蝴蝶效應 12

Butterfly Effect 總恬嚟講就係因為一個輕微嘅變化，而引致一個重大嘅改變。今次個重點，唔係個效應本身，而係想講一講超時工作 (即係 OT) 點樣改變香港人生活模式。

物價篇:
有說，超級市場賣貴貨，甚麼平通街、保證至抵，都係扼人嘅。但係，工時長咗，放工時間夜咗，好多小商鋪都已經收咗檔，可以幫襯嘅只係超級市場。君不見今天嘅超級市場都開到 11 點，正常作息嘅人會咁夜出街買嘢嗎? 答案是肯定的，因為好多人都開夜咗。有需求就要有供應，是市場不變嘅道理。

但大家都開夜咗，營運成本亦提高，或者超級市場嘅高價亦有佢嘅道理。但係賣 D 不實嘅廣告，就有 D 過份。好似便利店咁，標榜自己廿四小時營業，賣嘅係方便，大大方方咁提高價錢，全世界亦都知道佢係賣貴貨，生意亦都唔錯，咁咪幾好!

對於要 OT 嘅人就只有兩個選擇，減少消費、接受超級市場嘅價錢，又或者平日唔買，到週未週日先大量入貨。