嗌交

剛剛睇完套日劇，指兄弟姐妹之間嗌交係平常事，獨生嘅呢，就無乜機會同人嗌交。嗌交，正面嚟講，係兩個人毫不忌諱咁表達自己嘅諗法，語氣比平常重。但係，點解會同人嗌交呢? 有乜人會同你嗌交呢?



一個同你嗌交嘅人，同你熟係好重要。同你唔熟，可能你連嗌都費事。你可以為一個人著想而同佢嗌，可以為芝麻綠豆嘅分歧同佢嗌，甚至為嗌而嗌。嗌完一場交，當日可能有 D 唔舒服，但係第二日，又可以玩到攪埋一堆。



以前，啊哥未去英國之前，兄弟間係經常嗌交，甚至打交。到啊哥去咗英國，就同朋友嗌。讀完大學之後，返到嚟香港，就收晒火喇。可能好珍惜依家嘅朋友，唔想傷和氣，所以唔想嗌。