講古系列 5: 豬扒 + 恐龍

呢排興講港女港男，今次講吓醜女。

响香港，醜女被人叫豬扒，豬扒一詞係由黃子華把口講出嚟嘅，當年無線有套劇叫《男親女愛》。黃子華响一間律師樓做事務律師叫余樂天，under 鄭裕玲演嘅 Miss Mo. 有場戲，余樂天話 Miss Mo 係豬扒。Miss Mo 就當然會問乜嘢意思啦，而得到嘅答案係「又乾, 又縐皮, 又多肉紋」。因為套劇當年好受歡迎，所以豬扒一詞廣為流傳，泛指醜女。

而台灣呢，醜女會被人叫恐龍。呢個就要講返三國時期，諸葛亮被稱為「臥龍」，有一說係話所謂嘅龍其實係講緊佢老婆，一個荊洲地區赫赫有名嘅醜女。與醜女同被共枕，咪臥龍囉。因為諸葛亮字孔明，大家就尊稱黃月英為孔龍。後來約定俗成，孔龍就變咗醜女嘅代號。而台灣用嘅輸入法以拼音為多，恐龍係相關字孔龍又唔係，為咗方便，就用恐龍代替，反正响上網錯別字多的是。當然叫得恐龍，就會有其他因為女子唔同特徵而衍生出例如「暴龍」等嘅唔同變化。