小晚聚

返嚟兩個禮拜，想同徒弟仔坐底傾吓計咁，但响公司就似乎唔太傾得到，於是就約佢出嚟食飯。基於佢係一個大忙人嘅關係，好難得佢話星期四晚得閒，但似乎佢都真係太忙，差不多要八九點先走得，正值三號波兼大雨，唔想四圍搵，就去咗食早餐。

不過因為同公司有少少距離，都行得幾熱吓，大家都已經濕晒，我都要入洗手間去洗一洗塊面。Order 完，大家就傾吓計，其實食乜都無乜所謂，係搵個靜少少可以坐得耐啲嘅地方咁解啫。傾吓呢幾個月嚟去過嘅地方，做過嘅事，睇吓大家影嘅相咁，不奕樂乎。

可惜第二日又要返工，就好似灰姑娘咁，十二點左右要離開，送咗徒弟仔到中環街市，佢有佢去中環站，我有我行返屋企了。