挑戰

噚晚，有位警察朋友預告，話只要如果 Share 警察清場嘅相就會 Unfriend. 本來都唔想 Share 啲太血腥嘅畫面，但佢講得呢句，即係都知道個畫面會幾令人不安，如果一個人因為命令、因為自尊 (重要只係警隊嘅自尊而唔係個人嘅自尊) 而選擇唔去面對事實嘅話，咁就唯有做最後嘅勸諫了。

搜集好十數幅相，預備好想講嘅事，五分鐘 Share 一幅相，無估錯嘅話，第三幅相之後就唔見咗呢位警察朋友。但想講嘅嘢未完，維持五分鐘一幅相，一路睇住新聞片段，一路 Share, Share 咗一個鐘。呢一個鐘，選擇剛剛係大家返工嘅時間，希望大家收到我想講嘅嘢: 鐵罐鑿面罩、叉頸、頭破血流、血流披面、滿身傷痕、傷痕纍纍，捉住人向面噴胡椒噴霧，連記者都唔放過，係咪想人窒息? 另一邊廂，小巴非法泊車，反而唔去抄牌，重幫埋手添! 如此厚此薄彼都覺得成件事嘅處理手法係啱嘅話，要 Unfriend 我都無話可說了。