越位關係

兩年前，梁禮勤响七月尾做埋最後一日嘅一切從音樂開始，離開咗商台。今年，又係七月尾，劉偉恆最埋最後一日嘅我恆我素，亦離開咗。亨恆勤從此成為絕響。其實只係今日無無聊用 google 想睇睇梁禮勤嘅近況，無耐，搵到嘅反而係劉偉恆離開商台嘅結果。

當年，剛剛由美國返嚟，有一晚無無聊聊聽到「越位關位」呢個節目，從此著迷。亦因為呢個節目，星期六夜瞓時又開埋收音機去聽一切從音樂開始。可惜，呢個節目陪咗我一年半載後，就無咗，梁禮勤亦都走埋。到名嘴門走埋，我亦都無再聽一台，轉咗去二台，內容 ok, 說說笑笑又一天。

聽到余宜發嘅一切從音樂開始，令我諗起梁禮勤嘅做法，發覺都 ok 喎，咁有時夜瞓又開著個收音機。但當有其他人代班，完全跌晒 watt. 純音樂節目，並唔係剩係音樂嘅，聽眾始終鐘意同主持人互動，就好似梁禮勤當年讀 fax, 睇 newsgroup, 接電話，今日余宜發亦都會讀留言版，希望其他 DJ 可以學習。