十月相薄

十月影咗唔少相，但啲相唔係太配合到個氣氛，唔打算 Post 上 fb. 响呢度記底佢算。

10月1號，唔使多講發生乜事


10月2號，話說隻牙旅行前碎咗，做咗個牙模，牙冠呢日鑲咗入口


同一日返到公司後嘅黃昏


10月3號，呢日公司攪義賣，有好多糕點，買咗件 Cheese Cake, 好好味!


10月6號，係呀，又上報紙，不過之後就好似無乜見到佔領運動嘅新聞 (其實都無乜點去拎報紙)


同日嘅黃昏


10月7號，放工影


10月10號，又係放工影，見到啲飛機雲，攪到好似打扙咁


10月11號，星期六嘅黃昏，剛啱太陽直接入廚房，覺得幾靚，影低佢。


10月14號，當香港發生事情，呢邊都有抗爭嘅事


10月16號，Yeah! 好耐無見，其實呢... 因為之前做咗負離子，唔記得叫佢唔好做咁貼，攪到成個頭塌晒，呢日叫做合格返。


10月18號，之前嗰日買咗啲類似蟹柳嘅物體，用嚟煮咗碗麵。之後去附近嘅市場買生果，一磅一一大兜，於是買咗一份蘋果，好似食咗個幾禮拜。


10月19號，純日落控發作，不解釋


10月24號，返工嗰陣經過巴士站見到嘅廣告，我諗個廣告入面嘅內容永遠都唔會响香港發生。


10月27號，因為轉咗冬令時間，時間快咗一個鐘，即係早咗一個鐘天黑，變咗放工嗰陣就已經係夜晚，不過 Office 啲燈光都幾好 Feel. 亦都由於快咗一個鐘，暫時身體仲係 Jetlag 狀態，成個禮拜都係草咗一個鐘醒。


10月28號，見個月色幾靚，想影低佢。當然，手機嚟講，唔好有太大祈望。


10月31號，本來嘅新月，過咗幾日就變咗半月了。


11月1號，今日出去買咗，又用一磅買咗一份生果，今次買咗一份柑，好抵的說，因為唔知點解，超級市場要成磅半先有一細袋，但個市場一份唔但止只係一磅，份量重要多一倍。太陽落山，但期實未到5點。

天地雲海

好似好耐都無影過相，噚日難得天朗氣清，出發。

第一站係孫中山紀念公園，原來入面有個大草地，但唔知點解俾膠紙欄一欄，而又可以入去。向信德嗰邊一望，雲境有睇頭，set 起腳架影 time lapse. 半個鐘左右，雲量略嫌不足，轉影過對面海。ICC 一柱擎天，加上海量嘅雲，影多九個字再出發。

第二站西九，影日落。真係好耐無見過咁靚嘅鹹蛋黃，加上海風，令人心曠神怡。由夕陽到落霞，由餘暉到夜幕低垂，加上旁邊遊人嘅玩樂聲，感覺良好。本來想影埋月亮下山，但一大塊烏雲久久不散，唯有離開。

一日影四段 time lapse, 真係過足晒癮。

相簿

藍天白雲數碼港

去做 gym 時見到蔚藍色嘅天空，即刻走去差相機電池，之後去數碼港，睇吓可唔可以影到日落。早到咗少少，太陽太光猛，影吓雲境，都唔錯。差唔多時間，六點八 set 好腳架，起動!

影咗成個鐘，差唔多八點，想收工之際，竟然見到北斗七星! 都有年幾無見囉，唯有留耐少少，影多半個鐘。想搵牧夫座出嚟，但係唔係時候，根本唔响天空度。攪吓攪吓，原來 miss 咗最後一班出中環嘅巴士，唯有搭小巴去西環再返屋企，咁就攪到九點半先食到飯。

有機會嘅話，再去數碼港影星，或者去淺水灣睇吓會唔會有更多星出現。

Go to gallery


P.S.@20090717: 當晚見到流星

萬宜水庫

友人抽起條筋去行山、觀石、影相。晨早搭車去地鐵站，再轉巴士，再坐的士。先去水庫大壩，望一望 D 六角柱形嘅石，相傳就係呢 D 成億年歷史嘅石柱，令到遲 D 會有地質公園。再落防波堤、賞天池、入海蝕洞，好多「到此一遊」嘅塗鴉，同埋想洗走塗鴉嘅痕跡，簡直係雙重破壞。攀上防波堤，對住大海，又一番景象，太平洋嘅水流，不敵垃圾嘅堆積，唔少沖咗上岸。揹住背囊，重心有少少唔平衡，加上畏高，腳仔軟，落嚟時驚險萬分。

上返東壩壩頂，食咗個輕便嘅午餐，行返出去。沿途遮陰地方甚少，加上要避車，都幾辛苦吓。行咗個半鐘去到西壩，大家又拎部相機出嚟玩，一玩又用半個鐘，先行完短短嘅西壩。之後，見到好多的士開始衝入東壩接人走。不經不覺又行咗個半鐘，出到馬路，遇到分叉位，正當大家都猶疑行邊條路嘅時候，一架巴士突然响巴士站出現，所有人都用最後嘅力飛奔上前。

出返市區，第一件事係去洗手間洗手、沖面等，之後就搵食醫肚。食完飯，閒逛電器舖後，又各自歸家。返到屋企，發覺條頸又紅又痕，原來唔記得搽防曬落條頸度，呢幾日有排受。

Go to gallery


後記: 途中有人問 D 標距柱之間嘅距離係幾多，一開始估 100 米，發覺唔妥，之後又估 200 米、400 米等。响康文署嘅網頁 (http://www.lcsd.gov.hk/healthy/hiking/b5/safety.php) 最尾一段提到係每 500 米一條，不過會因環境因素稍做調節 (http://www.afcd.gov.hk/textonly/tc_chi/country/cou_how/cou_how_vis/cou_how_vis_cpvlg/22cpvlg.html)。

又一名

又一位舊同事結婚，可喜可賀。今次用新相機影相，用 CMOS 感光果然係 Noise 多咗 D.

另外，又發現一個趨勢，話說一對新人要切結婚蛋糕，攝影團隊就佈署响台下。結果，成個過程都係做俾攝影師睇，台下根本睇唔到。回想起咁多次喜宴，似乎都真係攝影團隊擺住對新人嘅多，親朋戚友要見對新人就只係影相、敬酒、同送客嗰陣先見到。

Anyway, 今次天才表演係新郎哥唱歌俾新娘子聽，點知跌咗 Watt. 新郎哥平時唱 K 都好強吓，開始時可能緊張得濟，未去到平時嘅水平，之後回勇，新娘子睇落好冧吓。

(我估天才表演呢個環節，無論新郎哥表現得好唔好，新娘子都會冧。)

最後，都係要恭喜呢對新人，祝百年好合，夫唱婦隨!

Go to gallery

講古系列之維多利亞城界石 7 - 寶雲道界石

話說英國人响港島北建立咗維多利亞城，以界石劃出城嘅界線，再以四環九約分區管治。

响一個風和日麗嘅星期日搵最後一塊界石。搭 15 號巴士上寶雲道，由司徒拔道方向開始，行咗無耐就到咗，唔難搵。呢塊好似係最大嘅一塊界石，保存得幾好。唔想撘返巴士落山，沿寶雲道行去灣仔峽道，有好多人响度練跑，途中經過姻緣石，附近有好多其他神佛例如四面佛咁。

Go to gallery

仙境

界石之旅上山，好大霧，好迷幻，能見度少於一百米。只要加少少幻想力或者詩意，會覺得唔少奇境响眼前出現。

Go to gallery

講古系列之維多利亞城界石 6 - 舊山頂道界石

話說英國人响港島北建立咗維多利亞城，以界石劃出城嘅界線，再以四環九約分區管治。

克頓道界石後，有兩個選擇，一係原途落山再經羅便臣道上山，或者繼續上山頂。今日嘅其中一個目的係行山，於是選擇咗後者。源途大霧，一個鐘左右到咗山頂，食咗少少嘢，去舊山頂道落山。上山容易落山難，斜度頗高，差不多見到住宅，就見到界石，亦差不多係最殘嘅一塊，如果由下而上咁望上去，都幾難留意到。

Go to gallery

講古系列之維多利亞城界石 5 - 克頓道界石

話說英國人响港島北建立咗維多利亞城，以界石劃出城嘅界線，再以四環九約分區管治。

由薄扶林道去港大，路程不遠，好耐未嚟過，畢竟响度完成碩士。入到港大上山，出咗港大再上山，克頓道响邊道? 路在口邊，問人，原來過鬼咗。落山再上山，路邊好快由住宅變成郊區，係一條晨運徑。途中俾兩隻狗吸引，回一回神，界石就响眼前。

Go to gallery

講古系列之維多利亞城界石 4 - 薄扶林道界石

話說英國人响港島北建立咗維多利亞城，以界石劃出城嘅界線，再以四環九約分區管治。

去完西寧街，上士美菲路，大斜坡，慢慢行，有分叉路，究竟繼續上士美菲路定蒲飛路? 最後揀咗蒲飛路，上到去過咗行人隧道，搵咗一輪，唔見?! 向決定再响南行，就响士美菲路口見到界石。

Go to gallery

講古系列之維多利亞城界石 3 - 西寧街界石

話說英國人响港島北建立咗維多利亞城，以界石劃出城嘅界線，再以四環九約分區管治。

遇友人相約，去探中西區嘅界石。由西環尾出發，响西寧街西寧閣對面嘅球瑒。以前嘅中學同學住响西寧閣頂樓，喺佢屋企天台燒嘢食，十幾年後重遊舊地，回想舊日嘅歡樂，另有一番滋未。呢塊界石保存得好好，亦唔難搵。

Go to gallery

講古系列之維多利亞城界石 2 - 黃泥涌道界石

話說英國人响港島北建立咗維多利亞城，以界石劃出城嘅界線，再以四環九約分區管治。

呢排响馬會做嘢，附近就係界石嘅所有地。食完晏，無雨，行過去睇睇。行到過咗聖保祿小學，唔見，返轉頭，咦，原來 D 字背住我頭先行嘅方向睇唔到。比想像中大，比想像中完整，比馬已仙峽道嗰塊好彩好多 。

Go to gallery

講古系列之維多利亞城界石 1 - 馬己仙峽道界石

話說英國人响港島北建立咗維多利亞城，以界石劃出城嘅界線，再以四環九約分區管治。

文獻記載嘅有六塊，但係其實有更多嘅界石，尤其以馬已仙峽道嘅界石最為出名，不過已經俾人拆咗，相信係 2007 年 6 月頭拆嘅... RIP

Go to gallery


參考

• 港島界石城市定向圖
• 尋訪迷失的維多利亞城界石‧City Boundary 1903
• 2007-05-28 尋找維城界石 上集
• 2007-06-14 尋找維城界石 下集
• 馬己仙峽道界石
• 灣仔是我家：（附錄一）

Out Fo 大日子

同事結婚，部 cam 上次影完新年煙火唔記得 set 返 auto focus. 下午嘅婚禮 out fo.
夜晚婚宴，Ricoh 相機對焦稍差，再度 out fo.

婚宴趨勢:
1. 加入天才表演，俾新娘驚喜。彈結他、彈琴等，無論練得幾好，上到台都係會太緊張，影響表演。
2. 玩新人環節唔見咗，咁多年都未見過。
3. 餐枱上嘅小禮物，見過有食嘅、擺嘅。

可以同愛人共諧連理，可喜可賀。祝一對新人白頭到老，永結同心!

Go to gallery

Tamashii Nations 2008 Asia @ 20081207

Go to gallery

Taiwan Trip @ 20081003

Go to gallery

Beyond @ 20080622

Go to gallery

KCOBA Gathering @ 20080108

Go to gallery

Athens Trip

Go to gallery

The Last Series for the US Trip (and for the Camera)

Go to gallery

This album concludes the US trip. The first photo is right outside of the customer's office. The rest is the iPod shuffle that the customer gave me as a present. This album is also the last series for my Ricoh Caplio R3 that is broken. I have just bought the R5 to replace it, though.