高雄 - 完全錯晒

原來睇錯咗行程，仲帶埋個腳架諗住去影日出，得物而無所用，可惜。

台灣真係好多寺廟，响高雄全日都係睇呢 D, 係夜晚去咗夜市一轉，但係夜晚嗰餐食得太多，所以只係飲咗杯蜂密苦瓜汁同一份三件嘅臭豆腐。但係食咗臭豆腐之後，喉嚨赤赤痛...

聽日，六點半 Morning Call...

All or Nothing

Cut 嘅機會好微，即係一係唔 Cut, 一 Cut 就會成間無咗。究竟結果會點? 好期待半年後會發展成點。

天天大奇蹟

到有一天沒有奇蹟時，是真正的奇蹟，還是沒有奇蹟?

無聊分辨圖

P/L: 身家 vs. 恆指

秋去秋來

今日起身，咦! 房同出面嘅溫度差唔多。返工落樓，絲毫沒有炎夏氣息，過完立秋，秋天降臨。

銀行的迷思

匯豐 CIBM 裁員，輕輕一裁都已經去咗 100 人，大部份係後勤。究竟當中嘅 IT 人有幾多? 究竟一間銀行要咁多 IT 人做乜?

科技係用嚟令企業運作更暢順，所以一個科技部門人太多，其實係一個問題。好嘅科技可以 scale up, 但人多，係 scale 唔到。

問題奶粉的迷思

如果加入三聚氰胺，係為咗補給氮嘅成份。亦即係話，奶粉係應該稀釋咗。

但係點解只得腎石事件，無再出現大頭娃娃呢?

The Potential

一個人成功嘅背後，有好多人支持住。人在做，天在看，我亦在看。睇嚟，我係應該睇緊少少。呢排原來 miss 咗好多嘢。I found a treasure!

Outlier

前幾日嘅跌市係咪其中一個?

Outlier points can therefore indicate faulty data, erroneous procedures, or areas where a certain theory might not be valid.

歲月的痕跡

自己好少影相，所以當年自己係乜樣，都唔太記得。曾經以為自己不斷响生命中留白，但原來間中自己係會無端端去寫網頁、日記等。呢幾個禮拜不斷努攪自己 domain, 搵吓搵吓，原來自己當年留咗唔少嘢。包括九年前嘅肥仔樣、七年前嘅畢業相、同朋友嘅相處記錄、五年前對工作嘅宣泄。

係時候一次過整理晒佢。

資產與負債 4

When a company is facing a hard time, how does the company treat an employee and how does the employee feel before the decision has been made. This is the moment of truth.

下一站 15500

一條 3 年期嘅上升軌支持唔住
一條 20 年期嘅响 14400
再嚟 13800? 12300?

股市係一個雙羸遊戲:買方同賣方都覺得自己係羸家

光頭的疑惑

今日去 HSBC, 個個都光光哋頭，係物以類聚抑或真係咁勞累? 天知!

轉行的迷思

同一班舊同事食完晏，其中一位當年想轉行而離職，到今天都未轉。不禁想一想，佢轉行要考一大埋要時間去讀嘅試，但點解唔用呢 D 時間去慢慢 upgrade 自己? 我當年嘅錯，令一個後生仔返唔到轉頭?

語言

陳議員嘅搓胸論熱爆 youtube. 人家英文差，係唔應該笑人，肯去講敢去講多去講，我覺得問題不大。短片，我睇完都笑咗出嚟，但唔係因為句 try our best 讀錯，而係語言沙石太多，又 um 又 er, 仲要俾人係將個 er... 舖滿成個畫面，實在太有趣。

有趣歸有趣，咁口齒不清嘅人做到議員，多幾個都真係唔知點算。泛民之福? 人民之福?

三份之二的迷思

有說，要參加功能組別搶位，得到 20 席立法會議席監督政府施政，避免政府再度提交廿三條等法案。但如果睇返基本法同三份之二多數相關嘅條文:

第四十九條 香港特別行政區行政長官如認為立法會通過的法案不符合香港特別行政區的整體利益，可在三個月內將法案發回立法會重議，立法會如以不少於全體議員三分之二多數再次通過原案，行政長官必須在一個月內簽署公佈或按本法第五十條的規定處理。

第五十二條 香港特別行政區行政長官如有下列情況之一者必須辭職： (二) 因兩次拒絕簽署立法會通過的法案而解散立法會，重選的立法會仍以全體議員三分之二多數通過所爭議的原案，而行政長官仍拒絕簽署；

第七十三條 香港特別行政區立法會行使下列職權： (九) 如立法會全體議員的四分之一聯合動議，指控行政長官有嚴重違法或瀆職行為而不辭職，經立法會通過進行調查，立法會可委托終審法院首席法官負責組成獨立的調查委員會，並擔任主席。調查委員會負責進行調查，並向立法會提出報告。如該調查委員會認為有足夠證據構成上述指控，立法會以全體議員三分之二多數通過，可提出彈劾案，報請中央人民政府決定；

第七十九條 香港特別行政區立法會議員如有下列情況之一，由立法會主席宣告其喪失立法會議員的資格：(六) 在香港特別行政區區內或區外被判犯有刑事罪行，判處監禁一個月以上，並經立法會出席會議的議員三分之二通過解除其職務； (七) 行為不檢或違反誓言而經立法會出席會議的議員三分之二通過譴責。

第一百五十九條 本法的修改權屬於全國人民代表大會。 本法的修改提案權屬於全國人民代表大會常務委員會、國務院和香港特別行政區。香港特別行政區的修改議案，須經香港特別行政區的全國人民代表大會代表三分之二多數、香港特別行政區立法會全體議員三分之二多數和香港特別行政區行政長官同意後，交由香港特別行政區出席全國人民代表大會的代表團向全國人民代表大會提出

附件一 二○○七年以後各任行政長官的產生辦法如需修改，須經立法會全體議員三分之二多數通過，行政長官同意，並報全國人民代表大會常務委員會批准。

附件二 二○○七年以後香港特別行政區立法會的產生辦法和法案、議案的表決程序，如需對本附件的規定進行修改，須經立法會全體議員三分之二多數通過，行政長官同意，並報全國人民代表大會常務委員會備案。

唔過一半嘅席位只係三份之一嘅少數，可以做嘅只係

1. 維持行政長官執政
2. 令行為不當嘅議員保住議席
3. 維持基本法不變
4. 令選舉制度維持現狀

絕對否決唔到政府嘅議案，否則，當年田北俊對廿三條投嘅反對票，係唔會令佢成為英雄。所以，搶位論不攻自破。

7年

又係九月十一號，返咗嚟香港七年左右，人生經歷多咗，但思想依然幼嫩。呢幾日發生一 D 事，令我感覺到自己處事太唔成熟。或者，我生在福中不知福，又或者，我未敢去把握機會踏出呢一步。

立法會選舉 2008 之 6

噚晚嘅三個問號

1. 網絡可唔可以改變選情? 可以，毓民高票當選
   
2. 口投民建聯係咪奏效? 係，配票機器投鼠忌器，建制派平均分票
   
3. Google 做民調準唔準? 唔太準，香港區錯估一席
   

總結:
- 投票嘅選民，都係聰明嘅，選票分得啱啱好
- 比例代表制，多張名單，比一張名單著數，一張名單兩個人，會變咗用嚟交捧
- 公民黨做唔到王 (無地區工作?)
- 民主黨重有三斤釘 (但新舊交替到嗎?)
- 民建聯配唔到票 (後生仔入民建聯，瞓响度就做議員)
- 自由黨不得民心 (全面普選咪死得?)
- 社民連得三席 (真係曾特首惡夢嘅開始?)
- 毓民多咗個花名 (狂貓)

影片:
回首 (至今最精彩 sound bite)


今天 (勁串)


謙卑 (感動)


爛 (口齒不清做議員)

爛船的三斤釘

留意三號民主黨，响中西區同南區得票比例特區高，灣仔區、東區同四號何秀蘭差唔多，即係話，泛民嘅基本盤，係 10%, 地區工作另加 5%. 而八號嘅公民黨，多咗嘅係名氣票。

	1	2	3	4	5	6	7	8	9	10
中西區	0.48%	9.34%	15.68%	2.58%	18.87%	0.53%	5.64%	27.54%	19.01%	0.32%
灣仔	0.80%	10.04%	9.79%	2.94%	16.46%	0.50%	5.89%	30.96%	22.26%	0.35%
東區	0.73%	10.19%	10.50%	3.66%	20.22%	0.57%	6.79%	26.11%	19.07%	2.17%
南區	0.73%	9.40%	16.69%	3.00%	18.66%	0.65%	7.00%	23.94%	19.60%	0.32%

靜待結果

今晚留吓三個問號

1. 網絡可唔可以改變選情?
2. 口投民建聯係咪奏效?
3. Google 做民調準唔準?

可以肯定嘅係，香港人無得救，就好似我七月所講咁。如果借黃教授嘅講法：「香港人『返屋企瞓覺。』所以今天『沒有抗爭，沒有改變。』」

低投票率

學者老吹一個理由


但我覺得係因為選民投票嘅策略改變:

Time	2008	2004	相差	走勢
8:30	1.04%	1.33%	-0.29%
9:30	3.07%	4.03%	-0.96%	-0.67%
10:30	5.66%	7.86%	-2.20%	-1.27%
11:30	8.83%	12.17%	-3.34%	-1.14%
12:30	11.76%	16.39%	-4.63%	-1.29%
13:30	14.42%	20.26%	-5.84%	-1.21%
14:30	17.46%	24.36%	-6.90%	-1.06%
15:30	20.23%	28.21%	-7.98%	-1.08%
16:30	23.52%	32.15%	-8.63%	-0.65%
17:30	29.78%	38.87%	-9.09%	-0.46%

好多選民都係抱住觀望嘅態度。

票站調查

四年前嘅票站調查，係用 PDA 做嘅。今年，見到個調查員竟然係用電話做?! 唔通用 SMS 直接 send 返去調查中心?!

立法會選舉 2008 之 5

今年立法會選舉臨近，其實心已有所屬，但係想用一 D 另類嘅方法，睇吓可唔可以好客觀咁分析選舉

港島區最後形勢:
縱觀大部份選舉，人氣、形象似乎比政綱、政績重要，自問小弟無能力去做一個選舉調查，但以 Google 作為一個工具，未嘗不可。

*先以人名作為關鍵字，若有太多不相關結果，加入「香港」或政黨名稱作為關鍵字。相近結果亦包括其中。
#以候選名單所有候選人為關鍵字得出結果 (x)，將候選名單人數減1再乘結果總數 ([n - 1] * x)，篩除所有候選人重複出現的結果。

關鍵字*	返回結果	得票總數	得票百分比	取得議席	得票總數 (調整後#)	得票百分比 (調整後)	取得議席 (調整後)
林翠蓮 "自由黨", 王錦泉 "自由黨", 顏才績	613 + 329 + 327	1269	7.74%	1	671	6.41%	0
何秀蘭	878	878	5.36%	0	878	8.39%	1
甘乃威, 楊森 "民主黨", 徐遠華 "民主黨"	755 + 867 + 548	2170	13.24%	1	912	8.71%	1
曾健成 香港	823	823	5.02%	0	823	7.86%	1
曾鈺成, 蔡素玉, 鍾樹根, 張國鈞 香港, 陳學鋒 "民建聯", 郭偉強 "民建聯"	823 + 864 + 825 + 682 + 550 + 419	4163	25.40%	2	2443	23.34%	1
蕭敏華 香港	676	676	4.12%	0	676	6.46%	0
勞永樂 香港	680	680	4.15%	0	680	6.50%	0
陳淑莊, 余若薇, 容詠嫦	710 + 877 + 625	2212	13.50%	1	876	8.37%	1
葉劉淑儀, 史泰祖, 黃健興 香港, 陳岳鵬 香港	884 + 766 + 411 + 748	2809	17.14%	1	1801	17.20%	1
黎志強 香港	708	708	4.32%	0	708	6.76%	0

民主的奧義

秘密投票，係民主過程最重要嘅一環

選票不用寫下自己的名字及身份識別，避免非自願讓人知道自己的投票意向。由於這種投票方法不能追查投票者的投票意向，可確保投票者所投的票出於個人意願，而非受人指使或強迫

令選舉公平、公正。

不論何人、何時、何地帶你入投票站，又或者政黨如果利誘選民，响小小嘅投票間，投咗俾邊個，就只有你自己知道，只需要向自己交待。

將選票放入票箱，係神聖嘅一刻，以和平嘅方式，革除你不滿嘅人。人民和平嘅革命，明天一起參與。

投白票=做白癡

白票改變唔到事實，但投白票就只會益咗建制派。

1. 支持建制派同支持反對派都可能唔投票
2. 支持建制派嘅人一定唔會投白票，但支持反對派嘅人有機會投白票

此消彼長，所以如果對政府不滿，就要投反對派。如果對今天嘅議員不滿，就要投第二位反對派名單。

投白票就即係滿足現狀，支持建制派。作為一個受過教育嘅選民，請盡公民責任，運用你嘅選舉權，選出你嘅代表，表達你嘅真正意願。

選舉心戰

港大今次傻吓傻吓做咗件好事

9月5日晚上編輯
Now新聞台：3成人票站調查會亂答
Now新聞台互動投票區
問題：你會如何對待星期日立法會選舉中的票站調查?
A：如實作答 24%
B：不作回應 44%
C：以假答案回應 32%

令到多咗人關注票站調查會被人利用做成不公平選舉，選民唯有以牙還牙，唔答或者亂答。一個調查如果只有少過一半嘅數據係正確，結果會令到誤差太高。有心人用唔用，自己諗喇!

鐘庭耀講得好啱，調查機構有責任對調查對象解釋調查嘅目的。所以，港大嘅調查，如實作答吧! 香港不能缺少學術研究。其他嘅，就要問吓調查目的，拖吓時間，將個 sample size 進一步降低都好。

零調查

當票站調查成為選舉工具，就成為不公平嘅選舉。拒絕回答，直至選舉委員會有清淅、公平、合理嘅指引為止。

變種

Email 由當年嘅普普通通 abc@def.com, 變成 abc at def dot com, 今日又見到新意思 abc SHIFT 2 def dot com, 實在太聰明!

立法會選舉 2008 之 4

今年立法會選舉臨近，其實心已有所屬，但係想用一 D 另類嘅方法，睇吓可唔可以好客觀咁分析選舉

港島區政綱比拼:
收到10張候選人名單嘅政綱，要客觀比較，就將所有政綱合拼，只用名單編號比較，得出政綱較好嘅名單，再投票。

立法會選舉 2008 之 3

今屆立法會，唔同政黨都有相同嘅公通點。
1. 原來好多政黨都有個「民」字

• 民主黨
• 民建聯
• 公民黨
• 公民起動
  
• 社民連

2. 其中三個政黨，不約而同都係用「全家總動員」做其中嘅選舉口號

• 社民連 - 全家總動員，票投社民連
• 民主黨 - 全家總動員，全投民主黨
• 民建聯 - 全家總動員，支持民建聯

3. 又有三個政黨用七個字同用黨名做結尾嘅廣東俚語口號

• 公民黨 - 好在仲有公民黨 (編者按: 正字為「好彩重有公民黨」)
  
• 民主黨 - 有事要搵民主黨
• 民建聯 - 都係要揀民建聯

海獅、海豚?

究竟海獅係海豚

定係海獅真係海獅

環保

支持環保，要身體力行

立法會選舉 2008 之 2

今年立法會選舉臨近，其實心已有所屬，但係想用一 D 另類嘅方法，睇吓可唔可以好客觀咁分析選舉

初探九龍西:
縱觀大部份選舉，人氣、形象似乎比政綱、政績重要，自問小弟無能力去做一個選舉調查，但以 Google 作為一個工具，未嘗不可。

*先以人名作為關鍵字，若有太多不相關結果，加入「香港」或政黨名稱作為關鍵字。
#以各候選名單首名候選人為關鍵字，將候選名單人數減1再乘結果總數 ([n - 1] * x, x = 81)，將因選舉法例而需要例出的結果篩除。

候選人編號	候選名單（所申報之政治聯繫）	關鍵字*	返回結果	得票總數	得票百分比	取得議席	得票總數 (調整後)	得票百分比 (調整後)	取得議席 (調整後)
1	莊永燦	莊永燦	275	275	3.26%	0	275	3.90%	0
2	李慧琼、鍾港武、陳偉明、鄭泳舜（民建聯）	李慧琼, 鍾港武, 陳偉明 "民建聯", 鄭泳舜 "民建聯"	521 + 318 + 153 + 138	1130	13.41%	1	887	12.58%	1
3	龍緯汶、韋世民（南方民主同盟）	龍緯汶, 韋世民 香港	297 + 109	406	4.82%	0	325	4.61%	0
4	涂謹申*、林浩揚（民主黨）	涂謹申, 林浩揚 香港	537 + 256	793	9.41%	1	712	10.10%	1
5	毛孟靜、伍月蘭、鄧志盈（公民黨）	毛孟靜, "伍月蘭" 香港, 鄧志盈	500 + 161 + 170	831	9.86%	1	669	9.49%	1
6	林依麗	林依麗 香港 -陳依齡	259	259	3.07%	0	259	3.67%	0
7	梁美芬、梁偉權、林家輝	"梁美芬" 香港, 梁偉權 "西九新動力", 林家輝 "西九新動力"	488 + 53 + 43	584	6.93%	0	422	5.98%	0
8	黃毓民、李偉儀（社民連）	黃毓民, 李偉儀 社民連	553 + 128	681	8.08%	0	600	8.51%	0
9	田北辰、何顯明（自由黨）	田北辰, 何顯明 香港	529 + 300	829	9.84%	1	748	10.61%	1
10	馮檢基*、莫嘉嫻、秦寶山、黃志勇、楊振宇（民協）	馮檢基, 莫嘉嫻, 秦寶山 "民協", 黃志勇 "民協", 楊振宇 "民協"	464 + 204 + 115 + 148 + 130	1061	12.59%	1	737	10.45%	1
11	劉千石*	劉千石	544	544	6.45%	0	544	7.71%	0
12	柳玉成、蔣潔鳳、徐達偉	柳玉成, 蔣潔鳳, 徐達偉 香港	496 + 92 + 91	679	8.06%	0	517	7.33%	0
13	譚凱邦	譚凱邦	357	357	4.24%	0	357	5.06%	0

二百萬磅

呢個表現都二百萬磅，下屆奧運要收支平衡都幾難，蝕梗!

立法會選舉 2008 之 1

今年立法會選舉臨近，其實心已有所屬，但係想用一 D 另類嘅方法，睇吓可唔可以好客觀咁分析選舉

初探港島區:
縱觀大部份選舉，人氣、形象似乎比政綱、政績重要，自問小弟無能力去做一個選舉調查，但以 Google 作為一個工具，未嘗不可。

*先以人名作為關鍵字，若有太多不相關結果，加入「香港」或政黨名稱作為關鍵字。
#以各候選名單首名候選人為關鍵字，將候選名單人數減1再乘結果總數 ([n - 1] * x, x = 101)，將因選舉法例而需要例出的結果篩除。

候選人編號	候選名單（所申報之政治聯繫）	關鍵字*	返回結果	得票總數	得票百分比	取得議席	得票總數 (調整後#)	得票百分比 (調整後)	取得議席 (調整後)
1	林翠蓮、王錦泉、顏才績（自由黨）	林翠蓮 "自由黨", 王錦泉 "自由黨", 顏才績	178 + 84 + 119	381	4.30%	0	179	2.41%	0
2	何秀蘭（公民起動）	何秀蘭	568	568	6.42%	0	568	7.64%	1
3	甘乃威、楊森、徐遠華（民主黨）	甘乃威, 楊森 "民主黨", 徐遠華 "民主黨"	510 + 520 + 136	1166	13.17%	1	964	12.96%	1
4	曾健成（社民連）	曾健成 香港	600	600	6.78%	1	600	8.07%	1
5	曾鈺成、蔡素玉、鍾樹根、張國鈞、陳學鋒、郭偉強（民建聯）	曾鈺成, 蔡素玉, 鍾樹根, 張國鈞, 陳學鋒 "民建聯", 郭偉強 "民建聯"	535 + 562 + 403 + 305 + 158 + 112	2075	23.44%	2	1570	21.11%	1
6	蕭敏華	蕭敏華 香港	197	197	2.23%	0	197	2.65%	0
7	勞永樂	勞永樂 香港	559	559	6.32%	0	559	7.52%	0
8	陳淑莊、余若薇、容詠嫦（公民黨）	陳淑莊, 余若薇, 容詠嫦	538 + 597 + 254	1389	15.69%	1	1187	15.96%	1
9	葉劉淑儀、史泰祖、黃健興、陳岳鵬（獨立）	葉劉淑儀, 史泰祖, 黃健興 香港, 陳岳鵬 香港	578 + 540 + 157 + 269	1544	17.44%	1	1241	16.69%	1
10	黎志強（獨立民主派）	黎志強 香港	372	372	4.20%	0	372	5.00%	0

鸚鵡大戰

一隻鸚鵡，帶來一天的假期，有網友大談李氏力牆之說，結果用MD5對戰一試:

[鸚鵡] 攻擊:80 速度:83 防禦:87 命中:60 運氣:90 HP:269
[李氏力牆] 攻擊:17 速度:14 防禦:23 命中:42 運氣:17 HP:122

鸚鵡 vs 李氏力牆戰鬥開始!!
[鸚鵡] 的攻擊 擊中 [李氏力牆] 造成156的傷害。
[鸚鵡]將[李氏力牆]擊倒了！(回合數：1)

另一邊廂，又用李生直接迎擊:

鸚鵡] 攻擊:80 速度:83 防禦:87 命中:60 運氣:90 HP:269
[李嘉誠] 攻擊:25 速度:92 防禦:88 命中:45 運氣:54 HP:147

鸚鵡 vs 李嘉誠戰鬥開始!!
[李嘉誠] 的攻擊 失誤 [鸚鵡] 成功迴避這次的攻擊。
[鸚鵡] 的攻擊 擊中 [李嘉誠] 造成84的傷害。
[李嘉誠] 的攻擊 擊中 [鸚鵡] 造成1的傷害。
[鸚鵡] 的攻擊 擊中 [李嘉誠] 造成59的傷害。
[李嘉誠] 的攻擊 擊中 [鸚鵡] 造成1的傷害。
[鸚鵡] 的攻擊 擊中 [李嘉誠] 造成46的傷害。
[鸚鵡]將[李嘉誠]擊倒了！(回合數：3)

又有網民指，奧運亦應該力入戰團

李氏力牆Out左啦

最新係奧運流星拳

結果:

奧運流星拳 vs 鸚鵡戰鬥開始!!
[鸚鵡] 的攻擊 擊中 [奧運流星拳] 造成104的傷害。
[奧運流星拳] 的攻擊 擊中 [鸚鵡] 造成1的傷害。
[鸚鵡] 的攻擊 擊中 [奧運流星拳] 造成108的傷害。
[鸚鵡]將[奧運流星拳]擊倒了！(回合數：2)

當一切無效，當然要靠神明保佑:

[上帝] 攻擊:92 速度:26 防禦:36 命中:25 運氣:87 HP:175
[鸚鵡] 攻擊:80 速度:83 防禦:87 命中:60 運氣:90 HP:269

上帝 vs 鸚鵡 戰鬥開始!!
[鸚鵡] 的攻擊 擊中 [上帝] 造成94的傷害。
[上帝] 的攻擊 擊中 [鸚鵡] 造成80的傷害。
[鸚鵡] 的攻擊 擊中 [上帝] 造成135的傷害。
[鸚鵡]將[上帝]擊倒了！(回合數：2)

最後，連毛主席都出埋

李+X 親中,,召喚毛魔,,
鸚鵡,,仲點打呀

但係都比鸚鵡打敗:

[毛魔] 攻擊:67 速度:47 防禦:60 命中:49 運氣:35 HP:273
[鸚鵡] 攻擊:80 速度:83 防禦:87 命中:60 運氣:90 HP:269

毛魔 vs 鸚鵡戰鬥開始!!
[鸚鵡] 的攻擊 擊中 [毛魔] 造成90的傷害。
[毛魔] 的攻擊 擊中 [鸚鵡] 造成15的傷害。
[鸚鵡] 的攻擊 擊中 [毛魔] 造成104的傷害。
[毛魔] 的攻擊 擊中 [鸚鵡] 造成1的傷害。
[鸚鵡] 的攻擊 擊中 [毛魔] 造成74的傷害。
[毛魔] 的攻擊 擊中 [鸚鵡] 造成1的傷害。
[鸚鵡] 的攻擊 擊中 [毛魔] 造成123的傷害。
[鸚鵡]將[毛魔]擊倒了！(回合數：4)

呢隻鸚鵡，都真係所向披糜!

中國人

友人因劉翔退出，感歎自己的香港人、中國人身份的疑惑。其實，我一向都有差不多嘅疑惑，但我多加一個身份: 英國人。

我嘅上一代係流離嘅一代，响新加坡、英國、澳洲不同國家生活過，亦响英國生咗我出嚟，但自小就被灌輸中國人嘅慨念。所以我旅行嗰陣係英國人，平時係香港人，睇人攞金牌咪中國人囉!

劉翔有無金牌，唔係國家榮辱，中國人有時就係咁，人哋都未睇小你，你就自己睇低自己先。

魅力王子

選舉要靠個人魅力同感染力，黃毓民今次真係魅力爆燈!

Never give up?

點解要放棄? 爛船都有三斤釘，你哋唔係以為自己咁不堪嘛?


Update@20080831: 詳閱相關政綱後，原來永不放棄係指「捍衛香港的心價值，堅持民主、民生工作」嘅精神

掉下七毛七仙

有說，劉翔因傷退出，損失了十億的經濟效益。

溫總講過:「不管多麼小的問題，乘以13億，都不是小問題；不管多大的經濟總量，除以13億，都沒有多少。」

今次十三億人的點點壓力，壓垮了劉翔。但經濟上的損失，卻微不足道。

請好好治療後，繼續跨出好成績!

藝高人膽大

報導新聞啫，唔駛拿起馬術用嘅沙啩?! D 馬係一路行，一路排泄，你知唔知你拿咗 D 乜上手㗎?

找錯處

有 D 心理學嘅知識，連 designer 用咗都唔知

實屬巧合

原來酷熱天氣警告，可以咁似 ATV 嘅台徽。

返老還童

噚晚得知脂肪成份比減低後，今晚去配新眼鏡，又有一大發現，近視淺咗 25 度! 機能無退化，反而更活化?

Hong Kong's Nightmare

原來真係有香港人覺得

就算是23條...他也只是負責推捎..

原來一個局長係 marketing manager, 無份制定政策...

Im a student studying in London.
I agree with you sxslasalle.
To be honest, Mrs Ip was just the marketing manager of the product(23), if the product is fault, i don't think it's the marketing manager's responsibility but the CEO(Mr Tung chee wa)'s one
The only problem with Mrs Ip is that she's too direct sometime.

原來當年萬人墟巷，無嘢值得反對?!

我本身讀 Law gei..... 看來看去....點看 23 條對香港有甚麼ng ho..... 我真是不明...

原來依家讀 Law 嘅、或者留學嘅，都係讀緊屎片。如果佢哋知道，當日香港記者採訪京奧售票發生混亂，葉太响 2008 年 7 月 30 號嘅叉頸論，唔知會係乜嘢感覺。下一代咁諗嘢，無視呢一代幫你爭取到嘅，香港人自求多福。

節錄於: http://www.uwants.com/viewthread.php?tid=6775027&extra=page%3D2&page=1

體操比賽

細細個嘅時候，覺得體操好悶，尤其自由體操，一個人幾個簡單動作，重要有幾個人失手，完全唔識欣賞。但今年一睇，另有一番體會。見到嘅，係每一位運動員肌肉協調嘅能力。

做 gym 嘅時候，一個睇落簡單嘅動作，但其實運動量可以好大，做完一 set 都攪到氣來氣喘、一身大汗。睇住自由體操、跳馬、鞍馬各個動作，程飛跳、湯馬斯迴旋，簡直係挑戰物理學、運動學同生物學嘅表演。成功，係得來不易。失敗，亦情有可願。金、銀、銅，並唔係為國家爭光，而係對自己努力嘅肯定，觀眾嘅鼓勵，作用同樣難得。

Body Composition

人體三大成份: 骨骼、肌肉、脂肪。成年人骨骼已經成熟，基本上唔會再生長，骨質甚至會流失，但响四十歲前，都唔有太大改變。

今日無聊搵教練度一度，原來呢一年半以嚟，脂肪比例由 25% 跌至 19%! 即係肌肉多咗，脂肪少咗，由接近癡肥變成剛剛超重。响食多咗嘢，運動量亦不見得有增加嘅情況下，雖然體重無改變，但係 Physically 個人係健康少少。正確嘅姿勢、正常嘅食量似乎係關鍵所在。

意外

意外早睡，錯過百米飛人
程飛失誤，將金變銅
劉翔受傷，黯然退出
還有女排連番敗陣、港隊乒乓後勁不繼

奧運，就是 0.1 分的戰爭，跳水、射擊、田徑等，比姿勢、比速度、比技術，一刻都不能出錯。

分辨真假

第一，建築物打燈完全係 CG, 木料無理由會反光反得咁令第二，煙花散嘅時候係唔會化開
參照返真煙花，火花慢慢熄，化開咗係一件好唔自然嘅事

法眼難逃

都懷疑咗好耐，原來嗰廿八個煙花真係假嘅。

民主黨的悲哀

當你見到一位民主黨的立法會參選人寫下這幾句，你會如何?

For the upcoming Legco election this September, I'll need $2 million in the election fund. The party will only offer me $400,000. I have to sell my flat for the rest.

為選舉賣樓，這是為民主的一份堅持，可以辦到。

Elections are more about feelings. If the voters feel right about you, you'll win. But you need charisma to do that. Martin Lee has it. I don't.

But anyway, it's the process that matters, not the result. I teach my daughter the same lesson.

I feel so right about you. You've got mine, Mr. Kam. But it may be the last vote for DP. Supporting this party becomes totally pointless recently.

中六學位

十多年前，會考不努力，要麼便投入社會工作，要麼讀文憑課程，是理所當然的事。今天，升學途徑多不聲數，八號風球下，教育署已宣佈收生程序延遲，卻見到學生叫囂、家長罵街，香港教育失敗在於沒有家教，與學校、政府及教育制度無關。

廣州的雷雨

在廣州的酒店，聽到隆隆作響。不以為然，以為是其他房間的聲音，但見外面的閃光，不尤得向窗外一看。原來是雷雨交加，閃電就像宙斯的憤怒，將手上的電擊打在地上，明亮地閃耀大地。

可恨的是，手上只有手機內置的相機，那緩緩地打開著光圈，一刹那光輝，永遠捕捉不到，永恆亦的鏡頭亦變成渺茫的等待。

蝴蝶效應 12

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

物價篇:
有說，超級市場賣貴貨，甚麼平通街、保證至抵，都係扼人嘅。但係，工時長咗，放工時間夜咗，好多小商鋪都已經收咗檔，可以幫襯嘅只係超級市場。君不見今天嘅超級市場都開到 11 點，正常作息嘅人會咁夜出街買嘢嗎? 答案是肯定的，因為好多人都開夜咗。有需求就要有供應，是市場不變嘅道理。

但大家都開夜咗，營運成本亦提高，或者超級市場嘅高價亦有佢嘅道理。但係賣 D 不實嘅廣告，就有 D 過份。好似便利店咁，標榜自己廿四小時營業，賣嘅係方便，大大方方咁提高價錢，全世界亦都知道佢係賣貴貨，生意亦都唔錯，咁咪幾好!

對於要 OT 嘅人就只有兩個選擇，減少消費、接受超級市場嘅價錢，又或者平日唔買，到週未週日先大量入貨。

八月新開始

唔知點解，搵嘢變成執枱。好耐都無清過個工作間，依家叫合格啦!

自從玩咗 Google Map 個 API 後，呢幾日靈機一觸，張佢合拼理 Image Mosaic, 效果幾好! 好快可以收工!!!

暑假

暑假到咗，但係球場無細路，只有一班大人，重要係西人响度踢波。D 細路去晒邊? 全部响屋企歎冷氣?

工潮

當維他奶、屈臣氏負責送貨嘅員工罷工嘅時候，有人提過會陸續有來。果然，今日又一宗，亦都係同一個工會發起。選舉到了，有關係嗎?

中文

同樣係「飯店」、「餐廳」、「酒店」。台灣同香港嘅用法好唔同。

Change

剛剛睇完日劇《Change》，好強，難怪可以得到高收視率。
美國奧巴馬亦都提出過 Change 嘅口號，將會得到黨內支持成為總統候選人。
香港立法會亦進入提名期，有多位元老級人馬退出，希望香港政壇亦可以有一番大改變。

雷雨交響樂

雷雨，好聽亦好睇。如果可以上到山頂影相，咁就 perfect.

生日前後

七月十二日晚，雷雨交加。

無聊地 scan 咗一張小學嘅畢業相，用 1200dpi scan, 點知 scan 完執執吓，hang 機... 重新嚟過再執，嘩! 已經六點幾。搵吓有無方法可以將一幅大相好好咁 display. 心目中有 Deep Zoom, Flash, 同類似 Google Map 嘅嘢。

Deep Zoom, 要裝 Deep Zoom composer, 好似有排攪，唔攪住。
Flash, 好似無乜 free component 做 cut 相同 swf.
Google Map, 要 register 喎，但係點 show 自己嘅相而唔係個 map 呢? 咦! 搵到。最終就攪咗呢個 page 出嚟:

攪完，原來已經七點幾，瞓得三個鐘，九點，樓上又裝修，無得瞓。唯有起身睇吓個 google map 可以點 customize. 攪吓攪吓，食完晏，都唔係好瞓得著。睇吓 video, 差唔多要去德仔度 lu. 4 點幾到達，同班女仔打吓牌，完全唔係狀態，食完 dinner 後仲要鬼掩眼食詐糊。

十二點幾返到屋企，睇埋火影，開始崩潰。生日正日，除咗食，就係瞓，到夜晚，唔得，去做 gym, 但 physically 太倦，做唔長。

今日，同事們買咗蛋糕，吹蠟蠋，一起食餅。Cheese cake!!!! 正! 好耐未歎過 cheese cake! 好滿足。

醫療保險

一直唔係好覺買咗醫療保險，原來 day 1 嗰份已經有咗，呢 D 保險嘅名真係五花八門... 睇嚟呢世都唔駛幫自己再供多份。

市升市跌

好耐未提過股市，其實係無時間睇住個市，除咗月供之後，都好少主動出擊。呢幾個禮拜出咗幾次手分段買入，今晚美市又大跌，似乎低處未算處，耐心等待谷底中。今年目標，跑羸大市唔難 (事實上跑輸大市嘅月份只係股市最瘋狂嗰幾個月)，但求唔蝕就得。
下個月會有一大舊 cash 回籠，將會係最後嘅一注。

亂畫一通圖

種族歧視

種族歧視條例通過，呀差、鬼佬、賓妹就會絕跡?
不如整個行為歧視條例，咁講粗口、吸煙、打尖就唔會俾人咀藐藐。

點解我地嘅政府唔係先從教育著手? 為人父母嘅點解對仔女無家教? 未有做好配套就立法或者推出嘅政策，作廢嘅多。例如: 機舖唔俾食煙、母語教學。

呀差、鬼佬、賓妹變成印巴藉人士、外國人、菲律賓女傭，係將香港人嘅數十年嚟約定俗成嘅語言習慣扭曲。要改變嘅，就要好似以前嘅漢城，今日嘅首爾咁，利用大眾傳媒咁天天播、日日播。但係香港式粵語係非常簡潔而且傳神，呀差、鬼佬、賓妹等兩隻字就可以 visualize 到大概係乜嘢人。印巴藉人士、外國人、菲律賓女傭等稱呼? 太長喇!

2008 立法會演員選舉

香港，係搵錢嘅地方，攪政治，對不起，不論政府有幾不堪，都一樣坐响度推極都推唔郁。

當年，五十萬人上街，就係大家睇到無普選嘅後果，但今天，政府一樣管治無道，上街的人不過五萬。人有三種，先知先覺，後知後覺，不知不覺。香港人多數係第三類，唔見棺材，殺到埋身，都唔流眼淚。

香港人令我失望，你哋嘅奴性，令你哋自己覺得不配有民主，令你哋唔去爭取。2012 無，都唔好寄望 2017 有，去到 2047 都好，亦唔會有，呢 D 係自作孽。

如果香港人重想有民主，請响今年九月選舉，認清認楚邊 D 係建制派，邊 D 係民主派。參加小圈子選舉 (功能組別) 嘅黨一定唔係，支持過副局長、政治助理撥款嘅都唔係，支持中央拍板嘅民主時間表嘅直情係民主大反派!

再見卓韻芝

卓小姐離開電台了，祈待她在其他媒體發光發熱，或向她所喜愛的藝術進軍。

八萬五

呢個正

修相

買咗部 scanner, 開始將舊相變 scan 入電腦。一場浩瀚嘅工程要展開，原本以為買一部可以同一時間 scan 四幅相嘅 scanner 就 ok. 原來 scan 相只係工程嘅一小部份，修相花嘅時間，遠遠比 scan 相多出幾十倍。效果嘛，只係一般，所有相都好似有少少 out of focus 咁，曚矇哋，但無計，一來相片本身質素有問題，二來經過 ADC, Loss 一定有。

修相步驟需時，好大部份時間用咗嚟除塵。原來一粒微不足道嘅塵，用 600 dpi scan, 入到電腦之後，因為反光，可以好清楚咁見到一條白色嘅絲，簡直係一場噩夢。除塵，就係响相入面大大小小嘅白絲、白點、花紋一一清除，廿分鐘一幅相絕對唔出奇。

回歸十一年

如果有普選，還會有副局長、政治助理嗎?
如果有普選，曾特首還會和董特首一樣無能嗎?
如果有普選，最低工資、醫療融資、母語教學、兩電利潤管制、家禽業等政策還會這麼差嗎?

如果有普選，還會有七一嗎?

錢錢錢錢

又一個等價交換嘅考驗，究竟係加人工好，定 keep 住個 team 好?

Q2 一張單都未開過，加人工，就只係無端端將個 team 嘅 cost 加大，未太係時候住，亦唔應該 cut 一個人去令到自己有人工加。依家係投資嘅時間，唔係睇眼前嘅利益嘅時間。

另一邊廂，同一個 junior staff 去 revise 佢嘅人工，要嘅係 10% 左右。都唔係唔加得俾佢，但係佢 sell 唔到自己，比較神奇，即係佢睇唔到自己可以 contribute 到乜嘢俾公司。唯有 assign 一個 task 俾佢做，再睇吓一年後會變成點。

名人

Bill Gates 的最後一天响新聞道播，母親大人就趕急咁叫我睇。可以做到師奶都識，呢 D 就係成功嘅名人!

親疏有別

曾特首，你聽得到嗎? 要溝通! 政通人和呀! 唔溝通，點去做好呢份工?

風神

八號風球，聽日最多得半日。但如果有半日，起碼可以有一朝唔駛俾裝修嘅聲嘈。
聽日，好多人都會早起少少，聽完收音機，再瞓過。

返半日工，係最浪費嘅工作日。响屋企 remote 返公司做嘢，同樣浪費。

海闊天空

十五年了，你在遙遠他方過得好嗎? 還是謝謝你的作品，留給我成長的回憶。

Beyond @ 20080622

Go to gallery

東方之珠

無咗耀眼嘅射燈，維港境色毫不遜息。

國金同中環廣場好易搵到，你認得出其他大廈嗎?

成長

歲月催人老，但原來三歲輪廓同依家無乜大分別。

光害

相片嘅唔係唔小心影到嘅嘢，而係當山頂凌霄閣打燈打咗上天空嘅其中一角。2008 年 6 月 21 日，會有 100 座大廈响 8 點半至 9 點半熄燈，如果天氣好嘅，香港嘅星空會變得不一樣。

Victoria Harbor @ 20080620

Click To Play

夜影

好耐都未見過晴天，今晚本來想上山頂影星。可惜上到山頂之後，發覺腳架壞咗，跟住一大片烏雲飄過，乜都無得影。失望之際，去海邊影番一天張全景圖先。
咦! 有靈感，唔影星，可以影雲同海。將一個鐘變成十三秒嘅結果:

香港形象

飛咗十二個鐘俾一堆咪同鏡頭圍住，俾我就實發老脾。

問責與增值

呢一個爛攤子，要負責，係咪要辭官? 重要做好呢份工喎...


未做官就攪出個大頭佛，重要講增值? 唔係話屋邨長大就大晒! 租私樓嘅人唔係個個都有錢㗎! 每一分一毫，都有血有淚，唔係剩係你 D 歷煉先值錢!

政治助理

政治助理一個月十幾萬月薪，即係百萬年薪。中國總理，溫家寶，為雪災、震災、水災四出奔走，年薪只係得 4 萬大圓。呢 D 政治助理嘅任務，真係比中國總理艱辛數十倍，「任重道遠」已!

包裝

有人說過:「民主不是商品。」原來別有用法: 用嚟包裝商品。強!

大雨後遺症

响街上面，睇住一間一間嘅舖頭响門外整理貨物，參茸海味見怪不怪，其他如文具店、五金舖、茶莊等都出事。

大雨

噚日一場大雨，走上街，只係聞到一陣陣通完渠嘅渠水味。
四月浣熊來襲，天文台指拉尼挪現象會令今年颱風多咗。唔知有無關係，但係要保護環境，刻不容緩。

Inherently Flawed

香港主要官員問責制一開始就錯，基本法亦都無預過有副局長、政治助理等任命。响度口口聲聲話陪訓政治人才，但呢 D 政治人才又有外國國藉，即係陪訓嚟托?! 十幾廿萬一個月，有成十幾個，真係個個月掉幾百萬掉落鹹水海。

看中國人百態

一場地震，看到中國人面對天災的不同面。

1. 解放軍 - 為人民服務:
拯救及開路消耗大量體力，但部隊吃的只是粥、饅頭和蕃薯等粗糧。
「特殊情況要特殊對待。在這個環境裡，有這個已經不錯了」

---

2. 商家 - 好大戲功 + 貪:

---

3. 乞丐 - 略盡綿力:
最震撼的在這裡！！
這是街頭一個捐款者的組圖，眼淚終於在最後一刻決堤了，天不佑我中華，國人佑之！！！！

這個孩子不比我們中的人大多少，甚至與我們同齡，當我們還在父母的關愛中衣食無憂的時候，他卻已經在大街上一分一毫的討要生活。當我們在捐獻出了對我們而言屈指可數，對他而言缺無法想像的金錢時；他卻捐獻了他活下去的依靠！！！！

當時，他"走"過來, 我們以為只是路過.....只是路過.....
接下來的一句話令在場的所有人驚訝,"我要捐款!" ,他從碗中捐出了幾個硬幣!
在場的所有人無比感動, 難以形容,他以他的方式回報社會!
"我還有錢!",我們再次為之動容!
他從口袋裡又捐出了幾十元...

---

4. 母親 - 捨身保謢孩兒
電台節目助理 - 創作感動人心

短篇故事「細路哥」 @ 五天精華遊

19 五月, 2008

已經是二十年前的事，我再一次造同一個夢，我再一次被這個夢弄醒。
我偷偷拿起電話，看著這個已陪伴我二十年的SMS，手機屏幕上寫著：「親愛的寶貝 …」
突然間，睡在我旁的女朋友真真，一手搶去我的電話，然後質問我：「你說很愛我，為什麼卻有第二個」
我還未來得及向她解釋，她已聲淚俱下。
是的，其實我一直對她有所隱瞞。

我是一名孤兒。
二十年前，四川，我的家鄉發生地震。
那時侯，我只有三個月大。
當時的我一定在哭泣。哭，不是因為地震，亦不是因為媽媽的離開。
哭，可能只是我肚子餓，可能只是希望有人替我換尿布。
嬰兒就是這樣的，三個月大的嬰兒總是這樣的。

養父告訴我，媽媽在地震發生的一刻，用一張黃色帶有紅花的被子將我包住，再將我抱入懷中，把我保護。
媽媽知道三個月大的嬰兒不可能知道什麼是地震，什麼是生離死別，甚至連「媽媽」都不知道是什麼。
雖然，媽媽明白我什麼都不知道，但是她卻希望我將來懂事，會明白到她很愛我。
於是，她離開前，在電話上輸入了一個SMS：「親愛的寶貝，如果你能活著，一定要記住我愛你」

聽過我的經歷，女朋友真真哭成淚人。
我說：「不用哭，都過去了。在記憶中，我只記得媽媽很愛我」

ZARAHN
作曲：周國賢
填詞：李蒨凌
編曲：Zarahn
監製：崔炎德/林健華
專輯：怪誕城之夜

自小天真的你　渴望世界和平
誰料到一生裏　給痛苦糾纏著半世
我真不捨得你　沉著氣送走你
分開或者找到更美　也許天國來年可於一起

面對現實可怕　這一刻怎招架
看吧人像塗鴉　年月將它微妙熔化
淚水封乾好嗎　拿著記憶火化
不要害怕　如怕寂寞便沉睡去
即使無奈　你離去都躺於夢裏

媽媽今天好嗎　再共你看落霞
時日瞬間蒸發　給你祝福無奈太晚
遠方天色好嗎　難及你的優雅
穿梭夢中輕輕細訴　您也想看見我一天高飛

面對現實可怕　這一刻怎招架
看吧人像塗鴉　年月將它微妙變化
淚水封乾好嗎　拿著記憶火化
不要害怕　如怕寂寞便沉睡去
即使無奈　你離去都躺於夢裏

二十年來，我造著同一個夢。
夢見的不是地震的恐怖，也不是媽媽的離開。
夢見的是我下班回家，媽媽在沙發上睡著。
我親手替她蓋上被子，一張黃色帶有紅花的被子。

網頁轉載:
「親愛的寶貝，如果你能活著，一定要記住我愛你」

搶救人員發現她的時候，她已經死了，是被垮塌下來的房子壓死的，透過那一堆廢墟的的間隙可以看到她死亡的姿勢，雙膝跪著，整個上身向前匍匐著，雙手扶著地支撐著身體，有些像古人行跪拜禮，只是身體被壓的變形了，看上去有些詭異。

救援人員從廢墟的空隙伸手進去確認了她已經死亡，又在衝著廢墟喊了幾聲，用撬棍在在磚頭上敲了幾下，裡面沒有任何回應。

當人群走到下一個建築物的時候，救援隊長忽然往回跑，邊跑變喊「快過來」。他又來到她的屍體前，費力的把手伸進女人的身子底下摸索，他摸了幾下高聲的喊「有人，有個孩子 ，還活著」。

經過一番努力，人們小心的把擋著她的廢墟清理開，在她的身體下面躺著她的孩子，包在一個紅色帶黃花的小被子裡，大概有3、4個月大，因為母親身體庇護著，他毫髮未傷，抱出來的時候，他還安靜的睡著，他熟睡的臉讓所有在場的人感到很溫暖。

隨行的醫生過來解開被子準備做些檢查，發現有一部手機塞在被子裡，醫生下意識的看了下手機屏幕，發現屏幕上是一條已經寫好的短信「親愛的寶貝，如果你能活著，一定要記住我愛你」，看慣了生離死別的醫生卻在這一刻落淚了，手機傳遞著，每個看到短信的人都落淚了......

另一則明報報導個案:
吮死去母親乳汁 女嬰活命
曾被困廢墟內靠吮吸死去母親乳汁的女嬰，經搶救後恢復健康。

　【明報專訊】地震中多少父母以身軀擋住塌下來的天花，犧牲自己保護懷中孩子？日前，地震後的都江堰河邊，一片瓦礫中竟然出現了紅撲撲的小臉。不愁吃喝的嬰兒原來還在喝覑母乳。

　一名年輕的媽媽雙手懷抱覑一個3、4個月大的嬰兒蜷縮在廢墟中，她低覑頭，上衣向上掀起，已經失去了呼吸，懷裏的女嬰依然愜意地含覑母親的乳頭，吮吸覑，紅撲撲的小臉與母親粘滿灰塵的雙乳形成了鮮明的對比。參與救援的婦科醫生龔晉說﹕「我們小心地將女嬰抱起，離開母親的乳頭時，她立刻哭鬧起來。」龔晉說，看到女嬰的反應，在場者無不掩面流淚。

　「我無法想像，一個死去的媽媽還在為自己的孩子餵奶，從母親抱孩子的姿勢可以看出，她是很刻意地在保護自己的孩子，或許就是在臨死前，她把乳頭放進了女兒的嘴裏。」龔晉婦產科見慣了初生的媽媽給自己孩子餵奶的場景，而此時此刻，這樣一個幸福的場景卻讓他產生無法抑制的悲慟。

殘念

部機 upgrade 咗之後，咦? 點解仲係死吓死吓，無端端自動 restart...
入咗去 registry 後，嘩! 好多 ATI 時代殘留嘅 entry. 只得一個選擇，清晒佢!

依家，舒服好多!

新舊交替

買咗粒新 CPU (Core2 Duo 3GHz). 第一次响屋企用 Intel 嘅 CPU, 一分錢一分貨係有道理嘅，速度比舊嗰粒 AMD (Sampron 1.8Ghz) 都快咗有 4 倍以上，價錢都係當年嘅四倍 (其實唔係太記得三四倍左右啦!)。

有粒 CPU, 底版要換，要買 DDR2 RAM (DDR 無用), PCIe Display Card (AGP card 無得再用), 加 IDE-SATA Adapter (唔夠 IDE 槽), 再加多個 PS/2-USB Adapter (得 keyboard 有 PS/2 插位，mouse 無). 一闊三大就係呢 D. 「時間係可以沖淡一切」呢句話，係可以應用响科技度。

攪咗成個上畫加下畫少少時間，大功告成。留低一堆舊 component, 加個 hard disk (原來我有好多舊 hard disk!) 同加個 case 又可以係一部用得嘅機，有人要嗎?

悼念

如果將十三億人悼念三分鐘量化，就已經損失六千五百萬個工時嘅經濟損失。
但相對起無價嘅人命，已經不再重要。

對比起中國其或香港政府，梁國雄議員更早提出下半旗向死難者致哀，但落得被趕出議事當嘅下場。究竟誰人愛國?

低 B 規定

讀過經濟嘅人都知，我哋要响「有限嘅資源下滿足無限嘅需要」。世貿究竟係為大國服務，定為完善經濟?

節錄 2008 年 5 月 18 日 明報專訊
根據世貿組織規定，日本每年必須從國外進口約77萬噸稻米，其中半數進口米來自美國，其餘主要來自泰國和越南。如果要把些庫存米賣到國外市場，日本必須先徵求進口國同意。由於日本是稻米自足的國家，為保護其國內稻農，日本都把這些進口稻米存放不用，等到品質惡化，才賣入日本市場當牲畜飼料。

結束

同長髮再見。
完結一個 open source project。
同事亦要離開公司，出外闖天下。

消失的一代

四川地震，沒有學校可以避過倒下的命運，大部份小朋友亦逃不過厄運。
以六年小學加六年中學計算，十二年嘅細路唔見咗，即係一整代嘅勞動人口响地震一瞬間消失，天府之國頓變煉獄。長遠嚟講，十年後震央一帶，會欠缺活力，必需引入「外來人」。

香港人

是香港人運用了互聯網的力量
還是互聯網見證了香港的熱心

福地

記得小學社會科書見過，香港係一片福地。沒有火山、沒有地震、沒有海嘯、沒有龍捲風、沒有巨型颱風、沒有水災、沒有雪災、沒有山崩。能生活在香港，實在太有福了。

願這點福氣，可以分給四川地震災民、美國風災災民、緬甸颱風災民。

論私隱

匯豐高層說:「遺失伺服器，銀行也是受害者。」希望市民公道點云云。
當日被人偷取了裸照的陳冠希也是受害者，也同樣受人責備吧!

事件基本上沒有分別，人家將私隱交托給你，你沒有好好保管，這便是錯。沒有人要求高層辭職，也沒有人要求匯豐永遠不涉足香港的零售銀行業務。國際企業和明星的分別，見到了吧! 有錯，乾脆認了，讓時間沖淡一切。

蝴蝶效應 11

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

保安篇:
唔想响公司 OT, 就唯有將工作帶返屋企做。久而久之，變成習慣，一 D 唔出得街嘅嘢帶返屋企，用 gmail 儲低，又或者用 USB Drive Save 起。

Google 會好好心幫你做埋 indexing. 可能一 D 敏感資料會出現於公眾 search engine. USB Drive 可以週圍帶，又細又方便，唔見咗都唔知。返到屋企重有 P2P, 以前嘅 Gnutella, Napster, WinMX 到今日嘅 Foxy, 可以幫你嘅 hard disk 公諸於世，機密文件變公開檔案。

科技係雙面刃，帶嚟好處，改變咗人嘅生活習慣，亦可以造成破壞。

按:
2006 年 3 月尾，Google Index 咗警察投訴科嘅資料
2007 年 4 月至 5 月其間，多間醫院分別遺失 USB Drive, PDA, Notebook 等
2007 年 5 月初，匯豐向上報金管局遺失伺服器?! 同日入境處發現機密資料被 Foxy 上載。

支持營養標籤法

睇到張海報就火起，無標籤，憑乜嘢話食品比較健康?! 無謂自欺欺人。

中國渣油

十年前，英國人將香港交俾中國大陸


十年後，中國強大了，亦感染了大陸的陋習