講古系列 12: 鼇洋甘瀑

話說古有新安八景，香港有二，一為杯渡禪蹤，二為鰲洋甘瀑。熙時年間嘅《新安縣志》曰:「鰲洋甘瀑在七都大洋中。有石高十丈，四面鹹潮。中有甘泉飛瀑，若自天而下。」

鰲洋甘瀑今位於南區薄扶林瀑布灣，搭車去華富邨行一陣就到。

香港開埠前，英國外科醫生及博物學家 Clarke Abel 曾到此一遊，响 Narrative of a journey in the interior of China : and of a voyage to and from that country, in the years 1816 and 1817 中係咁樣形容個瀑布:

As seen from the ship, this island was chiefly remarkable for its high conical mountains, rising in the centre, and for a beautiful cascade which rolled over a fine blue rock into the sea. I took advantage of the first watering boat to visit the shore, and made one of these mountains and the waterfall the principal objects of my visit.

中譯:

從舟上觀香港島，只見其中峰挺拔，狀若圓錐。山下則有美瀑，水沿岩壁滾流而下。待駁艇備妥，即乘艇登岸，爬上此山，細賞此瀑美景

英國外交使節 Sir Henry Ellis 亦响 Journal of the proceedings of the late embassy to China 提到:

In the evening the ships weighed, and proceeded to the island of Hong-Kong for the purpose of watering. We hope that we shall be enabled to pursue our voyage on the morning of the 12th. The situation of the watering place is picturesque. A stream of water falls down the mountains forming the island, and the casks may be filled when the tide serves, close to the beach. Surrounding projections of the land enclose a small bay, the resort of fishing vessels.

中譯:

船隻為了補給儲水開往香港島，水源周圍的環境如圖畫般的優美。
在島嶼的山中湧出瀑布，潮漲時便可在灘上裝滿水桶……
凸出的地形圍成一個小海灣，這是漁船的庇護所……

幸得 Google 幾年前 Scan 咗當年 Clarke Abel 嘅書，還原咗當中嘅插圖:

再對比返 Google Map 嘅衛星相片，今日嘅只係一個小型瀑布，

當年嘅壯觀景況，大慨就係成張相都係瀑布

時移世易，香港開埠後，為咗應付食水供應，19世紀60年代起咗香港第一個水塘: 薄扶林水塘。大部份原本流向呢個瀑布嘅山澗水流，都引到去水塘度，鼇洋甘瀑亦只能剩下瀑布灣一名。

每日一字 40

話說有一位朋友，話如果生仔嘅話，會叫佢做 Theo, 因為 Theo 响希臘文中解作神。用 Theo- 開頭嘅英文字唔多，响 Wiktionary 例出唔夠100個嘅生字。Theology 係神學；Theophile 係一個愛神嘅人；Theophobia 係害怕或憎恨神等等。

羅馬有 Pantheon, Pan- 解作所有，中譯為萬神殿，係古羅馬人驚拜漏一啲唔識嘅神而設立。

Pantheo 係女仔名嚟，即係所有神，比 Theo 更屈機。朋友雖然生咗個女，但並唔係改呢個名，老婆，擁有比神更大嘅權力。

國際化

話說小米部米家360全景相機，性價比超高，好評如潮，但因為並通話拼音對外國人嚟講太有難度，所以 Rebrand 咗個英文名。

改乜嘢名，就代表响邊一度發展，中國企業要走進國際市場，改名就係基本。甚麼阿里巴巴都勉強唔使改名，但淘寶? 騰訊? 對不起，都是中國企業。

每日一字 39

Me-tooism - the practice of imitating other people's work or ideas

簡單嚟講，人哋話鐘意睇戲你答 Me too, 人哋話鐘意打波你又答 Me too, 人哋話鐘意打機你一樣答 Me too. 總之乜都 Me too, 就只有落得令人煩厭嘅下場。

人公審你又公審，人 cap 圖你又 cap 圖，人批評你又批評。由批評受指控嘅人到批評題出控訴嘅人，Like and Share 唔使思考，好便宜地就話俾人知你嘅立場，無諗過當中代表啲乜，總之，欠腦袋、欠思考、欠常識。望住呢住呢條題目洗版，唯一效果就係煩厭。

國際大都會

一個城市嘅發展，唔係剩睇 GDP, 唔係睇你搵幾錢。香港作為要支撐住七百幾萬人嘅城市，本身嘅基建係好重要嘅一環。呢度嘅基建唔係講咩港珠澳大橋、高鐵呢啲對外嘅基建，係道路、交通、渠務、水電、通訊等等內部嘅基建。香港响呢方面係做得太出色，而要做得咁出色，係因為呢個唔單單係需要，而係一個必要。香港停頓一日，就已經無咗數以十億計嘅經濟損失 (而我唔知呢條數點計)，所以呢一刻話落八號波，如果以30分鐘嘅車程再加30分鐘嘅準備，响一個鐘頭內，整個城市基本上運作正常，全球只此一家。

反觀澳門，2016年人均 GDP 比香港要高 50%, 啲錢洗咗去邊呢? 我唔止一次聽過澳門好似香港咁成日整路，但又唔係鋪電線整水管嗰啲，而係無端端掘爛條路再鋪返佢。最後，噚日一個風，水浸不再話下，斷水斷電，再加上人命傷亡，損失難以估計。然後，行政長官走去無事嘅地方視察，官員話按本子跟程序做事，然後，就沒有然後了。唔係人民選出嚟嘅人，唔使向人民負責，呢個係常識。台灣之前都停過電，高官識做就乖乖辭職，但關個高官事咩? 基本上唔關，但電網脆弱，欠規劃，最終就要算到高官頭上，呢個係對人民負責嘅自覺。

順帶一提，香港，同樣有個唔係人民選出嚟嘅政府，一個變咗橡皮圖章嘅立法會，同埋一個已經做緊政治審判嘅司法機構。已經過咗 Point of no return, 未來係點，澳門係前車可檻，做定心理準備吧!

孫中山講過：「政就是眾人之事，治就是管理，管理眾人之事，便是政治」實實在在咁解說民生同政治嘅關係。你討厭政治，那便放棄民生。唔好阻人搵食，咁就打死無怨。窮得只剩下錢，之後失去生命，呢啲叫有錢無命享。

人工智能原理 淺陋篇

作為一個電腦從業員，去理解 AI 點運作，係責任。人會因為無知產生恐懼，作為專業人員唔可以。

依家嘅 AI, 基本上係 Neural Network, 簡單嚟講係 Weighted Average. 個 average 就係分類結果嘅信心/準誠度。而分類嘅結果準唔準，就要睇吓啲 Weight 啱唔啱。至於啲 Weight 點搵出嚟，就要有一 set data 去話俾個 Neural Network 知乜嘢係啱，個過程叫做 Training.

最簡單嘅 Neural Network, 例如 OCR 去認英文字同數字，一個 10 x 10 嘅單色圖，1 個 input layer 有 100 個 node, 1 個 output layer 有 62 個 node. 入面有好多數要計 ，當中會用到數學上嘅 Matrix, 所以最理想係用 GPU 計。

多過兩層嘅 Neural Network 就叫做 Deep Network/Learning, 功較就係加入複雜性，例如有一層識得認直線、橫線、斜線，下一層就識得認十字線同交叉線，而圖案嚟講，就係由複雜嘅線條組成，從而去認唔同嘅物件。

無論係唔係 Deep Network, training data 嘅質素係好重要，學電腦第一堂學嘅就係 Garbage In, Garbage Out, 亂教一通嘅話，就係一個亂嚟嘅 AI, 同你亂教一個鬼佬講廣東話粗口當係問候語效果差唔多。

所以 AI 會唔會發展到消滅人，就要睇吓 Neural Network 嘅結構同埋擺乜嘢 data 去 train.

至於 AI 會唔會有自我意識，咁就要睇吓點樣將自我意識呢樣嘢變做 1 同 0 先。

P.S: 點解 QQ 個 Bot 點解會反共，一係假 AI, 一係俾人 feed 咗啲反共 data 去 train, 無其他。

網媒

因為友人嘅公司要做 Marketing, 所以整咗一張港台百大 Page 嘅 Spreadsheet, Talking About 呢粒數，簡單嚟講就係有幾多個人 (unique user) 响一星期入面响個 Page 度有任何嘅 Interaction, 例如 Like, Share, Comment 之類。


一位 Data Scientist 講過，Facebook 係有好多 Data 可以用嚟玩，於是就拎咗個 API 嚟玩吓。我想睇嘅，係唔同網媒嘅趨勢，所以攞嘅唔係一日數據，結果就係咁，Let the numbers do the talking:


原來 Facebook 係有一個 Insights 嘅 API 係俾 Page 用，入面隨咗有一星期係 Talk About, 重有一日嘅 Talking About, 分晒唔同國家咁，得閒可以再研究吓。

反骨

攪死熱時有乜好處? 無，但唔通攪死教主有? 當教主俾人攪嘅時候，熱血系統有無傾巢而出反擊? 聲都唔聲，無切割無反擊，由得人攪教主，即係認同啦! 噉攪咁大嘅媒體，咁大個影響力嚟做乜? 專門用嚟招呼非熱血系統嘅人呼?

咩沒有黃毓民我甚麼都不是，咩邊個攪黃毓民我同佢死過，咩做人最緊要正直，咩道義，Come on, action speaks louder than words.

最後關於個深宵節目，熱時買咗部 AxiDraw 俾觀眾留言畫圖，重改咗個名叫扶姬添! 但 chatroom 人唔多，控制亦都有難度，於是我做咗少少 Automation 入留言, 等個畫面叫做有啲嘢睇，所以大部份作品都係我手筆。亦即係話，深宵節目嘅內容我係最有資格講。我先唔講啲勞氣事，我當 LiveStream 直播有一千幾百，其他全部係用 App 聽聲算係正常現象，普通有人做節目嘅情況下叫做正常，但深宵節目嘅背景音樂係何其令人不安，我唔信會有人通宵聽住啲咁嘅音樂瞓囉! 所以個問題係，深宵嗰幾千人係咪應該歸零呢? 亦即係話係 Baseline 嚟，任何節目嘅人數除咗計 distinct IP, 重要減咗嗰批 Zombie Clients 先夠準。唔好睇少呢粒數，萬分之3千，已經係30%嘅分別!

唉... 依家回想返，有人講過要教主入局再選，係因為佢嘅籌款能力，嘩! 之所以話「勢傾則絕，利窮則散」，我諗，大慨就係依家咁樣，諗起呢個人都心寒!

雲海

話說好想影一次雲海，呢排成日落雨，於是就 Mon 實天文台嘅 Cam, 睇吓情況咩景。

好彩哋，噚晚見到有機:


直覺上會出現雲海，但係大神話凌晨會落雨，有少少心大心細。睇返天氣圖，又唔覺有雨雲，於是就決定出發。

9點半出發，去到國金搭1號小巴，10點四個字上到山頂。本來想去山頂廣場個觀景台，但係唔知點解有個 Trick Eye Museum 之後，可以去觀景台嘅路封晒，要即時轉陣。

行出去凌宵閣，個景差不多出晒嚟了


好彩獅子亭唔係太遠，所以好快咁搵到位影 Time Lapse, 不過呢，因為出門急得滯，唔記得帶腳架，又唔記得帶多部手機，就只可以用用緊部手機去開個 Time Lapse App 去控制部相機，可打機上網但不可聽網台，時間有少少難過。


影幾張單張


就開始影 Time Lapse 了，一路玩吓手機 Game, 影到11點五個字，收檔返歸了


不過最後呢幅，因為熄晒燈，加上濃霧，感覺好悲涼，心中不是味兒


其實略嫌少少早走，因為走嘅時候先開始雲海亂舞，可惜唔係星期五。如果係星期五嘅話，可以去盧吉道影，無的豪宅响度，個景會靚好多，亦可以影夜啲... 但係算係完成一個目標了。

公司

今日聽咗一集《笑死朕》，入面說著一間公司嘅本質:

1. 做好嘅 Product 拎去賣錢
2. 有一班人可以一起去做好嘅 Product
3. 有錢去 Support 呢一班人嘅生活

公司嘅英文 Company 其實同 Companion 同根，响拉丁文解一起食麵包嘅人，譯返做廣東話，即係大家一齊搵食。而寫 Software 就同節目入面嘅拍電視劇咁，一個人係做唔晒，就算聰明如 Bill Gates, 當年都係一 Team 人去做嘢，所以一個團隊係不可缺少。

一個團隊，一齊搵食，一齊做好件事，就係我對公司嘅演譯。

聯合事件薄

噚日朝早見到 Facebook 有人 Post 咗 United 拖人落機嘅 Video, 跟住就聽到新聞報導，成朝個 Facebook 都係被呢件事洗咗版。一件唔應該發生嘅，要趕人走，用不著拖人落機。

因為 Facebook 已經洗咗版，於是用咗個 Lunch time 去刨晒佢，有朋友 Like 咗原片，其中一個 Comment 係咁寫:

I contacted my old coworkers at United and got a few more details. Originally the flight wasn't overbooked. It was at capacity. So people talking smack about overselling seats doesn't really apply this situation. They do oversell but not this case wasn't a true oversell.

The crew they put on was the operate a flight out of SDF this morning so it wouldn't cancel. Very important due to the weather effecting the ORD and EWR hubs this mornings.
(I had to space a ORD stream over Champaign, IL this morning and shoot a gap through weather, it was nuts)

So they couldn't get volunteers, blah blah, go to the involuntary list, get those passengers. Now when a passenger doesn't get off the plane easily with airline crew they call security. Not uncommon. USUALLY, after police/security talk to the passenger and explain to the passenger the consequences of not following the flight crews instructions, explains the contract of carriage and flashes their gun, they cooperate. This apparently didn't happen and the gate agent didn't realize the cops were going to be so rough on the guy. So in all fairness, even though no one is found of how United's contract of carriage works,...

問題就嚟喇，Oversell 係人所共知嘅事，因為 Oversell 而唔俾人登機亦時有所聞。但今次唔係 Oversell, 人亦已經坐响度，咁究竟航空公司有無權叫人落機? 唯一可以肯定嘅係，拖人落機唔關 United 事，係機場保安。佢哋無 flash their gun 係因為佢哋無配槍，本來已經檢討緊，但睇嚟之後都唔使諗了。就可能因為無槍，乘客唔賣賬，唯有用暴力。

反觀 United 嘅錯，呢一刻就只係錯在唔知點解第二朝班機會重要到一定要嗰四個 crew member 飛過去，由 ORD 揸車去 SDF 其實都只係4個幾鐘，一個機位 offer 800蚊美金，4個人都3千2, 可能租到架 Limo 了。

本來以為件事告一段落，點知 United 個 CEO 出咗封信話呢個係一個教訓，加埋個 Summary, 咁就出多次事，基本上佢認為員工跟足程序做事，係未出到聲話抵讚。

今日 Lunch time 再搵多少少資料，好多都係話有 Denied Boarding 嘅條款，但到最後都只係話 Apply 落 Oversell 嘅情況，直至搵到一位法學教授嘅文章，提到:

As a direct result, the government adopted a rule which permits a carrier to deny boarding to a ticketed passenger, but only after going through a process of seeking other passengers to give up their seats.

United’s Rule 25, as its title clearly implies, applies only to denied boarding. Thus, it uses the word “denied boarding,” and variants such as “deny boarding,” but says nothing about requiring passengers who have already boarded to give up their seats.

即係話，United 跟本無權咁做。一來唔係 Oversell, 二來乘客已經上咗機:

Rule 21, entitled “Refusal of Transport,” is very different because it clearly and expressly covers situations in which a passenger who has already boarded the plane can be removed. It states clearly: “Rule 21, Refusal of Transport, UA shall have the right to refuse to transport or shall have the RIGHT TO REMOVE FROM THE AIRCRAFT AT ANY POINT, any passenger for the following reasons.” [emphasis added]

The rule, which unlike the denied boarding rule does provide for removal “from the aircraft at any point,” lists some two dozen justifications including: unruly behavior, intoxication, inability to fit into one seat, medical problems or concerns, etc. But nowhere in the list of some two dozen reasons is there anything about over booking, the need to free up seats, the need for seats to accommodate crew members to be used on a different flight etc.

[略]

In this case, the failure to include over booking, or the need for additional seats, in a long list of justifications for removing a passenger “from the aircraft at any point” means that passengers may not be removed for these non-listed reasons.

今次 GG 了，United 已經犯咗法，實俾人告到 PK.

給政治宅

我唔知我係咪要洗一洗底...

我係幫過熱血公民嘅鄭錦滿當選，但係我唔係熱血公民嘅成員。
我係有聽熱血時報同 MyRadio, 但係最少有一星期嘅 Lag time, 最近好似個半星期了 (哥很忙)。更何況，聽嘅時候只係出街帶住 Headset 塞耳嘅時候聽，無乜特別留意過內容。
但我亦有聽903嘅在晴朗的一天出發，亦係 TVB 新聞台長開嘅人。

所有嘅政治判斷，大部份都係跟據自己嘅邏輯思考出嚟，只係結論咁啱大部份時間同熱血時報同 MyRadio 嘅立場一樣。

所以如果大家有咩誤會，請先認清事實先。簡單嚟講，我唔係特別支持熱普城，熱普城對我嚟講係一個選舉聯盟，熱普都還可以叫同我嘅理念一致，城就真係未參透到箇中玄機，好多事未敢苟同。更何況熱普城响選舉過後已經敗北，唔同人民力量咁有意思延續落去，所以亦都唔存在。

一位老人家(係，又係黃毓民)講過要以客觀嘅事實做主觀嘅判斷; 而我呢啲讀過科學嘅人就更應該以實質証據去作出結論。只問立場，不問是非，好容易做錯事。

P.S.: 無可否認地，熱血時報响網台嚟講係算高質，呢排玩熱血時報嘅深夜節目《愚樂無窮》，可以寫 Program 用 Chatroom 玩 AxiDraw, 呢度重溫小弟其中一幅作品: https://www.youtube.com/watch?v=Mai6OUCl8o8

每日一字 38

响美女與野獸入面，提到 Belle 係一個 Funny Girl.


响真人版中譯咗做「趣怪」。睇返字典，Funny 可以解「趣」，亦可以解「怪」:

1. Causing laughter or amusement; humorous.
2. Difficult to explain or understand; strange or curious.

以之前嘅歌詞嚟睇，村民都覺得佢同成條村都格格不入，一啲都唔有趣。所以，Belle 對村民嚟講，只係一個古怪嘅女仔。

We Connect

今日收到一個頗為傷感嘅訊息，二伯快要離開了。二伯並唔係一個常見嘅親戚，但以前細細個嗰陣，一到新年就會到二伯屋企拜年。而每次拜年，二伯同二伯娘都會準備好豐富嘅晚餐。

隨住時間飛逝，自從上咗中學之後，就好少見到二伯，但每次見親面，佢都係精神奕奕。但今日見到嘅，係躺臥响病床嘅二伯。聽堂家姐講，佢想返鄉下養病，一來仔女都响晒上面，二來我諗可能都係對家鄉嘅情義結。

問題係交通點安排，已經知道有啲中港七人車可以接載，但無醫療儀器同相關人員，大家都呢一刻，唔知點算。我諗最接近幫到手嘅人，可能係保險從業員，打咗俾其中一位相熟嘅經紀，但要星期一先問到。於是就問一問大神，原來係有醫療機構會做中港救護車接送，費用由4萬幾到7萬幾不等，用錢解決到嘅問題就唔係問題了。

雖然對二伯嘅感情不算太濃，但原來人與人嘅關係就係咁，當有一點血脈相連，就自然會去關心，想去做啲嘢。

希望二伯平安。

雞，全部都係雞

就嚟雞年，話說廣東人做雞有好多方法，原來外國人亦有好多方法叫雞:

• 雞 - Chicken
• 公雞 - Cock/Rooster
• 母雞 - Hen
• 小雞 - Chick
• 小雞仔 - Cockerel
• 小雞女 - Pullet

Collateral Beauty

噚晚同徒弟仔睇《最美麗的安排》，當初係因為睇過 Trailer, 以為係科幻戲，但睇睇吓，似係寫實戲情片，睇完最後諗多一層，幫套戲起名嘅人真係睇完套戲先意譯香港版嘅戲名。簡單嚟講，係戲中戲中戲，值得留意嘅係，究竟愛、時間、死亡究竟係演員定係一個化身，究竟佢哋嘅服務對象係咪男主角。到咗戲嘅尾聲，就出現咗一個爆喊位，帶女仔睇嘅請準備紙巾。

睇完戲之後，同徒弟仔一齊搵食，想食多次韓式炸雞，可惜有少少夜，韓國街嘅食肆都閂得差唔多。於是就問咗 Google 大神，又真係搵到另一條街有唔少韓國食肆。巡咗幾間，見到有一間有唔同口味嘅，同紐約嗰間格局差唔多，就走咗入去。

因為我同徒弟仔兩個都唔食得辣，於是第一件事就係問邊一款係辣嘅，出奇地 Marinated Sweet 係辣嘅，都真係一額汗。

等咗一陣，炸雞到


食咗一啖，辣嘅~ 叫咗個侍應過嚟，佢第一件事話佢哋啲雞唔辣... 响堅持話我哋食唔到之後，佢搵咗個 Manager 過嚟，佢就話佢哋嘅 Marinated Sweet Fried Chicken 係咁樣，以為聽錯，叫再佢講多次，一再確定後，唔係我哋叫嘅嘢食，換得...

跟住聽到鐘聲，原來咁侍應唔使係咁揮手㗎... 枱側邊有個鐘可以㩒...


炸雞再次登場，蜜糖醬汁，其實唔太識欣賞，但雞就好好食，可能醬汁影響口感，比起紐約嗰啲好似都係差少少，反正吃飽飽的，就回家了。

Good Morning

噚日臨出門口去開會前，個客話唔使開會，於是，就多咗一個鐘出嚟。唔太想返工住，於是就去咗附近間杜丹樓食早餐，一向都唔會咁早走過嚟，原來一朝早係好多人


因為見到早晨全餐再唔係叫早晨全餐，又唔想改叫法，所以用咗號碼餐嚟代替。

等咗都一段時間，早晨全餐登場，但係個感覺好頽，真係好又一餐唔好又一餐。


吃飽飽，時間差不多，上班去。

北海道之旅 - 層雲峽

一早起身，Pack 好行李，去附近嘅 Aeon 睇吓食乜早餐好。但可能因為太早，Food Court 無乜舖頭 Ready. 最後占占揀咗 Mos Burger.


好快咁完成個早餐，就走去巴士站。好出奇地係 Local 巴士而唔係旅行巴士。由道北巴士營運，巴士站就响旭川火車站右手邊，時間表顯示9點15分有班車，行到去剛剛好巴士到站。

差不多兩個鐘嘅車程，終於到咗層雲峽，酒店離巴士站有段路，又大風又凍，衫夠厚但係塊面吹得好凍。

到咗酒店，未到 Check-in 時間，於是放低行李，抽出厚衫，帶埋相機，就出去影相


附近啲樹似乎都係未黃得晒


附近無景，只好上山，但遠看山頂，係雪... 我嚟係想睇紅葉，唔係睇雪㗎...


於是，一路搭䌫車，一路慢慢變雪景


上到去黑岳


雪，全部都係雪...


占占幫我影一幅


有雪嘅地方，當然要留名


沿住條山徑


去到吊車站，個行程本來係搭吊車再攻頂，但係占占病病哋，影張相就返返䌫車站


見有厚厚嘅雪，可以玩吓 Snow Angel, 不過效果唔太明顯。我玩完之後，有人又嚟到見到咁過癮又玩，我就走人了。


時間不早，去餐廳買嘢食，本來有個冬季限定嘅，但斨完錢之後，著咗紅燈... 賣晒了


嚟個黑岳大餐，有飯有麵有配菜，好大的一份，有少少過飽


食完嘢，風雪比剛剛大，都係要打道回府


落咗山，個景變成咁


一樣，有雪就有我個名，但占占加料，所以呢幅相我會命名做《占占的便便》


溫泉街週圍影，但天陰無乜好影


連個招牌都被披上一層薄雪


未想返酒店住，就去咗附近一個公園


個景還好


同占占响風雪下嚟張 Selfie


再入公園影幾幅相


返到酒店，未到 Check-in 時間，响 Lobby 坐咗陣，個天放晴喎...


Check-in 完，再 Book 第二朝返旭川，因為有少少攰，於是咗抖一陣先


Hea 之全景


4點幾左右，占占話去睇瀑布，於是就行咗大半個鐘，去睇流星同銀河瀑布


睇完瀑布，食返杯雪糕，巨峰提子味，唔錯


跟住睇到有條路上山睇，兩個瀑布合體，就行呀行，又行咗十幾分鐘去影幅相


嘩! 年紀對體力嘅消耗真係唔講得少，睇住占占一枝箭咁走咗去，我就要慢慢行，真係唔認老都唔得。

返到酒店，意想不到地有人幫我哋鋪緊牀鋪，我以為要自己鋪添。

放低攝影器材，就去食晚餐，自助餐嚟，好多嘢揀嚟食，每樣試少少，好滿足。


食完嘢，响 Lobby 行咗陣，有唔少紀念品賣


行完 Lobby, 返返房，抄返咗 GPS Log 同埋相落電腦，就完成一日。