疫情三年，日本開關，返嚟唔使住酒店，見係11月係紅葉季節，機票又唔算貴，就決定買機票。往後就係 Plan 行程，兌 Yen, 個行李條手帶之前爛咗，拎咗去旺角整一整，又一條好漢。
出發嘅日子，晨咁早起身，就出機場。無得 online check-in, 只可以坐到機身後半段嘅位置。响禁區外坐咗陣，無去旅行好幾年，對機場有少少陌生，但又誤打誤撞下竟然剛剛可以排到頭位登機，實在太好了。飛機餐嘛，一個波籮包，除此之外都無乜驚喜，順利抵步。
入境先係最具挑戰，因為實在係太太太多人，人氣太重，空氣唔太流通，真係要中招嘅話呢度就真係最大機會中，but anyway, 攪咗個幾鐘，終於出機場囉~
第一件事就係去買火車飛去京都，因為唔太識，買錯咗 local 車飛，但經職員協助，買到 Haruka Express 就衝落月台。幸運地係傳聞中嘅 Hello Kitty 車:
內櫳:
到達目的地，迎嚟嘅係京都之塔
但天氣已暗，到咗酒店 check-in 後，求其响樓下間拉麵鋪祭好五臟廟，就準備第二日嘅行程
