修相

買咗部 scanner, 開始將舊相變 scan 入電腦。一場浩瀚嘅工程要展開，原本以為買一部可以同一時間 scan 四幅相嘅 scanner 就 ok. 原來 scan 相只係工程嘅一小部份，修相花嘅時間，遠遠比 scan 相多出幾十倍。效果嘛，只係一般，所有相都好似有少少 out of focus 咁，曚矇哋，但無計，一來相片本身質素有問題，二來經過 ADC, Loss 一定有。

修相步驟需時，好大部份時間用咗嚟除塵。原來一粒微不足道嘅塵，用 600 dpi scan, 入到電腦之後，因為反光，可以好清楚咁見到一條白色嘅絲，簡直係一場噩夢。除塵，就係响相入面大大小小嘅白絲、白點、花紋一一清除，廿分鐘一幅相絕對唔出奇。