於是一朝早就問咗個 Host 可以响邊度買 Travel Pass. 原來中央車站附近有 Customer Service. 出發搭船嗰陣，見到個 Building 响太陽下，個影變咗個人樣出嚟，好攪笑。
都搵咗一輪，先去到 Customer Service, 又有個笑面出現。
原來要收五毫子手續費，跟住上電車嗰陣，先發現原來可以响電車上面買。
去到邊真係唔知，不過呢條街上面有好多 Art Gallery
有一間入面嘅作品實在幾好，就問咗可唔可以影相
之後又再上車，原來已經係博物館區附近，包括埋本來想去嘅 Rijksmuseum
跟住我諗去到商住區，見到間酒店叫 Hotel Notting Hill, 間 Café 重叫做 Londen 添，都唔知好嬲定好笑。
行行吓，差唔多要食嘢，搵食嗰陣，咁啱又見到有地方賣 Doner Kebab, 一於試吓，亦都試埋個土耳其益力多。個 Kebab 的確係唔錯嘅，但係個土耳其益力多就... 咸嘅... 即係咸嘅益力多，唔識欣賞。
跟住去到博物館區嘅另一邊
行過少少，係一個公園
咁啱有藝術展
好突出嘅天鵝湖
風景
唔知咩像
鶴?
影份身自拍術
鴨 x 4
奇實好多藝術品都好九流，得幾個見得吓人
而啲藝術品係掂得摸得
最後見得吓人嘅藝術品
去到公園嘅另一個入口，見到公園個名，不過唔知條柱要嚟做乜
但有啲金句貼咗响上面
公園出面嘅一間教堂
上車落車，又到另一個地方，見到呢間舖頭
啲玩具都做得幾好
行行吓見到馬車
呢一刻，又唔多又想食嘢，想去噚日個 Host 推𥴱嘅 Winkel, 於是結束迷失嘅旅程，開 Google Map 睇吓响度，原來就响附近，可以行過去。
途中見到啲神奇嘅嘢，原來啲鬱金香出名到可以開個博物館
芝士都係
終於到達，似乎坐無虛席
好彩失內重有位，不過就熱咗啲，所以叫咗支可樂，跟住當然係點埋馳名嘅蘋果批。個蘋果批其實都幾重料，不過係個餅皮太甜，相對之下，啲忌廉淡淡哋，好清好食好多。
食飽之後，就行返返去，途中見到幾奇怪嘅櫉窗
行行吓，入咗去一條商店街，有齊各大品牌
跟住就見到個阿姆斯特丹博物館
一條街有兩間，你估你係梗有一間响咗近?
行到商店街嘅盡頭，見到一堆排屋
原來全部都係賣鬱金香嘅嘢，袋、飾物、種子、花等等
呢間唔係
又搭車，見到有個賣工藝品嘅市場，又落車睇睇。不過個市場好細，亦都無乜特別。
坐車又返到嚟中央車站，見到個停單車場，無窮無盡咁多單車，可謂千軍萬馬
一於就試吓全荷蘭最好食嘅薯條，買咗包大嘅，真係好大包，不過叫做就食埋佢。啲薯條係就係好新鮮，但唔脆，味道都係靠啲，佢有蛋黃醬呀、芝士呀咁，但我驚太溜，所以都係揀咗茄醬。如果咁都叫荷蘭最好食嘅薯條，雖然未响度食過麥記，但我諗麥記會好過佢囉!
食飽飽，但對腳好攰，行咗6個幾鐘，加上唔太夠瞓，返到房就只可以攤咗响床度，一於較鬧鐘，叉一叉電再去影日落。醒咗，執好嘢，準備出門，行行吓，發現唔記得帶腳架，又要返轉頭攞。但睇返時間，好似趕唔到班船過對面，計過時間，決定跑過去，最後都趕到。不過，唔知係唔夠瞓，定剛剛起身，抑或係人大咗，還是架生太多，跑得好辛苦，之後嗰一兩個鐘條氣都唔係太順。
就到喇!
似乎仲係太光
影住其他嘢先
係時候 Set 嘢
差不多了
攪掂晒，開始玩自拍
全景
落完，開始醉人嘅落霞
好大風好凍，執嘢走，一路走一路影
返到房附近，啲星開始出嚟，本來都好想影埋啲星,但係太攰太凍，都係算數
不過，攪吓攪吓，都係兩點先瞓著。
No comments:
Post a Comment