去到機場，有好多空餘時間，上 Google 見到機場係有麥記，於是就週圍搵，但係都搵唔到。搵咗個保安一問之下，原來要去登機大堂先有。我都估唔到自己對個早晨全餐嘅執著
除咗個 Muffin 燶咗啲，都係平時麥記水準。於是就一路食，一路又同靚仔傾吓計咁。
落咗機，第一件事就問吓邊度有電話咭賣，點知機場係無得賣，要入城先得。本應有人接機，但走嚟走去都唔覺有人舉相關嘅牌，又迫又熱，又已經係食晏時間，唔知幾時先有得食，於是就响餐廳度買個包，順便小休一會。
買完之後，一路食一路遊走，就發現接機嘅人，有一兩個團友已經响度，過多一陣，就等齊人，去酒店。
架車都開得幾快吓
酒店大堂都唔錯
上到酒店房，休息一陣，就同大家去食晏
去咗附近一間餐廳，一本 Menu, 四種語言，呢度咪叫做生意囉!
跟住想上 Wifi, 個 Menu 有 Passord, 但係就無講個 SSID, 問完待應，都叫做上到，係啲 Signal 差咗啲。
因為已經食咗個雞包，唔想食太多嘢，於是就叫咗個公司三文治。一份凍嘅公司三文治，個包又烘得燶，睇落都幾唔開胃。刮走啲燶咗嘅部份，食落去，又幾得喎!
食完個公治，條街好𣉿，原來係遊行，班團友睇嚟都有排食，於是就借故去影相，順便睇吓邊度有電話咭賣。
點知，行咗好遠，都唔覺邊度有同電話有關嘅舖頭，唯有折返。班團友都仲係飲緊咖啡，未肯走。
跟住 Local Tour 嘅導遊出場，個 Tour 開始嗰陣，遊行嘅隊尾亦到達酒店，行行吓，重見到直昇機响度巡。
行行吓，發現條街好多呢啲迷你車
跟住就行到去鬥獸場，不過就只係外圍影相，無入到去
鬥𡃣場附近其實係一系例嘅古蹟，例如古羅馬嘅論壇
大祭壇
國會大廈廣場
遙望鬥獸場
黃昏嘅街道
隨時都見到有古蹟
行行吓，見到有間 3 嘅舖頭，於是就去咗買電話咭。不過唔知點解要登記身份，好彩有帶護照响身，本護照原來留俾酒店登記，出嚟嗰陣拎返袋咗落袋，因為懶而無拎返入房。
攪攪吓都攪咗半個鐘，班團友就等咗半個鐘。
响羅馬嘅街上面，會經常見到呢度水源，所以唔怕無水飲，亦唔使去買水
經過萬神殿
下一站就係去食雪糕，有多種選擇
我就揀咗 Cheese Cake 加 Frutti di Bosco. 酸酸甜甜，山津止渴
跟住就去咗納沃納廣場
行程結束，係時候返酒店
夜晚景色不錯
回程之間，啲團友有少少當失路，但明明認得最後嗰段，真係要拖牛咁拖佢哋先肯行。
行得太攰，無 Join 到團友食晚飯，買咗個 Kebab 返酒店食算數
No comments:
Post a Comment