話說靚仔徒勁推介 Step up 3, 入面勁歌熱舞固然精彩,其中一場舞係男主角同青梅竹馬嘅女仔,响街頭跳起 Tap Dance 嚟,勾起咗童年嘅記憶。記得細細個嗰陣,有一年睇奧斯卡,有一幕就係 Tap Dance 嘅表演,嘩! 百幾人一齊表演,嗰種節拍嘅配合同敲擊樂嘅震撼,係一世難忘。
我知道演藝學院有得學,但有時又唔記得去 Check 個課程表,又唔係每一季都有,所以好多時都 Miss 咗。呢季有開班,上星期終於報咗名!
今日去買鞋,貪舒服嘅我,著開11號鞋,但今次買咗對9號半鞋,個老闆話要緊少少喎! 就信吓專業人事囉!
Search This Blog
Saturday, September 28, 2013
Wednesday, September 25, 2013
遲來的中秋
今晚要救小火,公司度有大量中秋節收到嘅水果,當中有半個碌柚噚晚開咗重未食晒,有少少餓,就清咗佢。同事摷吓摷吓個雪櫃,一打開個冰格,就見到冰皮月餅。當中重有冰糖燕窩味一大個,一於就四個人一人一個骨清埋佢。
於是,就咁應返我未過嘅中秋節 :)
於是,就咁應返我未過嘅中秋節 :)
Tuesday, September 24, 2013
小算盤與大咀巴
每個人都會盤算自己嘅利益,算得盡,只係做緊 Optimization, 並唔係問題。只要有少少蛛絲馬跡,成件事就突然通晒。
有啲人鐘意講嘢,好似無傷大雅咁,但好多嘢講咗出嚟就無退路,有時甚至事與願違。既定事實,就老老實實地執行,已經無懸念了。
有啲人鐘意講嘢,好似無傷大雅咁,但好多嘢講咗出嚟就無退路,有時甚至事與願違。既定事實,就老老實實地執行,已經無懸念了。
世界中心之旅 - 後記
- 用到電話嘅地方就可以用到寬頻,買 SIM Card 再用電話分享寬頻係明智嘅決定
- WhatsApp 原來換咗 SIM Card 都可以用到
- 用 Facebook 報平安,自然過寫 Email
- 澳洲嘅酒店唔興有牙膏牙刷
- 相機接近報銷
- Sound of Silence 被過譽,可免
- 沙漠好乾,要揸 Lotion
- 沙漠溫差好大
- 沙漠有時啲風都好大
- 銀河用肉眼太難睇
- 愛上融入藝術嘅生活
- 學識光線強弱對影相嘅影響
- 影 Time Lapse 唔可以急
- 藍山好凍
- 玻璃係影相嘅天敵
- 搵人幫自己影相效果真係好參差
- 唔見咗幅太陽眼鏡
- 唔見咗3磅
Monday, September 23, 2013
世界中心之旅 - Day 7
回程日,9點自然醒咗,整咗個碗麵同一盒士多啤梨做早餐,跟住就執嘢走。執完嘢 Check-out 等車接去機場,佢話11:30左右到,等咗3個字都唔見有車,打去 Customer Service 問,話塞緊車喎。跟住又等多10分鐘,架車到咗,原來係房車嚟,我重以為係小巴咁一大班去機場嘅客添,個司機 Sa 晒 Lum, 其實張 Voucher 係寫話可能要等30分鐘,係估唔到佢真係要等咁耐啫。
上到車,閒話家常一陣,最後問我係唔係去 Domestic Terminal, 嚇咗我一跳,International 呀喂,我要返香港呀! 之後佢打返公司 Confirm, 中間唔知發咩事,總之最後係去國際客運大樓。响車上面小睡片刻,話咁快12:10就到,Check-in 埋先至12:30左右。14:25先起飛,通常起飛後一個鐘左右先會派餐,即係嗰餐已經唔係晏,已經係下午茶... 於是走去食噚日買嘅西芹同 Snacker, 一路食就一路睇康熙來了。
13:15, 係時候入閘,今次關員無打印,就咁 Scan 咗本謢照就走得! 保安檢查重俾我帶咗半支水入去,唔使飲到成肚水,幾好! 差唔多上飛機,重有幾十 MB 嘅 Quota 剩,都唔知做乜好,算數,放棄,50蚊完夠六日已經夠皮。上飛機,等派餐,睇 The Great Gatsby 同 The Internship. 想小睡片刻,但越瞓越頭痛,都係唔瞓。再睇 Derren Brown 嘅 The Experiments, 唔記得有無睇過,但夠好睇。
返到香港,都好似仲係一號風球,唔係咩地球最強咩... 都好,無風無雨,返到屋企,
上到車,閒話家常一陣,最後問我係唔係去 Domestic Terminal, 嚇咗我一跳,International 呀喂,我要返香港呀! 之後佢打返公司 Confirm, 中間唔知發咩事,總之最後係去國際客運大樓。响車上面小睡片刻,話咁快12:10就到,Check-in 埋先至12:30左右。14:25先起飛,通常起飛後一個鐘左右先會派餐,即係嗰餐已經唔係晏,已經係下午茶... 於是走去食噚日買嘅西芹同 Snacker, 一路食就一路睇康熙來了。
13:15, 係時候入閘,今次關員無打印,就咁 Scan 咗本謢照就走得! 保安檢查重俾我帶咗半支水入去,唔使飲到成肚水,幾好! 差唔多上飛機,重有幾十 MB 嘅 Quota 剩,都唔知做乜好,算數,放棄,50蚊完夠六日已經夠皮。上飛機,等派餐,睇 The Great Gatsby 同 The Internship. 想小睡片刻,但越瞓越頭痛,都係唔瞓。再睇 Derren Brown 嘅 The Experiments, 唔記得有無睇過,但夠好睇。
返到香港,都好似仲係一號風球,唔係咩地球最強咩... 都好,無風無雨,返到屋企,
Sunday, September 22, 2013
世界中心之旅 - Day 6
10點左右自然醒咗,食埋個 Muffin 做早餐,出發。今日嘅目的地主要係 Sydney Tower Eye, 由酒店行去都係5分鐘左右嘅路程,其實酒店係位於好似中環嘅商業區,沿途有唔少酒店、銀行、商場、名店咁,好多嘢買。所以決定登上塔頂之前,週圍行吓先,先經過 Martin Place, 入郵局寄咗 Post Card 先。買咗郵票,但個海綿... 乾嘅?! 搵過第二個海綿,都乾咗九成... 算,貼到郵票就得啦! Martin Place 似乎都幾耐歷史,建築風格我估係維多利亞時代。
行行吓,見到有蘋果𣄃艦店,排晒隊咁,OK... "the new iPhone. And the new iPhone" 開售... 唔太關我事,走! 行咗入去 Strand Arcade, 建築似西港城,但入面唔係賣布,多數係賣本地 Designer 設計嘅衫,有一間 Gallery, 有幾間賣餅,同兩間餐廳。
其實行吓行吓,發現一條街口可以容納好多唔同年代嘅建築,商業區喎,香港有無? 另一樣香港無嘅,就係會見到唔同雕塑出現,再轉個街口,一個劇院就出現响眼前。藝術,根本就係融入生活當中。
入去 Westfield 入面間 Zara, 啲衫都幾靚喎,好似香港唔見有添,想買條牛仔褲,但唔啱身,無計。再去 Myer, 又有一堆靚衫,點解呢邊好似咁多選擇咁? 不過諗起其實個行李箱無乜位,都係算把... 有少少攰,但十二點,食個 Lunch 又好似太早,走去 Food Court 買咗個齋手卷補一補充。
又行返入去 Westfield 嘅另一間舖,好似專賣牛仔褲嘅,有唔同顏色,唔同質地,唔同剪裁,唔同牌子咁。試咗好多條,一係褲頭太鬆,一係褲腳太窄,試都試到出晒汗咁滯。最後揀咗條有黑色彈性嘅牛仔褲,雖然太長,但就可以拎去附近嘅改衣店改。改緊衫嘅時候,食埋個晏先。原來麥記有至激優惠,點完餐60秒後重未有得食有芝士漢堡 Coupon 送,講緊嘅係繁忙時間嘅 Food Court, 一啲都唔少人。又係 McGrill 加沙律,不過無汔水喎,得清水同橙汁揀,橙汁當然係不二之選。食食吓,有電話打嚟,條褲改好咗。食完就上去攞,跟手換埋出街。
跟住準備上 Sydney Tower, 但出面見到有街頭樂隊唱歌賣碟,如果係香港,佢哋嘅遭遇會係點呢? 唔理,上塔先。換飛嗰陣,原本係有張 Voucher 去換3個唔同地方嘅飛,但個票務員就俾咗3張 Sydney Tower 嘅飛我... 重成張 Voucher 數起咗... 好彩我無諗住去另外兩個地方啫... Anyway, 上塔前,要先睇 4D 戲,再由保安人員係咁二搜吓個袋,跟手影相,先至入到電梯。條電梯,重好慢添... 上到塔頂,都係影相嘅啫,可以玩 Fake Miniature. 部相機重可以外加 Time Lapse, 好似幾得咁。
不過,其實我想影日落嘅 Time Lapse, 橫豎重有兩張飛,都係返酒店房拎架生。返酒店其實,途經起級市場,順路買埋第二日嘅食物。一來一回,再睇4D戲、搜袋,再上返塔頂,已經係一個鐘後嘅事,但時間啱啱好。5點半開始影,影到7點咗右收工,不過隔住塊玻璃,效果唔太得... 走嘅時候,一位街頭歌手响剛剛街頭樂隊表演嘅地方唱緊歌。唔知係咪同一時間只可以有一位表演者呢?
最後一日嘅晚餐想食豐富少少,之前一晚見到其中一間餐廳有 Cheese Cake, 所以就返到呢間响碼頭附近嘅餐廳。又係點吉列雞扒,另加 Cheee Cake. 食飽,好大嘅罪惡感,先出去行吓,返房抖一陣,再做 Gym.
做完 Gym, 開始執嘢,Upload 相上 Flickr, 攪到兩點瞓覺。
行行吓,見到有蘋果𣄃艦店,排晒隊咁,OK... "the new iPhone. And the new iPhone" 開售... 唔太關我事,走! 行咗入去 Strand Arcade, 建築似西港城,但入面唔係賣布,多數係賣本地 Designer 設計嘅衫,有一間 Gallery, 有幾間賣餅,同兩間餐廳。
其實行吓行吓,發現一條街口可以容納好多唔同年代嘅建築,商業區喎,香港有無? 另一樣香港無嘅,就係會見到唔同雕塑出現,再轉個街口,一個劇院就出現响眼前。藝術,根本就係融入生活當中。
入去 Westfield 入面間 Zara, 啲衫都幾靚喎,好似香港唔見有添,想買條牛仔褲,但唔啱身,無計。再去 Myer, 又有一堆靚衫,點解呢邊好似咁多選擇咁? 不過諗起其實個行李箱無乜位,都係算把... 有少少攰,但十二點,食個 Lunch 又好似太早,走去 Food Court 買咗個齋手卷補一補充。
又行返入去 Westfield 嘅另一間舖,好似專賣牛仔褲嘅,有唔同顏色,唔同質地,唔同剪裁,唔同牌子咁。試咗好多條,一係褲頭太鬆,一係褲腳太窄,試都試到出晒汗咁滯。最後揀咗條有黑色彈性嘅牛仔褲,雖然太長,但就可以拎去附近嘅改衣店改。改緊衫嘅時候,食埋個晏先。原來麥記有至激優惠,點完餐60秒後重未有得食有芝士漢堡 Coupon 送,講緊嘅係繁忙時間嘅 Food Court, 一啲都唔少人。又係 McGrill 加沙律,不過無汔水喎,得清水同橙汁揀,橙汁當然係不二之選。食食吓,有電話打嚟,條褲改好咗。食完就上去攞,跟手換埋出街。
跟住準備上 Sydney Tower, 但出面見到有街頭樂隊唱歌賣碟,如果係香港,佢哋嘅遭遇會係點呢? 唔理,上塔先。換飛嗰陣,原本係有張 Voucher 去換3個唔同地方嘅飛,但個票務員就俾咗3張 Sydney Tower 嘅飛我... 重成張 Voucher 數起咗... 好彩我無諗住去另外兩個地方啫... Anyway, 上塔前,要先睇 4D 戲,再由保安人員係咁二搜吓個袋,跟手影相,先至入到電梯。條電梯,重好慢添... 上到塔頂,都係影相嘅啫,可以玩 Fake Miniature. 部相機重可以外加 Time Lapse, 好似幾得咁。
不過,其實我想影日落嘅 Time Lapse, 橫豎重有兩張飛,都係返酒店房拎架生。返酒店其實,途經起級市場,順路買埋第二日嘅食物。一來一回,再睇4D戲、搜袋,再上返塔頂,已經係一個鐘後嘅事,但時間啱啱好。5點半開始影,影到7點咗右收工,不過隔住塊玻璃,效果唔太得... 走嘅時候,一位街頭歌手响剛剛街頭樂隊表演嘅地方唱緊歌。唔知係咪同一時間只可以有一位表演者呢?
最後一日嘅晚餐想食豐富少少,之前一晚見到其中一間餐廳有 Cheese Cake, 所以就返到呢間响碼頭附近嘅餐廳。又係點吉列雞扒,另加 Cheee Cake. 食飽,好大嘅罪惡感,先出去行吓,返房抖一陣,再做 Gym.
做完 Gym, 開始執嘢,Upload 相上 Flickr, 攪到兩點瞓覺。
Friday, September 20, 2013
世界中心之旅 - Day 5
6點起身,7點5就有電話嚟話要出發,同預期一樣。今日遊藍山,去 Trip Advisor 度話有個 Private Tour 幾好,於是就報咗名。個司機兼導遊叫 Rob, 一個好多嘢講嘅人,講咗好多故仔,例如話英國人行藍山足足行咗廿唔年先由一邊去到另一邊咁。
遊藍山之前,去一個動物園摸袋熊睇樹熊同餵袋鼠。啲樹熊係幾得意嘅,如果係瞓覺嗰陣,但係醒咗就唔及熊貓可愛。啲袋鼠為咗食,原來都幾狼死,大家係度係咁爭食。之後影吓唔同嘅動物咁,唔係太特別。
離開動物園,去咗間賣生果嘅地方休息,生果呢幾日食唔少,都係買支嘢飲就算數。
跟住,就去到傳說中嘅秘密地方,係啊 Rob 發現,再清條路出嚟。
到午飯時間,去咗間酒店到食,間酒店都好耐歷史,呢輪裝修緊咁話。叫咗個 Chicken Schnitzel, 即係類似吉列雞扒咁,係澳洲主流菜式之一。
食飽飽,真係要入去國家公園,Rob 話可以坐纜車或者行去睇瀑布。見個瀑布幾靚,梗係要親身睇吓。最後,掛住睇瀑布,Miss 咗 Three Sisters. Rob 就再車我去睇到 Three Sisters 嘅地方。
係時候落山,落咗山後,回程唔係坐車走,而係坐船走。途中影連拍想做 Time Lapse, 但效果不佳...
晚飯就去咗 Food Court 買4份1隻雞,再去買盒士多啤梨做飯後果攪掂。之後寫 Blog, 執相,做 Geotagging, 攪到差唔多兩點先瞓。
遊藍山之前,去一個動物園摸袋熊睇樹熊同餵袋鼠。啲樹熊係幾得意嘅,如果係瞓覺嗰陣,但係醒咗就唔及熊貓可愛。啲袋鼠為咗食,原來都幾狼死,大家係度係咁爭食。之後影吓唔同嘅動物咁,唔係太特別。
離開動物園,去咗間賣生果嘅地方休息,生果呢幾日食唔少,都係買支嘢飲就算數。
跟住,就去到傳說中嘅秘密地方,係啊 Rob 發現,再清條路出嚟。
到午飯時間,去咗間酒店到食,間酒店都好耐歷史,呢輪裝修緊咁話。叫咗個 Chicken Schnitzel, 即係類似吉列雞扒咁,係澳洲主流菜式之一。
食飽飽,真係要入去國家公園,Rob 話可以坐纜車或者行去睇瀑布。見個瀑布幾靚,梗係要親身睇吓。最後,掛住睇瀑布,Miss 咗 Three Sisters. Rob 就再車我去睇到 Three Sisters 嘅地方。
係時候落山,落咗山後,回程唔係坐車走,而係坐船走。途中影連拍想做 Time Lapse, 但效果不佳...
晚飯就去咗 Food Court 買4份1隻雞,再去買盒士多啤梨做飯後果攪掂。之後寫 Blog, 執相,做 Geotagging, 攪到差唔多兩點先瞓。
Thursday, September 19, 2013
世界中心之旅 - Day 4
瞓得唔錯,係中間醒一醒,上 Whatsapp 同人傾咗一兩句就再瞓過。再醒嘅時候,係8點,一個鐘頭左右後再醒,似乎已經瞓夠。梳洗完畢後,上 Facebook 一睇,原來香港都幾多人已經醒咗,計返都係7點過少少咋,呢個對於我返大陸都無咁早醒嘅人嚟講,係無法想像嘅事情。
一朝早想去 The Rocks 行吓,一開始行錯路就少不免,好彩只係幾分鐘嘅路程,同埋發覺唔記得帶嘢,都係要返酒店房攞... 再出發,就去到河邊,去到河邊,就見到歌劇院。一陣再嚟搵你,去咗 The Rocks 先。唔知係咪太早,好似唔覺有人賣嘢。算,去歌劇院。
去歌劇院附近,見到 South Park 嘅公仔做宣傳,點知俾保安人員干擾,唔知最後拍唔拍得成嘢呢? 去到歌劇院,發現陽光太勁,相入面好多 Detail 位都 Washout 晒,似乎要等黃昏先至係合適嘅影相時間。諗住返酒店嘅時候,點解唔見咗副太陽眼鏡? 返轉頭搵,唔見,搵吓搵吓,連個相機套都唔見埋添! 唯有去 Lost and found 報失。真係要返房,今朝似乎諸事不順。返房之際,原來個相機套俾人响路邊執起咗放埋一邊,再返 Lost and found 銷咗一件先,影多一陣,Lunch time 時間,去麥記買個雞包,原來澳洲嘅麥記係可以揀沙律唔揀薯條,太好了! 可惜個沙律個醬係好酸,唔落好過落。中途隔籬枱有人走,食剩唔少薯條,附近嘅海鷗就走過嚟搶,狼死到呢。
之後,去咗附近嘅當代藝術館,好多唔同嘅展品,而且唔止剩係畫作,重有裝置藝術,甚至,連入面賣紀念品嘅小店都係藝術品之一,都咪話唔犀利! 行到咁上下,都係時候返酒店。
返到房,邊打 Blog 邊等,時間差唔多,再度出發。似乎光線靚好多,影咗幾張之後,準備影 Time Lapse 之際,發現無帶腳架?! 算數,用 Ricoh 影。準備好晒之際,影影吓,俾班唔知係原居民定中東人定印度人嘅後生仔整到部相機,我頂吖! 呢個 Trip 似乎影 Time Lapse 都係有麻煩... 又要再 Set 返啱個角度,但之前影嗰啲基本上無意思...
影 Time Lapse 基本上無乜嘢好做,所以帶咗部 Notebook 寫 Blog, 又或者影夜景咁。攪到七點鐘,鳴金收兵了,歌劇院同海旁嘅夜景原來都幾靚,又多影幾張相。
晚餐再去超級市場買個大大個嘅牛角包,外加番茄同乳酪,醫飽肚後一邊寫 Blog 一邊稍休,再去樓下做 Gym. 個 Gym Room 嘅設備其實都幾齊,但用力位好似有少少唔同,都係做輕磅少少,費事拉親。因為第二朝又要早起,所以做完 Gym 後就沖涼瞓覺了。
一朝早想去 The Rocks 行吓,一開始行錯路就少不免,好彩只係幾分鐘嘅路程,同埋發覺唔記得帶嘢,都係要返酒店房攞... 再出發,就去到河邊,去到河邊,就見到歌劇院。一陣再嚟搵你,去咗 The Rocks 先。唔知係咪太早,好似唔覺有人賣嘢。算,去歌劇院。
去歌劇院附近,見到 South Park 嘅公仔做宣傳,點知俾保安人員干擾,唔知最後拍唔拍得成嘢呢? 去到歌劇院,發現陽光太勁,相入面好多 Detail 位都 Washout 晒,似乎要等黃昏先至係合適嘅影相時間。諗住返酒店嘅時候,點解唔見咗副太陽眼鏡? 返轉頭搵,唔見,搵吓搵吓,連個相機套都唔見埋添! 唯有去 Lost and found 報失。真係要返房,今朝似乎諸事不順。返房之際,原來個相機套俾人响路邊執起咗放埋一邊,再返 Lost and found 銷咗一件先,影多一陣,Lunch time 時間,去麥記買個雞包,原來澳洲嘅麥記係可以揀沙律唔揀薯條,太好了! 可惜個沙律個醬係好酸,唔落好過落。中途隔籬枱有人走,食剩唔少薯條,附近嘅海鷗就走過嚟搶,狼死到呢。
之後,去咗附近嘅當代藝術館,好多唔同嘅展品,而且唔止剩係畫作,重有裝置藝術,甚至,連入面賣紀念品嘅小店都係藝術品之一,都咪話唔犀利! 行到咁上下,都係時候返酒店。
返到房,邊打 Blog 邊等,時間差唔多,再度出發。似乎光線靚好多,影咗幾張之後,準備影 Time Lapse 之際,發現無帶腳架?! 算數,用 Ricoh 影。準備好晒之際,影影吓,俾班唔知係原居民定中東人定印度人嘅後生仔整到部相機,我頂吖! 呢個 Trip 似乎影 Time Lapse 都係有麻煩... 又要再 Set 返啱個角度,但之前影嗰啲基本上無意思...
影 Time Lapse 基本上無乜嘢好做,所以帶咗部 Notebook 寫 Blog, 又或者影夜景咁。攪到七點鐘,鳴金收兵了,歌劇院同海旁嘅夜景原來都幾靚,又多影幾張相。
晚餐再去超級市場買個大大個嘅牛角包,外加番茄同乳酪,醫飽肚後一邊寫 Blog 一邊稍休,再去樓下做 Gym. 個 Gym Room 嘅設備其實都幾齊,但用力位好似有少少唔同,都係做輕磅少少,費事拉親。因為第二朝又要早起,所以做完 Gym 後就沖涼瞓覺了。
Subscribe to:
Posts (Atom)
Popular Posts
-
前幾日,睇到呢篇文 嬲爆!電車司機哭訴,竟被斥奴隸! 今日搵返出嚟嘅時候,見到另一篇謬論,先回: 1。歐、美各國發達或不發達民主國家。出糧時,最少4 % 扣去供EI unemployment insurance 失業保險,最少3 % pension 退休金,如非管理層,最...
-
Ten days ago, it was my 26th birthday. My colleagues have throw a small party at lunch. I also got a gift from a friend of mine in the eveni...
-
香港嘅社會運動,到最後散水嘅時候,都話會將運動「遍地開花」。但之後就只會隨住時間而忘記,又或者係每年一兩次嘅集會先再講起。 真正嘅片地開花,就只可以由教育體制、宣傳著手。政府要推國民教育又或者係每晚新聞前嘅國歌,就係要愛國愛黨嘅情操遍地開花。政府只要定好政策,拎到撥款,就可以...
-
响新聞度聽到政府官員响立法會講休「恬」空間,惡夢... 正字人去咗邊?
-
咁就一個月,之前寫咗個 program 仔去做 backup facebook 嘅 content. 跟住發現咗一個功能,反正一個月可以做個月結。因為 Like 係最簡易嘅動作,就用 Like 嚟做個小分析。 呢個走勢圖入面,大家重記唔記得每個高峰點發生過乜事? 頭10...
-
Sad but true... Confirmed: Microsoft Says It Will Open Source VB 6 Re:And we care why? (Score:4, Funny) by fragfoo (2018548) writes: on Th...
-
想當年响學校遇到一個非常之伯父嘅老師,見佢第一眼已經覺得佢好惡,求神拜佛希望佢唔好教我。當然,天主教學校對神神佛佛一慨不理,中三嗰年,就係佢教 Physics. 佢係湯 Sir, 湯應祥老師,係眾學生口中嘅蘋果佬。 蘋果佬嘅來源有兩種說法,有一說係似前學校門口有檔生果攤,學生...
-
給佔中三子和泛民議員的一封公開信 (美國)尹浩鏐 我是一個旅居美國快50 年的老華僑,原本不必為香港的前途擔憂,但我又不能不擔憂,因為那裡住著600萬我的親人同胞,不能眼看著他們被少數有心人帶入死胡同而不發一聲,我人微言輕,我的話你們不一定會聴得入耳,但我若不把心裡話吐出...
-
細個嗰陣,成日諗點解會有立法局,嗰陣覺得都咁多年,要立嘅法唔係應該一早立好晒喇咩? 大個之後,發現社會要進步,法律都要跟得上時代步伐。 睇返歷史,好多時都要跟隨社會嘅需要同科技嘅發展: 小巴 小巴本來就是白牌車你們知道嗎? 在五十年代, 新界有一種比巴士收費高的白牌車...
-
因為各種意外,影唔到熄燈嗰吓。 熄燈前 熄燈後 但係,其實除咗大廈外牆,好似無乜家庭熄燈。 另,今晚帶咗部行咗 CHDK 嘅相機,試一試 60 秒曝光影維多利亞港。點知,熄咗燈都係爆光,一片白色。另一樣唔太掂嘅,係個 focus, 點影都係 out 晒 focus...