進擊的春雨

本來個題目剩係叫做春雨，但係略嫌太過詩情畫意。入正題:

星期日食完晚飯，去咗灣仔買少少嘢，本來都好地地，但返屋企程巴士，見到好大雨，本來以為無乜事，但係返到屋企後，响面書見到又一城嘅相之後，Whatsapp 響過不停之餘，同面書慢慢被洗版。一開電視， 黑雨、雷暴警告、強烈季候風同時出現，都咪話唔經典。


出面行晒雷咁，本來用手機影咗一分鐘嘅相，但出嚟嘅效果一般，個天空好光，同平時黃昏入夜嘅樣差唔多。


所以決定影 Video, 有聲同閃動嘅畫面，感覺震憾好多。


今日又出現黃雨，唔太想出門口，雖然話返公司好近，但係濕咗响公司吽嘅感覺真係好差吓，最後決定用50蚊買個乾爽嘅工作天。