人生之旅 - Day 6

一朝早無嘢做，就去咗另一間 Gym 度睇，不過因為落雨，有少少感覺好似唔係咁好。睇完間 Gym, 就去超級市場同葯房買咗少少食物同日用品。

食完 Lunch, 就去媽媽同學度攞個架，原來只係隔兩個地鐵站，好方便。去到之後，仔仔已經响門口迎接，真係好活潑，好得人鐘意。

傾咗一陣，有蛋撻食，當然做唔到好似香港嘅蛋撻咁，但係味道係一流。跟住就講緊點樣教仔仔中文，即係細細個嗰陣，好似都係死抄爛背咁學啲中文字，媽媽同學就問有無其他方法學呢? 之前記得睇過 TED 有人出過一套圖像教中文嘅事，於是就問咗 Google 大神，噢! 叫 Chineasy, 原來都幾平，十磅唔使一本書，十幾磅就有一套 Flash card.

之後又一齊食晚飯，傾多一陣就走。返到房間，便急不及待 Set 好個架，可以隨時開工了。