兵》，係細細個同屋企人睇亞視嘅美國電視劇，之前通常都係《信不信由你》。每逢星期六食完飯，成家人就對住部電視。今次睇戲，都係抱住懷舊嘅心情。同幾十年前一樣，無冷場，緊張之餘又攪笑。水牛同鈍胎都幾似以前個樣，但霹靂仔同喪榮都唔太似樣。片尾睇完 credit roller, 見返原裝嘅霹靂仔同喪榮，但都唔係太認得，因為都老咗，只好嘆一句歲月不曉人。

唯一美中不足係之前飲得太多水，中間 D 爆笑位忍得幾辛苦。